#تراث #لحن انه ام البنين ودهري ذبني #حكَي لو صحت يحسين يبني ام الاربعه الطيب كلبها خايب مايرد كلمن طلبها من جفها الكرامات باب الله الوسيعه ===================== ما يضل ابضيج امرك والجبيره هواي تسهل احجي لام عباس همك يمها كل الهموم تنحل الها من اتمد جفوفك ترجع بجرحك متقبل لو تحس ضاكت دنيتك اتوجه عليها ابنيتك بس يمها نزل دمعتك حاشا لو كاصدها ينذل بس احجيلها اتطيب جروحك يم ام الوفه ترتاح روحك متضل يمها كلفات باب الله الوسيعه ====================== لو ردت ذرية طيبه ابداعة اولادج تكلها كَلها يام عباس اجيتك وانتي للكلفات اهلها بجاه عباس واخوته والغريبه الي كفلها رايد ترزقيني بولد للشدة والدنيه سند صدكني ما تنطر بعد وتكضي هالشده وتحلها ترزقك نسل وتكحلها عينك وتبقه تفاخر الناس ابنينك ما تبقه ابمعانات باب الله الوسيعه ==================== لون طب الكون عاجز ومحد يطيبها علتك المرض بعظاك يمشي وما تحسها بخير صحتك بعينك تضيكَ الوسيعه عكس لمن يمشي وكَتك يم ام البنين الدوه انخاها ويطيب الهوه بجفوفها الكون ارتوه اكصد اتطيب مهجتك باب الله وترد يمها العوافي بس تنخاها كون ابكلب صافي الك متخلي لوعات باب الله الوسيعه ================== من تحس الدنيا ضاكت اكَصد لام الاماجد هاي باب الله الوسيعه ما ترد لو جاها كاصد بداعة حسين انته كلها عدها الحسين اغله واحد لمن تكلها ابداعته تذكر الخيل السحكته من ظل وحيد وغربته وهيه بدموعك تشاهد تكضي الحاجة وتسهل امرها تفرج ما تظل حاجه بعسرها تكظيها الملمات باب الله الوسيعه ======================== ربنا منطيها مكانه لو كصدها انسان حاير بنيه بيضه تكله تكضي حاجتك ماتبقه باجر لان بذلت لابو اليمه واربعه انطت يوم عاشر واست الزهره فاطمه لحسين جانت خادمه رخصت لجله اطهر دمه بيوم ظل ابلا مناصر اغله من الهوه الحسين عدها شويه تكول من ضحت ولدها ما كالت حرامات باب الله الوسيعه ===================حسين المحامي