مربعه للحسين (ع)
افز بالليل انوح بهظمه وبحسره
عله حسين البقه وعظامه مطشره
💔💔💔💔افز بالليل اصيح هنا يبن امي
بالكوه مشيت واسحل بجدمي
موهينه اعوفك عالترب مرمي
بالكوه رحت عفتك عله الغبره
💔💔💔💔بالگوه رحت لو بيدي اضل يمك
ألم اوصال جسمك خويه ادفننك
موهينه اشوفه يسيل يا دمك
رحت ودموع عيني تجري بعبره
💔💔💔💔رافگت العده كوه وغصب عني
مشيت بلا ولي والشمر يضربني
طگني اعله المتن ياخويه عذبني
اتعثر رحت والنار مستعره
💔💔💔💔چواني حسين ياناس وهدم حيلي
اظل امساهره ما نامن بليلي
اعيش شلون عگبك خويه دحچيلي
مره يا حياتي اخلافكم مره
💔💔💔💔شلي بدنيتي المابيها ابو اليمه
خل تبجي عليه العين خل تعمه
لو بيدي ابد ماعوفه اظل يمه
ولج ياعين هلي ادموعج بعبره
💔💔💔💔تمت بقلم الملا والشاعرة يقين الكربلائيه
اهدي هذا العمل إلى مولاي صاحب العصر والزمان
غير مبري الذمه من يحذف الإسم
https://t.me/+4RbvB_w7NbgyMmJiرابط القناة