يمه نصبوهه المواكب - وانت عنهه بعيد غايب جنت بالموكب تبات - ضلمة بعدك هالحياة يمه نصبوهه المواكب **** يمه نصبوهه المواكب جادر بصف جادر وانه رحت اتنطرك بلكت تمر لو زاير جلل المغرب عليه وكلبي هم ضل حاير ورجعت للبيت ابجي وكلت اردن باجر كلت كون ارجع وناطر - ابني بلكت يمر باجر وهيج اخلصهه امنيات - ضلمة بعدك هالحياة **** يمه ربعك ناشدتهم عنك ولا ماحجو وبس جبت طاريك انه والله شو كلهم بجو جنه سوة العام نخدم شو حجوهه ودنكو والسنه مبعد علينه ومانشوفه وي المشو العام خدمتنه سوووويه - وسفه ماخذته المنييييه ونخدم الحد الصلاة - ضلمة بعدك هالحياة **** عنك الزوار سألو يم المعزب نريد جان يخدمنه ونعرفه يفرح ابجيتنه اكيد روحو كلولة ضيوفك كلهه اجتك من بعيد وبية وجو من حجيهم نار تسعر ماتهيد انه محتارة شكلهم - وانت صرت بعيد عنهم والله مانقنعهه مات - ضلمه بعدك هالحياة **** لسه صوتك بالمواكب بذني اسمعه ومايطيح وشحلاتك من تعزب زاير تفضل تصيح زاير ولو تتعب انت بعيني افرش وستريح اذبحتني بنار هجرك والله يعلم بالذبيح وگربت ايام الزيارة - وفگدت عيونك خسارة وداورني النايبات - ضلمة بعدك هالحياة **** يالنمت بأرض المكابر يمه اعرفنك حنين وادري عندك شوك خدمة ولهفتك ع الاربعين لكن شبيدي حبيبي الفرگتك الله المعين وهية وحدة الصبرتني ابني خادم للحسين يمه من عندك عطر - باقي بالخيمة شكثر سهم وبدلالي فات - ضلمة بعدك هالحياة خادم اهل البيت ع - الشاعر عباس حسين - https://t.center/abaas997