يوليدي نام ابلا مهد الله يكّفّيك الحسد نام نام نام نام ~~~~~~~~~~~~~~~~ شيوصلة يم المشرعة والمشرعة ابعيدة گلب الأبو اشگد ينقهر يسمع بچي اوليدة بزرةت دلال امن العطش إيفرفح ابإيدة بالخيمة آنة واسمعت نشغاتة بالبيدة
أسمع بچي وگلبي انمرد الله يكّفّيك الحسد نام نام نام نام ~~ وّي والدة وديتة عبدالله يشربونة عبدالله ساكت وشعجب گدرو يسكتونة ثاري بسهم فوگ العطش سدوهن اعيونة يحسين چيف اتحملت بيدك يذبحونة
من إيدي رايح هالولد الله يكّفّيك الحسد نام نام نام نام ~~~~ و احسين من جاب الطفل بس غارگ ابهمة ظل يبچي لحسين اوگع من قوة الصدمة گلي رباب امن انذبح ظل يلزم ابدمة حسبالة ماي الهلسبب حگي النظر يعمة
ما تسوة دمعاتي بعد الله يكّفّيك الحسد نام نام نام نام ~~ چف العطش يلزم طفل ما يرحم ابروحة الما يگدر يسولف ترة ما تنقري اجروحة والينذبح بيدة طفل أحلامة مذبوحة وعبدالله مات امن العطش وعيونة مفتوحة
شيعوضة المنّي انفگد الله يكّفّيك الحسد نام نام نام نام ~~~~ أحمد عباس الحساني {شور}