((ام البنين)) محرم الحرام (الليلة الرابعة) مـنـيـن اجـيـب احـبـابي وحـلـمـي يــنـدگ بـابـي بـغـربـه خـلانـي الـزمـن راحــو وراح الــوطــن *-------------------------*-------------------* الـوطـن چـانــو ألـيـه ولـدي وحـبـاب الـگـلب فجئه عافوني الغوالي ومـحـد الـداري يطـب المغرب أيهملن دموعي أه يــانـــار الـــغـــرب يـجـرح الليل اليجيني لـيـل الـفـمـارگ صعب بـيـش أسلي اعيوني كلـهـه ميته اضنوني الأمــل بـيـه أنــدفـن *-------------------*---------------* وحشه حسيت المدينه وهاجس بروحي احس مضلـمـه اديـاري علـيـه ومـاتـت بعيني الشمس خـلـو ابـالــي صـورهـم الـچـانـو أگـبـالـي أمس لشـوكـت ابـقـى أكـابـر وتحچي دمعاتي بهمس روحـي بـيّـه أتنانشد يـمـتـه يرجع واحـد مـايـرد چـنـه الـضـعـن *----------------------*-------------------* اسنيني وياهم خذوهه وكلشي بالدنيه انعـدم ضاكت بعيني الوسيعه وياكـل بـروحـي الألـم جـيّـت الـيـل أشثگلهـه تـشـبـه الجـيـت سـهـم اذكـر الساعـه الجفوني وبـالـضـعـن رف العـلـم ادعـي ربـي العالـي وحَـده يـدري بـحالـي لـشـوكـت هـاي الـمـحـن *----------------------*------------------* احـسـب ايـام ولـيـالـي وحصّلت بـس السهـر اتحملت كسـرت دليلـي وخاطري انوب انكسر أحچي ويروحي بحنيني وحـدي خلاني القدر بـالـدمـع طـال أنتضاري ومـارجـع مـنـهـم خبر صعـبـه حـيل انساهم عـمـري غـاب وياهـم بـگـلبـي حسـراتـي بـقـن *------------------------*-------------------* الفاگد احبابه يعرفـه الـعـايـش ألام الـجـرح مـايـنـام ويغـفـه مـره مساهر الـحـد الصبح انتظر بلگيي عـلامـه وانـه يـومـيـه انـذبـح حفرت بخدي المدامع والـردن مـل الـمـسـح كلشي اشعر غـايـب دهـري مدري اشجايب حسبه حسبه اتـراكـمـن *-----------------------*-------------------* مادريت احسابـي هـذا بروحـي خليت السبب اتحمّلي احزانچ اگلهه هيچي حـالـه الماحسب طالت الفرگه وبُعدهم وجـرح الاغياب التـهـب راحو وراحـت حياتـي واقـع اعـلـيـه انـكـتـب شِـدّه كسـر الخاطر عيني جـيـه اتناطر أصـعـب ايـامـي اجـت *------------------------*---------------------* ✍خـادم الـحسيـن ع الشاعر رعد الجريخي