قناة الشاعر أبوحيدر الحمزي

‍ ‍ زامل || #يسألوني                   

شاهد مباشرة على يوتيوب:
؛ https://youtu.be/_vytybVD-6Q

• ألحان وأداء | #أبو_مجلي
للشاعر | #أبوحيدر_الحمزي      

┛ــــــــــــــــ ١٤٤٤هـ ـــــــــــــــــ┏
يسألوني ليش حزني ما يفارقني دقيقة
يسألوني ليش قلبي ما يريِّح لو ثواني

قلت أنا في داخلي ما لا بشر يقدر يطيقه
قسوة الأيام ما أبقت للفرح فيني مكانِ

قاطرت نفسي الهموم السرمديات العميقة
واحرمت عيني لذيذ النوم لي عيَّا جِفاني

وصار قلبي جالية الأحزان لي عدّا مضيقه
من عذابي صرت مدري وين فَـرْحي من حَزَاني

والجديد إن الفرح في داخلي ضَيَّع طريقه
شفرة الأيام تقطعها وهزَّت لي كياني

عشت أجامل بين ربعي واضحك وجوفي حريقة
وابتسم وامزح ولا أبدي الضيق كأني شخص ثاني

شخص عاش العمر ضايق الابتسامة ما تليقه
ما يليقه غير يبقى للحزن كسرى الحَزَاني

الفراق وصرت مندوبِه على وسعِه وضيقِه
كَنَّ هجران السنين اللي خلت ما قد كفاني

والصديق اللي تعزه وانجَبَر يفرق صديقه
فرَّقتنا خافي الأقدار وظروف الزمانِ

وإن شكيت الغير ما فيني فزاد الضيق ضيقة
واستطبَّ الجرح من واحد وأثارِه لي رماني

قمت أداري عبرتي لي في حشا عيني غريقة
تحكي آلامي وعبرة ناس عانت ما أعاني

وصارت أقلامي دموع الوجد وخدودي وريقة
وجرحي الدافع ومحزون القصايد ترجماني

كل ذا والقلب ما أبدى غير جزء من الحقيقة
كبرياء النفس تأبى البوح وتخون المعاني

يا بشر قلبي حمل ما لا بشر يقدر يطيقه
لا تلوموني إذا ما للفرح فيني مكانِ
؛ــــــــــــــــــــــــ١٤٤٤هــ ــــــــــــــــــــ؛
🎶 #قناة_المنشد_أبومجلي 🎶

https://t.center/Abu_Majali