#شهادة_الامام_الصادق#مـۄسسـﮫ_مــﻥــبـريۄن_للالـﺢــانالــﮠــاشــﺭ اζـــﻣــد الــﺯۄار
✿الســلام علــى امام الجعفــرية ✿
◐◐◐◐◐◐◐◐◐◐◐◐◐◐◐◐◐◐◐◐◐◐◐
للامام
الصادق عليه السلام على لحن قصيدة (( قررت رحيلك))) للحاج باسم الكربلائي
معجزة حنينك.....من بدت سنينك
صادق بصفاتك.......لكربلا ونينك
؟**********************
جعفر
الصادق ترك ابلغ علامه
بصفحة التاريخ حد يوم القيامه
عن ابي و عن ابيه كل كلامه
ثم عن جبريل عن الله ختامه
بسلسلة كلامك........حيرت خصامك
يبقه عالي ذاتك........لكربلا ونينك
؟************************
كل علوم بهالارض مسدوده بابه
الا عن جعفر غده يكشف حجابه
وكل علم مو جعفري واضح سرابه
الله من اعلوم فصل له ثيابه
يا الوسيعه بابك......والوحي حجابك
خلصتك حياتك.......لكربلا ونينك
؟**************************
هو معنى القل هو والله اكبر
منه ديني ومذهبي ولحكامي مصدر
جعفري آنه اصبحت و باسمه افخر
غالي هالمذهب علي افديله منحر
ترهب بجلالك.......تزهي بجمالك
والدمعه بسماتك......لكربلا ونينك
؟**************************
تأبى نور الله يتم ولد السقيفه
وسمموا جعفر بأيد المو نظيفه
وغمضت عينه اللي للدمعه حليفه
وجانت اعله شفافه هالجلمه الشريفه
هيه واحسيناه.....جدي واغريباه
دمعتي لخواتك.......لكربلا ونينك
؟****************************
ينعصر كلبه يويلي ماضي سمه
وكلبه متشعب جثير بكلبه همه
بهالوضع وينادي زينب ها يعمه
سبيج ودخان ثوبج لسه اشمه
وخدرج التسلب....جمره بيه يلهب
ودموعك هباتك.....لكربلا ونينك
؟*******؟****************
تجري بدموعه بقت صورة رقيه
وصوره عنده امن النهر بيهه السبيه
مات مسموم ويون للغاضريه
وانطوت صفحة حياته ابهالمسيه
جددت الرزيه....عله الزهره الزجيه
وبليلة مماتك .....لكربلا ونينك.......................
الشاعر ابو فاطمة الطائي
✿مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5✿اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA