في ليلة الحادي افتقدت السيده رقيه والدها الحسين (عليه السلام) ارادت ان تشكي له ماجرى بها وبعمتها واخواتها مافعلوا بهم الاعداء لعنة الله عليهم.. وتشكي له ماجرى بها عندما سلبوها
وانتزعوا قيراط اذنها.. هنا كأنها تخاطب عمتها زينب (عليها السلام) تقول لها...
خذت روحي تره جرّت الترچيه
يعمه حسين وينه مادره بيه
😭😭😭😭وين حسين ابوي وليش خلاني
اني اعزيزته چا ليش عافاني
يجيني بساع اريده بعازته اني
اشكيله الجره والصاير اعليه
😭😭😭😭اريد اشكي الجره ويحطني بحظينه
اشمن ريحته واحچي شسده اعلينه
حاچيني يعمه حسين چا وينه
شوكت يرجع يعمه هم اله جيه
😭😭😭😭شوكت يرجع عزيزي طوّل الغيبه
هذا حسين ابو الحنيه والهيبه
هم يرجع بعد ياگلبي شيجيبه
صدك يرجع بعد ويشوفني شبيه
😭😭😭😭مشتاگه تراني لوالدي اهوايه
اريدنه يجيني ويگعد اويايه
طگ گلبي اعله ابوي وحامل الرايه
لذيذ اسمه اعله گلبي كله حنيه
😭😭😭😭ها عمه يزينب فدوه حاچيني
ليش تسيل دمعاتچ دخبريني
زينب هايعمه فدوه سمعيني
صاير شي يعمه ردي اعليه
😭😭😭😭صاير شي بابوي وآنه ما ادري
تصب ادموع عينج عمه وتجري
عمه شبيچ گولي مو نفذ صبري
وين حسين عمه خل يجي ليه
😭😭😭😭😭😭تمت بقلم الملا يقين الكربلائيه
اهدي هذا العمل الى مولاي صاحب العصر والزمان
غير مبري الذمه من يحذف الاسم
https://t.me/+4RbvB_w7NbgyMmJi