#ح_قول_كم_كلمة_من_قلب_محروقنحنَ الجيل لِ إلنا سنين ما في مرّة منفتح تلفوناتنا إلاّ ما منلاقي زفّة شهيد
😢نحنَ لِ صار دعاء كميل والتّوسل وصباحيّات العيد معش ببيوتنا،صارت ب روضات الشّهدا
😢نحنَ لِ مع كلّ مناسبة عند كلّ فرحة أو حزن في حدا ناقِصنا يمكن شهيد أو جريح بالمستشفى أو مجاهد عَ الجبال
نحنَ لِ معش عنا أعياد، ببساطة أعيادنا راحت مع الشّهدا
😢نحنَ لِ إبن ال١7 سنة فينا صار شهيد بدل ما يكون بحضن إمّو
😢من
#بيي لَ بيّك لَ خيّي لَ خيّك لَ زوجك لَ إبنِك كلنا وقت الإفطار منشتقلهم بِ بيتنا و بيتكم كل يوم في مكان فاضي ل مجاهد غايب وشهيد راح
😢نحنَ لِ كِل ما يبعتوا زفّة شهيد منحطّ إحتمال يمكن يكون بينا أو خينا أو ابن خالنا أو صهرنا أو خطيب رفيقتنا
😢نحنَ لي راحوا أحلى شبابنا وأغلى ولادنا نحنَ لي سرقوا ضحكتنا ووجّعوا قلوبنا
كِل وحدة فينا صارت بنت مجاهد أو إخت شهيد أو خطيبها استشهد قبل ما يزفّوهم عرسان أو إبنها غاب حلمها معو وصارت إمّ شهيد
😢نحنَ الجيل لِ طلع نصفه شهداء ونصفه من ينتظر
😢هيدا الواقع بس بعد عنّا كتير إخوة وكتير شباب فدا السيدة زينب(ع) والمقام
👌#لقاؤك_أملي_يامهدي
