1.مؤسسة منبريون الحسينية🧿

#قصائد_محرم _ع_١٤٤٥_هـ

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


💔
لاكيها ابـو فاظل خـويـه لاكيها🏴
ــــــــــــــــــــــــــــــــــــــــــــــــــــــــ




الكروب الاول 👇❇️ قصائد #محرم الحرام قصيدة للامام #الحسين عليه السلام
#وزن #الموشح

الروح شدّت يبو اليمه امتاعها
وغير  گاعك ما تود مِرباعها
---------
الك حن گلبي مثل حنة النوگ
ولِهبت الروح بلهب جمرة الشوگ
لچن طوَّگهه الزمان شلون طوگ
طوگ  الآثام انغرز باضلاعها
---------
امطوَّگه روحي بسلاسل من حديد
رادت تناصرك ضد عسكر يزيد
شما تحل من طوگ ينشـد وتزيد
السلسله اعليهه وتچتف ذراعها
---------
وظلت بحيره بأمرهه وأبصرَت
لحالتك يحسين حين اتصورَت
شافت جيوش الاعادي اتحضرَت
لروحها اتود بالظلم  إشباعها
--------
وشاهدت يحسين حالك بالخيم
اتهون بصبرك ألم نار الألم
بالوداع ايهون توديع الحرم
لچن زينب ما يهون اوداعها
--------
وشاهدت زينب تودع بالابطال
اوعگب هالأبطال يتغير الحال
مَن يهاب الحره واهيه بلا رجال
اوهيبة اللبوه بوجود اسباعها
---------
ومن بعد ساعات الوداع الأخير
شافتك للموت قررت المصبر
اوعِلَت صرخة لا معين ولا نصير
صرخة الحق دوّت بأسماعها
----------
اوحين سمعت صرختك بين الحشود
يا حسين اصبحت جمرتهه تزود
اوهاجت وكسِّرَت كل ذيج القيود
اوراعها امن امصيبتك ما راعها
----------
واعتنت تنصر الحق اوداعيه
شاهِدَت قبه ومناير عاليه
عُرفت تأخِرَت عن التضحيه
والحياة اتبدِلَت أوضاعـها
-----------
اخسِرَت ما شارِكَت روحي بنهضك
لچن رادت يوم تحظه ابخدمتك
شافت ايزيد الذي حز رگبتك
ايريد ينهي ثورتك واتباعها
----------
فُرْحَت اورادت لماضيّك تعيد
اتمنّت تضحّيلك بدم الوريد
طلبت انصارك لگت منهم عبيد
ومنهم اللي نسه الغيره وباعها
-----------
حسين رادت طلعوا اكثر من ثنين
كل فرد منهم يصيح انه الحسين
همه قادوا هالسفينه بلايه عـين
وهمّه كسروا للسفينه اشراعها
-----------
مبدأك عافـو لآفات الزمن
گعـدوا اتحمّوا بنيران الفِتَن
بيدهم باعوا الغيرة بلا ثمن
لچن مو بيديهم استرجاعها
----------
#عقيل_الكاظمي / 
https://t.me/+tVfRCNCfpmJlMGRi
الكروب الثاني 👇
https://t.me/+tVGiZHdfNq81ZGYy
▪️ قناة اليوتيوب الرسمية رابط الاشتراك