#قصائد_استشهاد_الصادق_ع#مـۄسسـﮫ_مــﻥــبـريۄن_للالـﺢــانالناشر.احمد.الـــزوار.ccــــــــــــــــــــــــــــــــــــــــــــــــــــــــ
قصيدة بمناسبة شهادة الامام
الصادق عبقلمه ودموع العين. مقتل كتب لحسين
دستور من الاحكام . يرسم درب الخدام
.....
ابتدي بواجب سلامي عله
الصادق بأوله
وعنه انقل هالروايه. من حديث السلسله
عن ابي عن جدي يروي. الله كايلهه اله
بس ولاية علي حصني. وغيرهه ما اقبله
ياربي ليل نهار. شكراً عله الكرار
وتشهد اله الايام. يرسم درب الخدام
........
بالحديث احيو امرنه. ونزفت حروف القلم
والامر تفسيره واضح. نحر وچفوف وعلم
خرجت هاي الروايه. شكد منابر وي خدم
كربله تشهد عليهم. بالطبر ترسوهه دم
مو كلمة بس تنكال. هالخدمه بيهه رجال
الچفيه اتصير حزام. يرسم درب الخدام
.....
ترحّم بهاي بروايه. عله الزوار اشكثر
ربي ارحم هالوجوه. البالشمس صارت سمر
ربي ارحم خد تقلّب عله شباچ الكبر
ربي ارحم دمعه طاحت للحسين بكل عصر
قل جاء نصر الله . بدم ابا عبد الله
مذهبنه ماينضام. يرسم درب الخدام
......
عن رسول الله ينقل. معتبر هذا السند
كال اللهم صلي. عله الباكين وبعد
عله حسين اليبچي دمعه. لفاطمه دمعه صعد
واليوزع ماي يعني. مروي طفله البالمهد
واللي كصد مشاي. لزينب يسوي فياي
لحسينك صرت إعلام. يرسم درب الخدام
.......
احنه ياخدام لازم. كلوبنه متشابگه
الخادم من يلاگي خادم. كون حيل يعانگه
اليخدم وكلبه تحسه. خيام بيه محرگه
ودوم بحسين اليذكرك. يستحق ترافگه
خلي تلومه الناس. الضايك طعم عباس
بالمحشر النه شضام. يرسم درب الخدام
.......
الخادم امنية الوحيده. لو خلص عمره وكضه
طلب عنده يبو الكاظم. يا امام الرافضه
بعالم البرزخ يشوف حسين كون ويلحظه
ومجلس هناك ويقيمه. حمزه لو عبد الرضا
نرفع الك هالصوت. خدامك وللموت
بينه النفس مادام. يرسم درب الخدام
........
نسألكم الدعاء
حسين صادق العقابيم
▪️مؤسسة منبريون للالحان رقم 1
@ahmed_alziwar1▪️مؤسسة منبريون لنشر القصائد 2
@ahmed_alziwar2▪️مؤسسة منبريون للمقامات3
@ahmed_alziwar3▪️مؤسسة منبريون للنعي4
@ahmed_alziwar5(كروب مؤسسة منبريون)
https://t.me/joinchat/Dw92Dj9pmspPx7OpNRYqtA