📜📯 #شعر_تالشی✨🌙🕋 #لا_فتی_الا_علی📿🧿🌸🌼اشته نومی دا گرم گردی فلک لرزالو بو
یا علی وا آسمون وارش کره خشکی جیبو
اشته نومی دا برم منگ و هشی سر ویرورن
حیدریره خیبری یل ، مککر آدو آورو
دین تنه، پیغومبری آیین تنه به برقرار
لا فتی الا علی لا سیف الا ذوالفقار
مردی مردون شائی مردون یاوری سیر و گدا
آیه آیه یاری قورآن همدمی خلک و خدا
وان ستونی دین نمازه ته نمازی را ستون
اشته جانیشون قسم هرده ملائیک یندی را
از نزونم چه بخونم دا خونو پروردیگار
لا فتی الا علی لا سیف الا ذولفقار
اشته غیرز کی شاته پیغومبری را جان بنه
ای دفا نه ست دفه جان بر سری قرآن پنه
اشته غیرس شا کیه ای سفره سر نشته ببو
یا که با، اشتن دسی نه نون فقیرون دن دنه
جانی جان جانی یتیمون اشته وصیتنومه یار
لا فتی الا علی لا سیف الا ذولفقار
اشته غیرز کی شاته دا سروری زهرا ببو
کی شاته اشته شیوار پیغومبری همرا ببو
دس بداره دا خدا ور آرسه خلکی دیلی
اشته غیرز کی شاته پیله خدا نه پا ببو
اشته غیرز کی گیرفدارون جیمون آبه جیدار
لا فتی الا علی لا سیف الا ذوالفقار
🍃🍂🍁🖌معصومه اپروز
✨🌼 #عید_غدیر_خم_مبارک🌸✨📡 @Aliankhabar 📡
