#زيارة_الاربعينقالوا الزوار يالله الأربعين
استعدوا نمشي للمولى الحسين
*
بلهفه قالوها وجرت دمعاتي
وانقبض قلبي وبدت مأساتي
ايصير هم آنا أجي بآهاتي
الكربلا وأبچي وتهل مني العين
*
گمت أبچي وسَرح من عندي الخيال
وانقدح من بين أفكاري سؤال
يا ترى يصعب علي هذا المنال ؟
يا الهي وَيَا اله العالمين
*
من زمان وأمنيه في قلبي
وبقنوتي من أناجي ربي
أدعي أوصل مثل أهلي وصحبي
للعراق او أمشي وَيَا الزائرين
*
يحترگ قلبي صدگ من أسمع
بدّت الزوار تمشي وتطلع
وآنه بحسراتي مني المدمع
يجري اوماروح حج العاشقين
*
الكربلا ودي أجي مشايه
بلحنين وبيدي شايل رايه
أمشي وأتعب وأعتني له عنايه
وأسعى من أوصل اببين الحرمين
*
الكربلا ودي أوصل وأنحب
اعلى مولاتي الحزينه زينب
من اليسر جابوها آه او يصعب
اعلى الغيور ايشوف حال الطاهرين
*
بحرگه أرد أوصل لعد راعي العلم
وأصرخ اببابه يحر او يا شهم
يبو الغيره متن زينب ما سلم
امن السياط وانته بين النايمين
*
يبو الغيره وين راحت غيرتك
ترضى يا عباس تهتك نسوتك
قوم والطم راسك اعلى مصيبتك
يسروا زينب أميه الظالمين
*
ودي ألطم وَيَا زوار الشهيد
وأبچي اعلى الضامي اللي ظل وحيد
وأَلْعَن الطاغي الشمر وأَلْعَن يزيد
وكل عدو للآل من الفاجرين
*
وأرد أوصل يا الهي للضريح
وأحضن الجنة الذي فيها الذبيح
واضرب اعلى الرأس وبصوتي أصيح
للأبد يا زهرا ما أنسى الحسين
*
ربي يا مولاي تعلم حاجتي
وماهي صعبه اعليك أبداً طلبتي
أرد أزور او لو تروح ارويحتي
وغيرك انته أبد ما ليّه معين
*
أقسم اعليك بضلع أم الحسن
وبصدر لحسين ذاك اللي انطحن
وبعزيزات النبي هاللي انسبن
سجل اسمي في زيارة لربعين
#مات_الورد 🍃💔🍃