✍كتابات ثائر

مجاراة شعرية لعدد من الشعراء المبدعين .. كل شاعر بيتين

البداية أ. ضيف الله سلمان

قال اليماني(مايصحّ إلا الصحيح)!!
واليوم يا سلمان غير البارحة..!!

وكل ظالم في النهاية با يطيح..
سنة إلٰهية عظيمة واضحة..!!

أبو العباس مفلح

قل للذي في معقل أمريكا طريح
أصبحت من صيد الصقور الجارحه

يحرم على من لاقته ما يستريح
حتى يرنح من لظاها الجايحة

الشاعر احمد درهم المؤيد

تقهقر العدوان والحـلف القبيح
بفضل ربي والأسـود الـجـارحة

إن بدّهم بالصلح موقفنا صريح
وإلاّ احتكمنا للرصاص القارحة..

الشاعر ياسر الجرادي

حكمه ولكن يافصيح لمن تصيح..
هو مثل فرعون ما بيقبل ناصحه.!!

ما يعقل الا لا قده وسط الضريح..
وماحدش بايقرى عليه الفاتحه.!!

#محمد_مفلح

حرام ما حد للسيادة يستبيح
ولا نهادن معتدي ونسامحه

لا فرق ما بين البخيتي والجميح
والعز باقي والمصالح رايحه

الشاعر ابوغزوان الوحيشي

والجابري وامدود وابراج الرميح..
تشهد بأن اليوم شمسه كاسحة..

باتكسح ابراج النطيحة والنطيح..
ذي في دبي فوق السحايب ناطحة..

صلاح احمد الرمام

قال المثل و(الباب ذي يأتي بريح)
مفروض يتغلّق ولا أحد يِفتحه

من غلّقه مضمون هو با يستريح
وصاحبه هذا العمل في صالحه..

الشاعر #غزوان_الغولي

مهما قو الباطل وقواته تصيح
لابد تمسي في دماهم سابحه

والشعب من هاذا البلا بايستريح
نرقا على كل الشعوب الكادحه

نضال الحميري

ياهاجسي دامك مريح مستريح..
اكتب لنا بيتين رأس الصافحه..

احنا اليمانيين في الكون الفسيح..
لنا قضيه في الصحايف واضحه..

أسامة الجنداري

شعارنا بالموت لأمريكا صريح
والموت لإسرائيل ما هي فالحة

وعد التحالف غد من بأسي يصيح
مهما الكلاب اليوم حولي نابحة

#زيد_سالم

يادهر سجل موقف الشعب الجريح
في رفضه اصحاب الوجوه الكالحه

شرعية الدنبوع في شعبي ضريح
والحلف تجتاحه بأرضي جايحه

كيان ابوعمره

ابن اليمن يااضيف قله يستريح..
الحرب هاذه كلها في صالحه ..

والمرتزق مهزوم والحلف القبيح..
وانا اشهد انش يالممالك طايحه..

السلام عليكم

ماباتحاصرنا وفج الله فسيح
دام ان تجارتنا مع الله رابحه

واليوم ماحد نافعك لو باتصيح
والطير مايغلب صقور(ن) جارحة

حمير العزكي بديل

دام الكرامة في الدماء تقرح قريح
والرأس يابس يطحن اللي ناطحه

فالنصر للشعب اليماني الجريح
والخزي لاصحاب الوجيه الكالحه..

#عبدالواحد_حسين

قد قلتها في محكم القول الفصيح
فالزامل الشعبي ووسط الصافحه

فينا المجاهد يقتحم لو هو جريح
ويكبد امريكا خساره فادحه

#غريب_الشامي

من قد تحدى بأسنا لابد يطيح
هي قوة الله في النفوس الصالحة.

خلي البكا للطفل يشكي له يصيح
وإن كنت متخاذل .. قريت الفاتحة.

حفظ الله علي المغلس

قل للعدو ذي في بلادي يستبيح
ماحرم الله والادله واضحه

لابد مايصبح عدو الله ذبيح
هاذه نهايه كل شله طالحه..

.............................................................

لقراءة بقية المجاراة الشعرية ادخلوا على رابط المنشور وستجدونها في التعليقات ولا تنسوا الإعجاب بالمنشور ومشاركته والتعليق عليه لدعم مثل هذه الأعمال التي تخرج الإبداعات

https://www.facebook.com/permalink.php?story_fbid=152565852374348&id=100028628025716