#هدم_قبور_البقيع#مـۄسسـﮫ_مــﻥــبـريۄن_للالـﺢــانالــﮠــاشــﺭ اζـــﻣــد الــﺯۄار
🕊الســلام علــى جنة البقــيع
🕊ــــــــــــــــــــــــــــــــــــــــــــ
*اربع گبور امهدمه.. تبچي عليهم فاطمه*
*واتهل مدامعها قهر..واعله ضلعها لاطمه*
*
ام الاطايب تنتحب.. اومنها الگلب يتوجّر
ويم الگبور الاربعه.. دمعتها من دم احمر
اوچنها تنادي بالحزن.. ماگصرو اهل الشر
حَطو حواجز وشكثر.. ظنهم بعد نتعذر
*اگبور الاطايب غاليه.. ليش ابترب متساويه*
*والشيعه تتنفس كدر ..مصيوبه چنها امن الضمه*
*
اربعه گبور اومظلمه..من هدموها الفجار
اوماخلو اعليها اثر.. اومنها امنعو كل زوار
اوصعبه بعد صب الدمع..من حوطوها بسوار
اوبس عن بُعُد لا عن گرب..أنسلم أعله الابرار
*ماكو حنين اولا حَسس..توگف بعد يمهم حرس*
*اولو بس گبر فاطم ظهر..چان التهدمه الظالمه*
*
ويه الگلوب الزايره..فاطم تظل متحسره
تمشي اوايديها عالضلع ..ليوم الفرج منتظره
تترقب الغايب يجي ..اوسيفه اعله خصمه ايشهره
اويبني الگبور الاربعه ..اومنها يطفي الجمره
*يمحي اعله سيفه الناصبه..اويبني گبب إمذهبه*
*ويتكحل ابجيته النظر..اوتضوي اعله نوره كل سمه*
*
من يظهر المهدي ابعجل..ماكو حزن عالشيعه
يجمعها واتزور ابفرح.. وصوت الكرامه اتذيعه
(ههيات منا )اوعالعهد..امر الإمام اتطيعه
اويحلى اعله حضنه كل ورد...بيد الخلق توزيعه
*والطافه تملي كل ارض..غصبن على كل معترض*
*وفاز اللي والى ابلا ضجر..تبگه حياته امنعمه*
*
واقع اذا المهدي اجه..ترجع بعد امجاده
ويرفعها رايات الوفه..ويظهر حگوگ اجداده
وكل الظُلامه تندفن..من ترضى أم الساده
ولمن گبرها ينكشف..يبرد عليها افاده
*اوحين اللي ينصب رايته..مشايه تلفي شيعته*
*اومن أجله يركع كل ظهر..فدوه لعيونه اومبسمه*
*
تمت
طريق المدينه
#عادل_العبدالله#البقيع_العالمي22.6.2017
🕊مؤسسة منبريون للالحان رقم 1
@ahmed_alziwar1🕊مؤسسة منبريون لنشر القصائد 2
@ahmed_alziwar2🕊مؤسسة منبريون للمقامات3
@ahmed_alziwar3🕊مؤسسة منبريون للنعي4
@ahmed_alziwar5https://telegram.me/ahmed_alziwar7