🌼السلام عليكم ورحمة الله وبركاته🌼 لو كان جيت بدري شوية ما كنت بقيف في الزحمة دي.. لو فلان كان عمل العملية تبعو في مستشفى تاني ما كان هسي ميت.. لو كان دخلت في الكلية الفلانية ما كانت هسي اموري جايطة .. يقول الرسول صلى الله عليه وسلم: ( إن أصابك شيء فلا تقل: لو أني فعلت كان كذا وكذا. ولكن قل: قدر الله وما شاء فعل؛ فإن لو تفتح عمل الشيطان ) رواه مسلم. كل حاجة بتحصل في حياتك جاية بترتيب دقيق ونظام محدد (إِنَّا كُلَّ شَيْءٍ خَلَقْنَاهُ بِقَدَرٍ) حياتك ما صدفة، رزقك ما صدفة، موعد موتك والمكان البتموت فيهو برضو ماصدفة، خلي عندك يقين إنه كل حاجة بتفاصيلها في حياتك دي أحسن حاجة ليك حتى لو أنت ما قادر تشوف الكلام ده بعيونك ! اطمأن بأقدار ربنا ليك وأول ما يحصل حاجة تحسها تقيلة على قلبك ردد "قدر الله وما شاء فعل" لأن أقدار ربنا كلها حكمة ورحمة على عباده💛.. #_خطوة_تغير