#قصائد_السيدة رقية__١٤٤٥_هـ
#مـۄسسـﮫ_مــﻥــبـريۄن_للالـﺢــانالناشر.احمد.الـــزوار.cc🏴
.
🏴بـويـة لا موعـادتـك ☆ أفـرشت ســجـادتـك
😭ــــــــــــــــــــــــــــــــــــــــــــــــــــــــ
11
#شور...
يارقيه.. يارقيه.. يارقيه..
.
ـــــــــــــــــ ❁ ❁ ❁ ـــــــــــــــــ
.
زغيرونه..
ماتحتمل لو طال ابوها غيابه
زغيرونه..
تنظر عليه من هجمت السلابه
زغيرونه..
من يمها مرو شايلين اثيابه
.
واحد يمزگ يمها ظل ابرايته
وثنين اختلفو وشگو صايته
واحد حچه وهضمت رقيه احچايته
بذبح الحسين ايزيد حقق غايته
.
يارقيه.. يارقيه.. يارقيه..
.
ـــــــــــــــــ ❁ ❁ ❁ ـــــــــــــــــ
.
مذهوله..
نار المخيم تفتل بدخانها
مذهوله..
حلوگ التراب تفرهد بوليانها
مذهوله..
ولي تشوفه يوجر بنيرانها
عمتها تشگف عنها الله يعينها
منا سكينه يمها لطمه بعينها
ومنا حميده تمشي ومچتفينها
واعله الهزيله بلا وطى مصعدينها
.
يارقيه.. يارقيه.. يارقيه
.
ـــــــــــــــــ ❁ ❁ ❁ ـــــــــــــــــ
.
عطشانه..
ظالم يبدي الجربه كلما شافها
عطشانه..
ينطيها ماي ومايفك اچتافها
عطشانه..
منّ الشموس امفطرات اشفافها
.
نادى زجر راس الحسين ويانه
خله يشاهد ترتوي وليانه
لكن رقيه خل تظل عطشانه
وردة حياته من الظمى ذبلانه
.
يارقيه.. يارقيه.. يارقيه
.
ـــــــــــــــــ ❁ ❁ ❁ ـــــــــــــــــ
.
برجليها..
جمرات من نار الخيم تجويها
برجليها..
طول الدرب من تسحگ تأذيها
برجليها..
گيد اليسر كلش ثگيل اعليها
.
رمده وتحس جويت جمر بعيونها
على الحجر والشوك يمشونها
طول الدرب لو عثرت يضربونها
جندي الشمر بالسوط هد امتونها
.
يارقيه.. يارقيه.. يارقيه..
.
ـــــــــــــــــ ❁ ❁ ❁ ـــــــــــــــــ
.
لاگاها ..
حرمله گلها ياليتيمه. وينچ
لاگاها..
طفيت عين الگمر شوفي بعينچ
لاگاها..
وبنبلتي گطّعت گلب حسينچ
.
آخر سهم اطلقته يوم الحومه
صوبت بي عبدالله يالمظيومه
تفرهد اخيچ گومي لمي اهدومه
خلصو هلچ هاليوم يالمصدومه
.
يارقيه.. يارقيه.. يارقيه..
ـــــــــــــــــ ❁ ❁ ❁ ـــــــــــــــــ
.
تعبانه..
صار النهار أظلم ويشبه ليلها
تعبانه..
من تمشي تتعثر وبايد حيلها
تعبانه.
راح الحضن ذاك الي چان يشيلها
.
لحظه غفت بدرب المشتاگه
حلمت ببوها وطاحت من الناگه
اتگله يالغايب متى نتلاگه
هجرك يغالي ماني حمل افراگه
.
يارقيه.. يارقيه.. يارقيه
.
. ـــــــــــــــــ ❁ ❁ ❁ ـــــــــــــــــ
.
مسبيه..
بيها الهزيله تطوي درب البيده
مسبيه..
طول الدرب ينزف ابوها اوريده
مسبيه .
ياناس والشامات ارض ابعيده
.
دخلن واهل الشام طلبو ثارهم
لمو احجار وجردو بتارهم
مطرو على روس السبايا بنارهم
صابت رقيه وحده من احجارهم
.
يارقيه .. يارقيه.. يارقيه
ـــــــــــــــــ ❁ ❁ ❁ ـــــــــــــــــ
.
مانامت..
ليل الخرابه خله عبره بروحها
مانامت..
هاجت عليها الليله كل اجروحها
مانامت..
جابو طشت بلكي تبطل نوحها
.
عالطشت المظلومه صدت عينها
كشفته وشافت بيه راس احسينها
ونت لحد ما خلص كل اونينها
يم راس ابوها انتهن خمس اسنينها
.
يارقيه.. يارقيه.. يارقيه
.
حسن الموالي الفاطمي
▪️مؤسسة منبريون للالحان رقم 1
@ahmed_alziwar1▪️مؤسسة منبريون لنشر القصائد 2
@ahmed_alziwar2▪️مؤسسة منبريون للمقامات3
@ahmed_alziwar3▪️مؤسسة منبريون للنعي4
@ahmed_alziwar55كروب تلبية الطلبات
https://t.me/+EYMpn6BKE-IxYmZi