1.مؤسسة منبريون الحسينية🧿

#قصائد_محرم_١٤٤٣

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

▪️ اردود اجه عاشور الحزن والهم وعيني للمصيبه تجري الدمع وي دم ▪️

ــــــــــــــــــــــــــــــــــــــــــــــــــــــــ


#رئيسية_ليلة_الخدمه


امامي خيري من خيرك
امامي ما احب غيرك

حسين حسين... مثلك ياهو يسوه ابابه نكعد
حسين حسين.. عنك ملتهين وعنه تنشد

امامي امامي
**

هو انت مثلك وين اكو دليني حتى امشيله
اركضله ركضة محترك بس بشرط احجيله
يدنيني يمه من ابتعد ويبجيلي من ابجيله
ويفتحلي كلبه وبابه اذا عن الجرالي اشكيله

حسين حسين.. ينكسر كلبي وظهري اذا تنساني
حسين حسين.. محبوبي انت الاولي بلا ثاني

امامي صعب تفسيرك
امامي ما احب غيرك

امامي.. امامي

*******

مثلك منو اليوميلي اذا طحت بمصيبه وعازه
ومثلك منو مخلي الخدم من كلشي ما محتازه
توميلي وتضم خنصرك خاف استحي من اتوازه
الف وتسع مية جرح وتفزع بلا عكازه

حسين حسين.. انت شيخ العشك والخدمه العشيره
حسين حسين.. ياهو عزب مثلك بروحه لحصيره

امامي وابقى استجيرك
امامي ما احب غيرك

*******

عيشني طفك والعطش وجدامي وفقها بحرك
والتمسك ادنيني الك بس انت والله اهل العشك
مولاي مثلك ما شفت لا بالحلم لا بالصدك
بعيونك مغفي السهم وعينك علي ما تنطبك

حسين حسين.. بداعت رقيه احسبني من خدامك
حسين حسين.. واحركَلي كلبي من لهيب خيامك

امامي عالي تقديرك
امامي ما احب غيرك

********

مولاي من ذاري الدمع ارزقني ازيل اذنوبي
اذنب واردلك اعتذر سوده بفعالي ادروبي
غير اليحب يرضي المحب غير احرص لمطلوبي
بيك اطعن شما تنجرح وتضمني يا محبوبي

حسين حسين... سولفتك وي ادموعي وتسليني
حسين حسين... مولاي فدوه لمجلسك وديني

امامي فايح عبيرك
امامي ما احب غيرك

******

كلهن مراسيلي الاجن روحي الك محتامه
مطلبها واحد وتعرف مطلبها يابو عمامه
مولاي دلالي شكبر شوكَه الك وهيامه
تتمنى روحي بكل وكت تبقى الك خدامه

حسين حسين... رغم كل الصار بيك من المآسي
حسين حسين... تعلي بشاني وتعليلي راسي

امامي عايش بتدبيرك
امامي ما احب غيرك

******

احمد الميالي

▪️ قناة اليوتيوب الرسمية رابط الاشتراك بالقناة
https://www.youtube.com/channel/UChi9JQ-VKyzhEWL4E0144JQ

▪️قناة اليوتيوب للرادود احمد الزوار
https://www.youtube.com/channel/UC5lXqSGtfVucDzp7yDU2Pgg

▪️كروب الالحان رقم 1
https://t.me/joinchat/Dw92Dj9pmspR5uHfACGjlA

▪️كروب الالحان رقم 2
https://t.me/joinchat/Dw92DkJZ4tvb4YIzJWBWrg

#قصائد_شهادة_الامام_الجواد

مؤسسة مــﮠــبـريــۅن للالــﺡــــــان

#الــﮠـاشــر_اﺡـــمد_الزوار

🖤الســلام علـــيك يــا بــاب المـــراد 🖤

ــــــــــــ◐◐◐◐◐◐◐◐◐ـــــــــــــــــــــــــ

#رئيسية

استشهاد الامام محمد الجواد عليه السلام
-
-
-

بطوس الرضا ينعاك --- يوليدي ألله أوياك
يبني الجواد أتروح --- مثلي الچبد مجروح
يوليدي الله اوياك
--
من چبد بالسم تگطع من غريب أمفارك أبنه
أمن الرضا لأبنه الجواد الرايد ابلهفه يحظنه
والألم من سم دليله بدمعة اعيونه يسكنه
هوه هم مثله غريب ويدري هاي الغربه محنه
ياغربة الاوطان -- - شتعذب الانسان
ايظل بس جسد لاروح -- - مثلي الچبد مجروح
يوليدي الله اوياك

--

عالرضا قبل الجواد وقبله عالكاظم مصيبه
أتغرّبوا تركوا وطنهم كل محب فارگ حبيبه
مارحم بيهم قدرهم كل چبد يسعر لهيبه
والذي يختم حياته اجنازته تصبح غريبه
الكاظم سجن وقيود --- لهله النعش ميعود
ظل عالجسر مطروح --- مثلي الچبد مجروح
يوليدي الله اوياك

--

امصيبه فوگ أمصيبه مرّت عالهواشم مامثلها
فاطمه المعصومه ظلت بالغرب لايم اهلها
وزينب العاشت مصايب دمعه عالدمعه تهلها
لو رقيه وراس ابوها اتعيش عگبه ما مهلها
لو بالبقيع اگبور -- -محرومه حتى النور
أچبود ودمع مسفوح --- مثلي الچبد مجروح
يوليدي الله اوياك

--

ياجواد الامه انته للمراد أكبر وسيله
انته باب الرحمه انته انته للتايه دليله
والطلب منك طلبته اتفرحه اتبّرد غليله
عدنه طلبه ردنه منك شافي ارواح العليله
يالتكرم الوفاد -- -منك نريد أمراد
الغيرك ابد منروح -- -مثلي الچبد مجروح
يوليدي الله اوياك

--

انتو باب الرحمه ربكم عالبشر انزل رحمته
بيكم الباري رحمنه وتمم اعلينه نعمته
والذي يذرف لجلكم دمعه تشفع له دمعته
شمعه وبگبره تضوي وعينه مسروره بوحشته
انجدد عهد هاليوم --- نخدمكم انظل دوم
والشارك بهل النوح --- مثلي الدمع مسفوح
يوليدي الله اوياك
------------------
سيد عدنان الحمامي


✿ مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

#اكبر_قناة_لنشر_القصائد_مع_الالحان

https://t.me/joinchat/AAAAAD2cKU7dhy13L1EGYQ