بشوف إن اللي فاهم الحياة صح « مبيأجلش قرار مُهم لمجرد إن القرار دا مُمكن يحسسه بـ شوية تعاسة » بشوف إن الإنسان - مهما بلَغت درجة عقلانيته - فـ طبيعي تكون مشاعره بتمتلك جزء من سُلطة التأثير على يومه يعني الحقيقة الخالدة للحياة بتقول إن مفيش أي طريقة أو أسلوب أو مهارة هتخلي الإنسان يهرب من مُعايشة الألم ولذلك اللي بينقذ الإنسان من مشاعره السيئة مش رغبته المَتينة في عدم المرور بيها .. لكن يقينه أنها لو حصلت هيقدر يتعامل معاها عادي. زي ما دكتور Carl Jung كان بيقول « إذا فعلت الشيء الذي تخشاه، ستكتشف في النهاية أنه ليس بذلك السوء » فـ شجاعة الإنسان مش معناها إنه يبطل يخاف، والقوة النفسية مش مُرادف لـ إنعدام الشعور .. لكن المعنى الحقيقي إنّك تتمسك بالشيء الجيد حتى لو نتج عنه شعور سيء.