1.مؤسسة منبريون الحسينية🧿

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

كتبت هذه القصيدة التي تتحدث عن مشاعر زائر الامام الحسين عليه السلام في ليلة الجمعة

قصيدة(ليلة الجمعة)
****
تحت گُبْتَك ليلة الجمعـــــه
على امصابك اوگف وانعـــه
ادري بيهه اهناك موجــوده
اوياي تبچي اُمّك البضعـــه
*
ليلـــة الجمعـــــــه تمُر بيّه ابشَجنهــــه
ياحسين وروحي تشتاگ الوطنهــــــــــه
اجي الصحنك واحس بالزهره وحزنهــه
اتصيــح آنه الوالده المذبوح ابنهــــــــه
آنه ابني ابرگبه مگطوعـــــــه
وين اليساعدني بدموعـــــــه
فوگ ضلعي المنكسر لَطْمـي
عالغريب المنطحنه ضلوعــه

ليلة الجمعه وأنه ابكل ديره وامچـــــان
گلبي يظمه الشوفة اضريحك يعطشـان
اوصلك واسمعهه تصرخ گلبي لَهفـــــان
وصرت أدوّر عَزه إبني وين ما چـــــــــان
ادموعي تجري اتصير سچابـــه
ابصــــوت آ يحسين وامصابـــه
ساعدونـــي اعله البچي والوَن
إبنــــي غَطّه شيبتــه اخضابــه
*
ليلة الجمعـــه وأنـــه عنـدك يوالــــي
استمعهه جيتــك اتنادي يغالـــــــي
الحُرّه صاحت يام حسن يمي تعــــالي
وشوفي يُمّه كربله اشسوّت ابحـــــالي
لازمه ضلعــــي وتعنيتـــك
يبني جيتـك ريت ماجيتــك
اجروح بيك الف وتسعميـه
الگيتك آنه واحس مَلْگيتـك
****
ليلة الجمعه وضريحك تحت گُبتـــه
ادعيت وَيْ گلب اُمّك الاسمع دَعوْته
يا الٰهـــــي جفني لَتْنشّف دمعتـــــه
عالّذي متگطِّعه ومتسلْبه جِثتـــــــه
والله يفجِع صـــــوت الوديعــه
تندب ابياضيعــة الضيعـــــــه
ساعدوني بالبچي اعلــــه ابني
وباللطم والنعي ياشيعـــــــــه

ليلة الجمعه وبچيت اعله اليتامـــــه
واسمعتهه وصرت الطم على الهامـه
حسين حرگوا على اطفاله خيامــــــه
اشماله راعي الثار مايظهر علامــــــه
ادموعـــــي عالشباچ منثــــوره
واستمع دعـــــوة المقهـــــــوره
يا الٰهـــــي المنتظــر يمتـــــــــه
تشفي صدر احسين بِظْهــــــوره

كلمات خادم اهل البيت(عليهم السلام)
الشاعر مهند قاسم الكاظمي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#دليل_محرم_2018
#محرم1440هجرية
#مؤسسة_منبريون_الحسينية
#الناشر_احمد_الزوار
#قصائد_الامام_الحسين_ع


👍مقدمة+رئيسية
https://t.me/ahmed_alziwar1/76078
https://t.me/ahmed_alziwar1/77295
👍نزلة
https://t.me/alziwarrrr/4696
👍نعي
https://t.me/ahmed_alziwar4/8234
https://t.me/ahmed_alziwar4/8375

👍زنجيل + الزنجيل
https://t.me/ahmed_alziwar10/2955

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


الليله العاشره


موادع فركه  وليلة عاشر نوح 
باجر من يصير الملكه  اجروح 
تطلع زينب ادور
عالجفين والخنصر   ليله  نوح 

بعدهه  بواهس العشره   ماتعرف شنو العثره  ولا التربان 
سنيين  بخيمة  الخوه    بسهوله الطلبه مو كوه  من الخوان 

المدامع  فرضت السكته 
الاخو يطالع وجه اخته 
حسين يلبس ابنته  
التراجي وعبره  خانكته  

طاحت دمعه تغير وجه الليل 
من هالموقف زينب صاحت ويل
تصد للموقف من يمر
عالجفين   والخنصر     ليله  نوح 

اختنك كلشي بوجه زينب    الصبح  للفركه  يترقب  ودمعهه يسيل 
تصد غالي يشم  غالي    التالي  يقدم  التالي   وتلاشى الليل 

يتراوه  الزينب العاشر 
الخوفه  البيهه  من باجر 
تموت ولاتصد  حافر  
ضلع لابن  النبي كاسر  

فزت  زينب من صفنتهه تصيح لا 
خلصهم  من شر العاشر يالله 
يربي وهالقدر يعبر 
عالجفين  والخنصر    ليلة  نوح 

كلب حد الضلع  يبجي   نواظر بالعتب تحجي  الوداع ادموع 
الحسره تكابر بحسره   الاخوه ساند اخو بظهره  وشبك باضلوع

الريح  اتحرك  الدمعه 
الغوالي محليه الجمعه 
بخيمه ريحه البضعه 
حسين  يودع  بربعه  

حدر الخيمه نياح اصحابه يزيد 
فوك ضلوعي يكسر ظهري اعضيد
زينب جم صبر تصبر 
عالجفين  والخنصر       ليله   نوح  

المحاجي بزينب اهوايه    بمعصب عكدت الرايه  وتدير العين
صورة  مشرعه  وكافل     تصد بعين ابو فاضل    تغيب سنين


ثواني تمر علي السنين
يموت الشاطي بالجفين
بسهم كاطع صلاة العين
يمن كاطع ظهر الحسين

باجر فوك الشاطي اتطيح  ايام  
من ارباي البيه متحمله الالم   
تموت ابالي مايخطر  
عالجفين   والخنصر    ليلة نوح  

حجر عثره  وحجر جبهه   البي صابوك وي يشبهه  الضرب جدك
رماد  الخيمه البخدري   التراب اللي خنك  صدري  وحدر خدك

اخاف اتنادي يازينب  
تره بخدري الخيم تلهب
تصيح وتوكع  وتتعب 
اجيلك  واعثر  وانحب 

يا ماكتلك  ليل الوحشه  اهموم 
شرد اشكيلك وانت بلايه  اهدوم
شلمن منك  وشستر
عالجفين والخنصر     ليله  نوح

 

ايوب السويطي 


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

انه بلياك طاري الفرگه يچويني
بچيت ادموع عيني وخلصت عيني
يامظلوم يمفارگني
يامظلوم يمفارگني
……
انه بلياك مدري شلون تاليها
تغيب الروح گوه امچلبه بيها
اچتفها واشبگ بيدي رجليها
وتفر اعليك والوحدي تخليني
يامذبوح يمفارگني
……
تخليني طريحه وليلي مانامه
الخلگ متروس شايف كلشي گدامه
تره المهموم سلوه بليله اللامه
وعله حزن الوكت لحد يوصيني
ياعطشان يمفارگني
……
اليوصيني اكف النوح ماريده
الليل ابلانجم ياگمره التفيده
ايا گلبي اليتيم الونه تعويده
وانه معوزه خلگ ثاني يكفيني
يامسلوب يمفارگني
……
يكفيني الغيابك دهري انوحنه
واحط دمع المحاجر كشخة الحنه
الونه الماتجيبك جنها مو ونه
اريد الناس كلها تسمع اونيني
يامهموم يمفارگني
……
ونين المايجيبك مايمر بالي
ونه بلياك حالي يبچي الحالي
مشه ذاك العمر وشظل بعد غالي
شكثر ذكراك كل ليله تاذيني
ياتعبان يمفارگني
……
تاذيني وگول اتهون لعيونك
واشد كلهن عليه امشي من دونك
شفت بعيوني من گامو يذبحونك
ونه ابصفك واشوفك ماتحاچيني
يا عريان يمفارگني
……
شتحاچيني ويباس اللازم السانك
عمت عين النهر لن العطش خانك
تعاين وجت النار اعله صيوانك
وناديك ابحزن ياخويه طفيني
يامنحور يمفارگني
… ..
علي الحاج الصبيحاوي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

قصيده بحق الحسين ///ع

واحـــســـيـــنـــاه بـذاكـرتـنــه الـطـف فــلا نـنـســاه أبــــد
واحـــســـيـــنـــاه نـجـدد بـهـالـصـرخـه لـحـسـيـن الـعـهـد

* ***********

صــرخـتـنـه عـهـد لـحـسـيـن أبــــو الـيـمــه الـمـا يـفـهـم نـفـهـمـه بـسـرهـه هـالـكـلـمـه
بـضـــمــايـرنـه الـمـجـالـس والـلـطـم ذمـــه مـــا نـنـسـه الـخـضـيـب الـوذروا جـسـمـه

كــلــنــه نــهــواه عـلـمـونــه الـحـب أهـلـنــه مـن الـمـهــد
واحـــســـيـــنـــاه نـجـدد بـهـالـصـرخـه لـحـسـيـن الـعـهـد

* *******

كـــل عــام الــيــمــر هــالــمــدمـع أنــهــلــه ومــنــوفــي الاجــلــنـه ضحــه كـل أهـلـه
هــنـيـالــه الــحــسـيــن بــدفــتـره يــسـجــلـه أعــظـم مـنـزلـه وهـالـخـدمـه مـو سـهـلـه

دمــــــعــــــة الآه تـجـري عــالــخــديـــن مــن أبــ وجــد
واحـــســـيـــنـــاه نـجـدد بـهـالـصـرخـه لـحـسـيـن الـعـهـد

* ********

مــن يـــوم الــعــرفــنــه بــقــصـتــه الــمـره نــذرنــه أرواح لــلـغـالــي الـنـذر عــمـره
وكــل لــطّــام يــــتـــبـاهــه الــيــدك صــدره نــمــوت نــعــيــش مــايــتغــيـر الـمـسره

مـــا نــســيــنـــاه ذكـره بـيـنـه يـعـيـش مـسـلـوب الـجـسـد
واحـــســـيـــنـــاه نـجـدد بـهـالـصـرخـه لـحـسـيـن الـعـهـد

* **********

يــجّــدد مــصــابـه بــكــل ســنــه أعــلــيــنـه ودمـعــنـه الـمـنـذرف يـشـرح مـآسـيـنـــه
مــعـذور الــمـحــب لــويــبـجـي لـحـسـيــنــه يـجـرحـنـه الـشـهـر كــل مـا يـمـر بـيـنــه

يــبــقــه ذكــــراه مـا يـمـوت حـسـيـن رغـم أهـل الـحـسـد
واحـــســـيـــنـــاه نـجـدد بـهـالـصـرخـه لـحـسـيـن الـعـهـد

**** ***********



مــآتــمــنــه الــه بــكــل ذكــره نــحـيــيــهــه وعــيـن الـمـا تـهـل لـمـصـابـه نـعـمـيـهـه
خـــل عــدوانــــه بــيــنـه أتــلـــوم خــلــيــهـه مــاتــعــرف الــثــوره وســر مـعـانـيـهـه

ضــحــه بــدمــاه لـتـضـحـيـاتـه الـكـون قــرالــه وشــهــد
واحـــســـيـــنـــاه نـجـدد بـهـالـصـرخـه لـحـسـيـن الـعـهـد

* ****؟*
الشاعر
رعــد الجريخي


٠٧٧٠٦٢٥٤٧٣٢



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


زينب ع يوم العاشر


خويه هاي انه واكفه اهنانه
على التل ابينكم
احجي وي ثنينكم


ليل غربه وصبح بي دلالي راجف
صفنه خلت صوتي فوك الشفه واكف
من الرعب والخوف ماحرك الشفايف
ظل مثلكم كلبي فوك الكاع نازف

منكسر ظهره ومنهشم صدره
نزف كلبي سنينكم
احجي وي ثنينكم

مرتين وياكم اتوادع وداعين
هذا الاشتم منحره واحضنله جفين
وشكثر لوليتله الظل بفرد عين
لجن هدمني وداعك خويه يحسين

بليله التوديع كتلي خاف انضيع
تبجي اصد لعينكم
احجي وي اثنينكم

ياكل بروحي العتب بس مااعاتب
عيون غير عيونكم ظلت تراقب
بين شامت بين ناهب بين سالب
كمت مافرزنهن وكثره المصايب

خويه واليجرح واكف اليذبح
يكلي وين حسينكم
احجي وي ثنينكم

بهيده ماكلني التعب وي صعدة التل
بلايه خيمه الليله انه وبلايه محمل
ارد انشدك يالكفيل بهاي تقبل
الشمر يهتم بالضعن ولخدري يكفل

تقبل بهايه وتترك الرايه
بكلبي جلمه وينكم
احجي وي اثنينكم

عادة اليرحل يخليله وصيه
موش يمشي ويترك خلافه رقيه
زغيره بتك ماتعرف الغاضريه
راحت ادور على شربه اميه

اعليه مو سهله من تفر طفله
الخدر مضيعينكم
احجي وي ثنينكم

يابو فاضل هذا جفي الجان ينباس
وجان حتى من الهوه ماترضه ينجاس
كيدوني اعله الهزل ومكابله الناس
الله يرحمني صحت بخلاف عباس

الله يرحمني من رحت مني
يالحنينه ايدينكم
احجي ويه اثنيكم




ايوب السويطي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

الله لا ينطي الرمح مزود اجروحك جرح
ترف جسمك خويه ما يحمل تراب
بلايه ثوب و شفتك تنگط مصاب
حسين خويه.. حسين خويه
****
عمت عيني بالتراب شلون اخليك
خويه ما ظل هدم عدنه وحته اغطيك
عاري صدرك و الخيول الهاجمه اعليك
وين اضمك كلي خويه اوين اوديك

وين خاچية محمد والعمامه
كون تقبل چان اغطيك بيتامه

باقيه انفاسك تحچي من راسك
اثلاثه واثمانين واحد رادو احساسك

شلون اعوفك يا امل
روحي يا باجي الاهل

گلبي ما ينطيني اعوفك يا ثواب
بلايه ثوب و شفتك تنگط مصاب

حسين خويه. .. حسين خويه
****
ارفعلي ايدك خويه بس سلم عليه
بعد اخيتك خاطر تهود رقيه
وين ابوي تگلي و تحبب بديه
اشلون اشوف وكلهه خيل الغاضريه

عگب اهلنه راح نمشي وي عصابه
من دلال حسين لتراب الخرابه

خويه حاچيني يا نشو سنيني
وين نتلاگه واشوفك يا بعد عيني

هم اشمك يا نقي فدوه هم بيك التقي

كون تگدر خويه سمعني جواب
بلايه ثوب و شفتك تنگط مصاب
حسين خويه. . حسين خويه
****
ارد اروح و اچفي روحي اعله الشريعه
ارد اراويك الفجيعه ويا فجيعه
خويه بس شوف الحبل بيد الوديعه
ضعنه يا عباس لاچن والله ضيعه

شلون بينه هالمسيه بلايه خيمه
والبنات زغار تدري و دنيه هيمه

سولف ويايه جروحي هوايه
رد يمينك وي يسارك وارفع الرايه

وين متنك يا شهم السبي خيل و زلم

كوه امشي او وين ما اروحن عذاب
بلايه ثوب و شفتك تنگط مصاب
حسين خويه. .. حسين خويه
*
لو گلتلك حيره يا خويه قليله
يا چفيل بروحتك زينب چفيله
وبغيابك خطوتي صارت طويله
خويه ما متعوده عالناگه الهزيله

الناگه تعثر وانه ما احمل چبيره
الاميره وداعتك صارت اسيره

هاكثر صبري گوم لم خدري
روحي مصدومه و تگلي الروح مدري

گوم امسح دمعتي خويه ترجف عيلتي

كون تدري بغيبتك دلالي ذاب
بلايه ثوب و شفتك تنگط مصاب
حسين خويه.. حسين خويه
**
راح اذكرك من طلعنه امن المدينه
اتمد اديك و تطمأن تلزم ادينه
وراح اگلك خويه بس اسمع حچينه
عالهزل زينب يعباس و سكينه

شنهو ردك لو اگللك مصيبه
وحك دم عبد الله صرت انه غريبه

حزني ما يوصف شيباني الطف
زينب انه اگبال اراذل تقبل اوگف

واگفه بلايه هلي. انشتم واذكر علي

طالت هوايه المسافه و گلبي شاب
بلايه ثوب و شفتك تنگط مصاب
حسين خويه.. حسين خويه




عبد زينب
محمد الابراهيمي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


ماأنساك حتّه بشهكة الموت
أبقه انخاك لوشالوني تابوت
ياحبيبي ياحسين ياحبيبي ياحسين
@@@@@@@@@@@@@@@@
بس هالطلبه اريد هيه الكلبي عيد
خادم للحسين
بجبيني علك اتسميني الخلك
خادم للحسين
أرفع ايدي إله أشرف منزله
خادم للحسين
ياصوت الأبه أعلى مرتبه
خادم للحسين
لاماعندي غيره ،،، إلمن وجهي أديره
ريت هناك أشتم بترابك
ريت هناك أكنس آنه بابك
ياحبيبي ياحسين
@@@@@@@@@@@@@@@@
غالي اعله الدليل ماصحله مثيل
محبوبي الحسين
مفتاح الحياة يل بيه النجاة
محبوبي الحسين
لويوم أنسأل عن راعي الفضل
محبوبي الحسين
تشرح دمعتي عشكي وغايتي
محبوبي الحسين
بنورك يضوي دربي ،،، ملكك صار كلبي
يامولاي عايش عله خيرك
يامولاي عبدك آنه أسيرك
ياحبيبي ياحسين
@@@@@@@@@@@@@@@@
ماعوفك محال يل عشكك دلال
حسدوني عليك
يل ويه النبض اسمك ينلفظ
ابقه ارتجيك
حلوه زيارتك اوبوسة عتبتك
ايشرفني اجيك
ديني ودنيتي احسابي وجنتي
كلهن ذني بيك
ياروحي وحبيبي ،،، ياجرحي وطبيبي
هايحسين هايم من أطوفك
موبالعين كلبي اللي يشوفك
ياحبيبي ياحسين
@@@@@@@@@@@@@@@@
لوشفت الضريح يم كبرك اصيح
هاك اخذ الكلب
اذكر وكفتك واذكر وحدتك
بديار الغرب
عباس الكمر تشوفه اعله النهر
ودمعاتك تصب
جرحك مايطيب والفاكد حبيب
يعيش بجو رعب
والفاكد عضيده ،،، يجمد دم وريده
يتمناك اتحط خده اعله خدك
يتمناك تلفيله ويشبكك
ياحبيبي ياحسين
@@@@@@@@@@@@@@@@
يااصعب وضع وحدك منفجع
مابين الخيم
مايسوه العمر موتك تنتظر
عايش بالالم
طحت من المهر عينك عالخدر
شاهدت الحرم
امثلث بالجبد ظل بيه ينمرد
ياذيك السهم
شفايف تنتظر ماي ،،، موتك أرحم هواي
بلايه حيل واليجرح مشاعر
جتك خيل وتدوسك حوافر
ياحبيبي ياحسين
@@@@@@@@@@@@@@@@
لوحان الاجل ماعندي امل
بس انت إلي
بموتي آنه اصيح محبوبي الذبيح
صوتي يعتلي
لوضمني الجفن عيوني غمضن
اووَدعوني هلي
بتابوتي اكول يافحل الفحول
احضر ياعلي
يل ضوّيتو عمري ،،، مَتضوّولي كبري
ماأحتار بحسابي ونصيبي
من النار ينقذني حبيبي
ياحبيبي ياحسين
@@@@@@@@@@@@@@@@
محمود البراك


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_ع1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


ه̷̷َـَْـُذآ الكلام الذي دار مع اخيها في ليلة العاشر 😭😭😭😭




احچيلي عن باچر شكو سولفلي يابو العيله
ماعرف اسولف وي الزلم علمني من هاليله
علمني اركب عالهزل
علمني أشد روحي بحبل

علمني من هاليله علمني من هاليله
.........
نار الخيم من تستعر يعني الركض فوگ الجمر
سولفلي عن خدر الحرم نار الخيم تحرگ خدر
خويه نار...شنهي نصيح لو خويه احتركنه
خويه نار...تظل عالغبره لو تكعد تردنه

سولفلي اسمعك وانتبه كلي الجمر ياذينه
من طيحتك نركب هزل سولفلي يابو سكينه
بس انه اخيتك ماأذل
علمني اشد روحي بحبل
..........
علمني عالتل من أجي لمن اصيحك وارتجي
لمن اشوفك منطرح يحسين جاوين ألتجي
گلي شلون...إذا عالتل نصيح وانت طايح
گلي شلون...من تشيل ايدك يعني رايح

خويه الصبح ياهو اليجي امي تجي جدي النبي
يدرون نصعد عالهزل يدرون بسياط وسبي
بس شوفي من بعدك يقل
علمني أشد روحي بحبل
..............
دليني من هسه النهر من هسه ارد أحمل قهر
بدروبي لو شفت العلم اچفوفي احطهن عالظهر
ها عباس...طايح بالضبط يم الشريعه
ها عباس...هنه چفوف من خويه الكطيعه

خويه النهر هم ينسئل من تعتني بلهفه الحرم
هيه الشريعه بت عرب بت النهر أم الكرم

يدلونه عن راعي الفضل
علمني أشد روحي بحبل
.............
من اعتني يمك صدگ محروگه اخافن تحترگ
من بعيد اهفيلك ردت جه انه احسك مختنگ
خويه حسين...خويه السوط بي لسعه چبيره
خويه حسين...آنه أتحمل شلون الزغيره

من أنه احلفه بغيرته يتركني لو يضرب بعد
لمن اكله بت علي خافن يشتم بالأسد

بس لا يشتم بالنفل
علمني أشد روحي بحبل
............
كلشي شفت حتى الصبع سولفلي وآنه أجري الدمع
بس گلي صدرك ينهدم مكسور بيك اشچم ضلع
ألمك بيش...زغيره الشيله لو حتى العبايه
ألمك بيش...وأحنه بيا هظم خويه سبايه

اتعده يمك عالهزل چنك تغص بهظمه
الهظمه زينب لو هزل لو چلمتك يايمه

صعبه المحامل تنعدل
علمني أشد روحي بحبل



عبد زينب
محمدالابراهيمي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_1440_الدفعة_الثالثة
مقدمة+رئيسية

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


من المخيـــم زينب اتـــــﮔول اطلعت

أرد اشوف حسين عالتــــــل اصعدت

*

تمشي زينب لاݘن تـﮔــــــوم وتطيح

تمشي خطوه وخطوه تـﮔـعد تستريح

صعدت التل هايبـــــوالــــيمه تصيح

عدل بعـــــــــــدك ﮔلي خويه لومـتت

*

ما رجـــــــع منه جــــــواب ولاخبر

اتعنته مذهــوله تــــــمشي وتعــــــثر

لن اخوهه يجري دمه امن النـــــــحر

اتــــــــــﮔله مارديت مذبـوح اعرفت

*

 

جيت اشݘيلك شفت وضعك صعب

صرت اواسيك ابدمع من دم يصب

اتعيني مـــــــــدري اعينك بالغرب

شرد اﮔلك يــــبن هــــــادينه حرت

*

وعتنت زينـــب لابن حامي الدخيل

وصلته ابلهفه ودمــــــعهه دم يسيل

تـــﮔله ﮔوم اوياي نرجـــــع يالكفيل

ما أصـــــــدﮔ مني ياخـــــويه رحت

*

قَبِلة راسه وݘفـــــــــــوفـه وكلمته

ݘن تحرك جسمه مدري اشحاݘتـه

يمكن ابحــــــــــــــﮔ الزݘيه حلـفته

خويه حاݘيني تــــره بعدك ضــعت

*

للخــــــيم ردت تنـــــــــادي ياهـلي

رحتو عني ومابــــــﮔـه واحـــد إلي

       ونادت ادركني يبــوالحــــمله علي

حرمه بين اعداك يابــويه صــرت

***

تمت بعون الله تبارك وتعالى وتوفيقه وفضله وإحسانه وتسديده والحمد لله رب العالمين وصلى الله على محمدٍوآله الطاهرين وعَجل الله فرجهم وسهل مخرجهم اللهُمَّ صلِّ على محمدٍوآلِ محمد

حيدركريم جارالله الكربلائي 


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

سم الله الرحمن الرحيم

من مخيمنه اطلــــعِت دمعي يكت

وابيتيمه امن الذهــول  اتــــعثرت

*

صاحت اسمـــله اليتيمه ابعثرتي

تبݘي وبمعـــصبهه تمســح دمعتي

وﮔــوه ياخويه ﮔمـت من طيحتي

ﮔمت للتل يبن حيدرنه اﮔصــدت

*

أمشي لاݘـــــن ما أشوفنه الدرب

عيني تهمي وبيك مشغول الـﮔلب

عدل خويه مدري طايـح عالترب

ياحُسين ادركني مفجوعه صحت

*

واعتِنيتك ﮔلت بلـــــݘنــــك عـدل

بس لـﮔيتك يــــــــــبن طه منݘـتل

راسك امن الجسد خويه منفُــصِل

واﮔـعدت يم نحرك وأنعى صرت

*

منذبح نحرك وصـــــدرك منهـــشم

غمضت عيـــــني ﮔلت بلݘي ابحـلم

خفت افتح عيني خــــــافن أنصـــدم

ومنك الصوب النهر أركض همت
* 


كافلي اوصلته وشفت دمــه يسـيـح

ابلاݘفوف وراسه مهشوم وجريح

ﮔتله ﮔوم حسين عالـــــغبـره ذبيح

تروي ﮔلبه بماي من جودك ردت



ﮔـوم ليّه  الحين صرت بعازتك

وانته غيرة علي حـــيدرغيرتك

ماتقــــصر وآنه خويه ابشيمتك

ريت تنهــض ليّه يل ماقصرت

***

تمت بعون الله تبارك وتعالى وفضله وإحسانه والحمد لله رب العالمين وصلى الله على محمدٍوآلهِ الطاهرين وعَجل الله فرجهم وسهل مخرجهم اللهُمَّ صلِّ على محمدٍوآلِ محمد

حيدركريم جارالله الكربلائي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


 

 

  الليلة الاوداع          يا زينب   يا زينب

  الليلة الاوداع           يا زينب   يا زينب

******************************

هيه بس هـالليه عندج كـــومي لوداع الغريب

باجر اشحــالج يا زينب  حتى كلبج هم يشيب

هـــــــالبدور اكـبال عينج عالرمل باجر تغيب

كلــبج اشيحمل مصــايب يا صبر عندج عجيب

باجر اشلون          يا زينب   يا زينب

من يغيبون     يا زينب يا زينب

********************

الليله هذا حسين يمج وجهه نور امن الكتاب

باجر ابـّحر الظهيره احسين نايم عالتراب

هذا ابو بافاضل كفيلج صار لحجابج حجاب

لو طلع مصباح عاشر لا كفيل ولا شباب

طايح الجود          يا زينب يا زينب

توكع ازنود      يا زينب يا زينب

********************

من تودعـــــين اعلى كيفج للسبي ينراد حيل

ضمي مـــن دمعات عينج والصبح دربج طويل

باجر الوحــــدج غريبه وبس يتامه ودنيه ليل

لا كرايب لا عمـــــامج لا محامي ولا كفيل

كلها ايتام     يا زينب يا زينب

باجر اشضام       يا زينب يا زينب 

 

باجر اتغيب  الكــواكب ظلمه تتحول سماج

حافيه اتركضين باجر والشمر يركض وراج

صحتي يا عباس خويه اشعجب ما واحد حماج

عالنهر طايح كفــــيلج طيحته الكسرت كفاج

وانتي تدرين     يا زينب    يا زينب

مات الحسين       يا زينب يا زينب

*******************

باجر الوحدج يا زينب محـــد امن اهلج يجيج

صارن اخيامج رماد امن الجمر محتركه اديج

باجر اتصعدين عالتل تهــــتز الدنيا البجيج

درات اعلى حسين عينج والشمر يضحك عليج

كلها شمات      يا زينب   يا زينب

جا فلج مات       يا زينب يا زينب

*******************

هاي اخــــوتج كلها يمــــج باجر ايامج ظلام

باجر ابطرك العـــــــبايه ابلا كــفيل ولا خيام

عالتراب احسين نايم جسمه قطعه امن السهام

والزلم كــــــلهم اجـــــــانب يا جفن يكدر ينام

جابو احبال        يا زينب   يا زينب


الشاعر ابو باقر الساعدي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

يخويه*** هسه اكشف صدرك
يخويه*** ارد اقبل نحرك
عندي وصيه أمن الزغر
لمي اقبلك بالنحر
_____________
اوگف يخويه** ابداعة اچفوف الگمر
من مهرك انزل** وبالعجل اكشفلي الصدر
خليني اشمك** وخليني اقبلك بالنحر
اوصية امي** بيوم الضلع بيه انعصر

امانه*** أمن الزغر ويايه
امانه*** انطيت بيهه احجايه
اديتهه ودمعي مطر
لمي اقبلك بالنحر
_____________
تنظر عليه** نظرات متروسه الم
لحظات هنه بالنحر خليني اشم
بسرعه احضرك لو دخل بگلبك سهم
احتار شجبر كل عظم منك ما سلم

بجروحك *تدري خويه اهوايه
بجروحك * راح اشد بالرايه
اجروح جسمك اشكثر
لمي اقبلك بالنحر
_____________________
اشلون اردن وحدك اعوفك عالترب
اتمنه هسه بالحجر وياك انضرب
ما اگدر ارجع يبن امي هالمطلب صعب
اعداك تگرب وبعيد اشوفنه الدرب

تراني * أمن الدمع ماشوفك
تراني * گوه احجي احروفك
للخميه امشي تنتظر
لمي اقبلك بالنحر
_____________________
ويايه امشي ونگعد بخيمتنه سوه
بنفاسي تدري بالگوه اشتم الهوه
وظلمة اعيونيماشوف صرت اني الضوه
كل المصايب اتلگني هسه ابنينوه

المصايب *بالهله التگني
المصايب * بالوسط حاطني
بالگلب كل وحده جمر
لمي اقبلك بالنحر
_____________________
وجهي لطمته لمن وگعت امن المهر
عالتل اشاهد** وعليك دايرته النظر
حيل الماني** يمك شفت واگف شمر
ثنه ركبته** وانظره گاعد عالصدر

صحت لا *طبر اول طبره
صحت لا * احضري يمه الزهره
من الگفه يحز الشمر
لمي اقبلك بالنحر
_________________
الشمر اجاني وراسك يخويه بيسرته
گلي انظري ودم على السيف بيمنته
طايح كفيلچ والعمد هشم هامته
والحين دورچ وبالعظم توصل ضربته

والسياط * كالمطر بمتوني
والسياط * بچفه طگ اعيوني
من ضربته عيوني حمر
لمي اقبلك بالنحر


الشاعر غضنفر(آبـ❣ـو آسـ❣ـہد)الزيداوي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ


 

 

  الليلة الاوداع          يا زينب   يا زينب

  الليلة الاوداع           يا زينب   يا زينب

******************************

هيه بس هـالليه عندج كـــومي لوداع الغريب

باجر اشحــالج يا زينب  حتى كلبج هم يشيب

هـــــــالبدور اكـبال عينج عالرمل باجر تغيب

كلــبج اشيحمل مصــايب يا صبر عندج عجيب

باجر اشلون          يا زينب   يا زينب

من يغيبون     يا زينب يا زينب

********************

الليله هذا حسين يمج وجهه نور امن الكتاب

باجر ابـّحر الظهيره احسين نايم عالتراب

هذا ابو بافاضل كفيلج صار لحجابج حجاب

لو طلع مصباح عاشر لا كفيل ولا شباب

طايح الجود          يا زينب يا زينب

توكع ازنود      يا زينب يا زينب

********************

من تودعـــــين اعلى كيفج للسبي ينراد حيل

ضمي مـــن دمعات عينج والصبح دربج طويل

باجر الوحــــدج غريبه وبس يتامه ودنيه ليل

لا كرايب لا عمـــــامج لا محامي ولا كفيل

كلها ايتام     يا زينب يا زينب

باجر اشضام       يا زينب يا زينب 

 

باجر اتغيب  الكــواكب ظلمه تتحول سماج

حافيه اتركضين باجر والشمر يركض وراج

صحتي يا عباس خويه اشعجب ما واحد حماج

عالنهر طايح كفــــيلج طيحته الكسرت كفاج

وانتي تدرين     يا زينب    يا زينب

مات الحسين       يا زينب يا زينب

*******************

باجر الوحدج يا زينب محـــد امن اهلج يجيج

صارن اخيامج رماد امن الجمر محتركه اديج

باجر اتصعدين عالتل تهــــتز الدنيا البجيج

درات اعلى حسين عينج والشمر يضحك عليج

كلها شمات      يا زينب   يا زينب

جا فلج مات       يا زينب يا زينب

*******************

هاي اخــــوتج كلها يمــــج باجر ايامج ظلام

باجر ابطرك العـــــــبايه ابلا كــفيل ولا خيام

عالتراب احسين نايم جسمه قطعه امن السهام

والزلم كــــــلهم اجـــــــانب يا جفن يكدر ينام

جابو احبال        يا زينب   يا زينب


الشاعر ابو باقر الساعدي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

لحظه وداع ...ونگطع حته النفس
لحظه وداع...والحچي بيه انخرس
لحظه بس لحظه عجيبه فراگ محبوب وحبيبه
لحظه وداع
*
گلشي واگف..وكفت الدنيه بأسرهه ومو عجيبه
لحظه بسنين..فراگ محبوب ويودع بالحبيبه
نزلت دموع..دموعهم نزلت سويه بيه شيبه
تحچي العيون..سولفو كلشي بدمعهم للمصيبه

ملگه وفراگ...كلمن يودع دليله
ملگه وفراگ... ياخليل وياخليله
جرح ويودع طبيبه فراگ محبوب وحبيبه
لحظه وداع

شگد گصيره..لحظه بس جمعت سويه ايام عمرين
لحظه وحده..جمعت اجمل ذكريات اختصرت اسنين
عين الاثنين..تشابگن جفن بجفن والعين بالعين
بس الدموع..بللت جفن المحنه ورسمت البين

گامت تسيل ...تبدت احلام واماني
گامت تسيل ...عمر وتبده بثواني
راح والراح شيجيبه فراگ محبوب وحبيبه
لحظه وداع

دموع الحسين..نزلن وسوله بخدوده علامه
دموع زينب.. حسين يمسح دمع اخته بالعمامه
تقره عينه.. وهوه يقره دموع اخته وكل كلامه
اخر وداع.. هاي روحه وماكو رجعه بالسلامه

تحچي العيون... والدمع يشرح حچيهم
تحچي العيون... تشابگت روح واديهم
ونار المفارگ لهيبه فراگ محبوب وحبيبه
لحظه وداع

عين بالعين.. ظلمه صارت والدمع الهم ضوه
ايد بالايد.. بينهم واگف ولامر الهوه
تشابگو حيل.. لحدما بالشبگه ماطاحو سوه
بسيل الدموع.. تراب حدر اجدامهم فاض وروه

شبگه بالروح... گلوب هم تشابگن
شبگه بالروح... وع المنيه تواعدن
وحيل ماتبعد قريبه فراگ محبوب وحبيبه
لحظه وداع

ضم اخيته.. وحيل زينب للصدر گامت تضمه
يشم عطرهه.. وهيه من نحره تدنيه وتشمه
تبوس صدره.. الحوافر تدري بس يوگع تهشمه
يحب متنهه.. يدري باچر بالسايط يسيل دمه

ناحت الگاع... والسمه گامت تنوح
ناحت الگاع... وناح حته الماله روح
الكون وياهم نحيبه فراگ محبوب وحبيبه
لحظه وداع

دمع زينب.. رسم نار وخيل واطفال وحراير
حيره يرسم.. چم زغير يطيح وتسحگه الحوافر
رسم هزل.. والشمر يحدي بضعنه رسم باچر
جروح بجروح.. درب لوعات وشتم كسر الخواطر

حيره يرسم... درب مايرحم طويل
حيره يرسم... بلايه والي وبس عليل
وجثه مدميه وسليبه فراگ محبوب وحبيبه
لحظه وداع

علي الجناحي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ

جرح الطفوف ردت ساعه يهيد
خويه ياحسين يابواليمه اشتريد
من يطفي اخيامي!!! وانت جبدك ظامي
!!!!!!!!!!!!!!!!!!!!!!!!!!!!!!!!!!
جبد ظامي #نحر دامي # روعوهه ايتامك
نار شبت #من يطفي #تلتهب بخيامك
ابفيض دمعي# اجيت اروي #من ظماهه الامك
سهم جبدك #كطع روحي # بيه كون اسهامك
شمريدناك يحز خويه الوريد
خويه ياحسين يابواليمه اشتريد
اشلون اعيش ايامي!! وانت جبدك ظامي
!!!!!!!!!!!!!!!!!!!!!!!!!!!!
روحي هامت!! أجيت يمك!! خويه يا ضي عيني
نحراشمه!! جرح المه!! اشلون أعيش اسنيني
لاكفيلي !! ليه احشم!! والهظم لافيني
روحي راحت!! وبسياطه!! من شمرواليني
دمع العيون أبد خويه يهيد
امخدرتكم تطب مجلس يزيد
منهوا عني ايحامي!!! وانت جبدك ظامي
!!!!!!!!!!!!!!!!!!!!!!!!!!!
كومي صرعئ!! روحي فجعه!!! من يحاميهه الخدر
كوّن عايش!! يابواليمه!! والشمربيه يمر
ذبح روحي!! الصبرتدري!! يالتوصي بالصبر
جروح كلبي!! ياظليمه!! خويه من اهل الغدر
صرخه ياحسين تظل حتى الوعيد
خويه ياحسين يابواليمه اشتريد
نار وسط اخيامي!! وانت جبدك ظامي
!!!!!!!!!!!!!!!!!!
كثر نوحي!! تروح روحي!! مشابك أعليك الرماح
عطش هدك!! جيت أنشدك !! اشلون من ظيمي استراح
فادي دينك !! اوبنينك!!هل جهاد وهل كفاح
دمع عيني!! ارويه جبدك!! هل دمع صاير وشاح
كيدي ياحسين صبح خويه الحديد
خويه ياحسين يابواليمه اشتريد
تنذبح جدامي!!! وانت جبدك ظامي
!!!!!!!!!!!!!!!!!!!!!!!!
أخذ روحي!! فده الروحك!! اتوسد وياك التراب
من مصايب!! هظم غاشم!! يابواليمه الكلب شاب
خويه وحدي!! جرح يدي!! اشلون أعيشن هل عذاب
يسيل دمك!! جيت اشمك!! من النحر دمك خضاب
عايشتهه الامي!! وانت جبدك ظامي
!!!!!!!!!!!!!!!!!!!!!!!!!!!!!!
ابورسول الدراجي



✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار


ــــــــــــ◐◐◐◐◐◐◐◐◐ــــــــــــــــ
ݘني بالحـــــره ابـــّــــوادي الغـــاضريه

من مخيمهه اطلعــــــــت لابــــن الزݘيه

*

          مودرب ݘن صـــــــار بين اخيامي والتل

اتنادي كل ما اسرع اشعر دربي يــــطول

أمشي ﮔوه بس أريــــــــــــــدن إله أوصل

الكون جـــــــــــو اجــدامي حسيته تزلزل

سوده صـــــارت دنيــتي مـــــــن الرزيه

*

صعدت اعله التل تهل دمعتــــهه مــن دم

اتنادي خويه حــــرﮔو اعليــــنه المــخيم

حيلي يبن امي عــــــﮔب عينك تـــهـــدم

إنته يحسين الأخـــــو والأبـــــو والــــعم

انݘان تسمع صــــــوتي ﮔوم الـحـﮔ عليّه

*

ابعالي صوتي صحتـك ومايطلـع الصـوت

ݘني يـــــــــونس ياحسين وكربله الحوت

مـن عله التل  اعتـــــــنيتك عـــله تابوت

ݘني ميته وعندي من حالي اهون الموت

ميته من كثرالحزن بس روحـــــــــي بيّه

*

جســــمك امــــوذر وذر وبعــــيني انظـرك

شيلــتي خويه اخضبتهه ابدمــــه نحــــرك

حتى كل ما أنــــــــــظر الدمك  أذكــــــــرك

بس خفت يحسين اخلي ايدي اعله صدرك

خاف الݘمه رضتـــــــــه اخيــول اعوجيه

*
 

منك لعـــــــباس رحت وجدمي يـــعثر

من ﮔبل لاشـــــــــوفه دمعــي دم تفجر

وﮔــــعدت لحـــــــظات اصيح اللهُ أكـبر

عيني صدت للخيّـــــــــام وشفـت منظر

سوط بيـــــــد الظالم ويــــضرب رقيه

*

           غمضت عيــــني وصحـت عباس وينك

خويه ﮔوم ورجع الــــــــزندك يمـيـنــك

وعيني اخذهه شوف بيهه ابدال عينـك

خويه ﮔـــــــــــوم وآنه ياعباس اعيـنك

آنه اتݘـــــــــــيلك يبــــــــوفاضــل بديه

*
رجعت ابلايه الكفلـــهه اتنــــوح زيـنب

للخـــــيام وبالخــــيام النــــــار تلــهب

ومرت اعله احسين لن جسـمه تسلب

وفاطمه اتشم بالنحر وبلــوعه  تنحب

صـــــاحتلهه تــﮔلهه خل ننحب سويه

*

سكنه مـــــن بعـــــــــيد تنظر للعقيله

أومتلهه والدمـــــع مــــــن دم تسيـله

رﮔضت وعرفت لفــــت محنه ثجــيله

ولنه مرســــــــــال وأجه من العليــله

تـﮔلهه لـوحي والــــدي خل يجي ليّه

***

تمت بعون الله تبارك وتعالى وفضله وإحسانه وعونه وتسديده والحمد لله رب العالمين وصلى الله على محمدٍوله الطاهرين وعجل الله فرجهم وسهل مخرجهم ولعنةُ الله على أعدائهم من الأولين والآخرين ألى يوم الدين اللهم صلِّ على محمدٍوآلِ محمد

حيدركريم جارالله




✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_الامام_الحسين_ع_محرم_1440
مقدمة+رئيسية
الدفعة الثانية

#قصائد_الامام الحسين ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

➰هل محــرم ونــذبح راس الشريعة ➰
ــــــــــــــــــــــــــــــــــــــــــــــــــــــــ

غريبة ونار بخيامي واجه الليل
الم بطفالي تسحك كامت الخيل
وينك ياعلي وين تفزعلي يبو حسين
------------------------------1
انه زينب بويه احشمك ياعلي احجيلك مصابي
كبل لحظه حسين يمي وهسه مايسمع جوابي
ياعلي والنار اجتنه ويه الخيم يسعر عذابي

هالخيل هجمت يا علي افز علي ردهه يالولي
وحدي بعيالي انه ابتلي ياعلي السيفك عتابي

طشينه يحيدر بالفله انحوم
عوف ارض النجف ياحيدر وكوم
يتولاني البين تفزعلي يبو حسين
--------------------------2
رحت يم حسين بويه بلايه راس بعيني شفتة
اتكسر اظلوعه الحوافر سحكت الخيل اعله جثته
اتلمست ايد ه وفجعني بغير خنصر من لمحته

ضليت ادور خنصره ابحث وادور بالثره
احجي كمت يم منحره لن راسه ماهو وندبته
راح ومارجع يابويه عباس
وضل حسين وحدة وحزو الراس
وينك ياحمه الدين تفزعلي يبو حسين
2 بي مصاب نارين تفزعلي يبو حسين
------------------ 3 --------
رحت يم العلكمي اعثر يامصابي شلون انظره
اعثر بجثة كفيلي شفت السهام اعله صدره
والسهم عينه طفا هه منذبح وبراسه طبره

جفينه يمه مكطعه عباس يم المشرعه
زينب اون يم مصرعه بالخيم وبكلبي جمره

سهم العين يذبح كل املنه
سياط ونار يابويه حملنه
يمي ايتام باكين تفزعلي يبو حسين
-----------------4----------------
مره يم الاكبر اكعد مره يم جاسم انوحن
مره يم عبدالله ابجي ابجي وبمهدة اهزن
والرباب وليله تنحب يم علي الاكبر يونن

ورمله التحشم بالا لم اكعد يجاسم للخيم
اكعدبقينه بس حرم يبني لنفاسك احنن

عبدالله الرضيع وسهم المصاب
يعصر زينب وسكنه وره الباب
طاح السهم بالعين تفزعلي يبو حسين
-------------------------5---------------------
3
فوك نوك الهم سبونه بهل يتامه ولو عونه


اسمع الحادي يكلي اله ارويهه سكينه
جسم ابوهه حسين مدمي واله اراويهه جبينه

ارويجن صواب الحجر راويجن جفوف الكمر
راويجن ضلوع وحجر شوفن العباس عينه

طاحت عالجسد تتباجه العيال
صاحو عمي ماتنهض يكفال
--------------------------6----
بدت تنشدني رقيه وين ابوي حسين عمه
مادرت بحسين ابوهه اعله التراب اوصال جسمه
امشينه يالسجاد اكله بلكت انحاول نلمه
نايم على وجهه البدر اوصال جسمه بكل كتر
يمه لكيت امي الطهر تمسحله دمه فاطمه

تسكي الكلب من الضمه ام الحسن متالمه
تنضرله سابح بالدمه صاحت يحماي الحمه
-----------------------------
-


▪️مؤسسة منبريون للالحان رقم 1
@ahmed_alziwar1

▪️مؤسسة منبريون لنشر القصائد 2
@ahmed_alziwar2

▪️مؤسسة منبريون للمقامات3
@ahmed_alziwar3

▪️مؤسسة منبريون للنعي4
@ahmed_alziwar5

(كروب مؤسسة منبريون)

https://t.me/joinchat/Dw92Dj9pmspPx7OpNRYqtA