#كلش_مهم 👇👇اعرف ناس جانو مسمين نفسهم سحاريـ.ن وجانو يرحون للقبور ويفتحون بث موباشر في سبيل يقنعون البنات انو همه فعلا يمارسون هاي المهنه واعرف ناس جانو مخصصين غرفه داخل منزلهم ومرتبينها ومخلين جماجم وطلاسم وشموع وحرمل بحيث اذا فتحو بث يخلونك تقتنع انو همه صادقين
وذولاك يسمعون حسكم نايمين بالسجن لان الحرام ابدا ميدوم
بطلة قصتنا لهذا اليوم ام مهدي
ام مهدي عدها كروب بناتي بي 300 الف بنيه وتنشر سكرينات مفبركه ومحادثات علا اساس هيه سحار.ه وطايحه بالبنات دك تقفيص فلوس وذهب
عدها تعامل مع كم شخص من اشباه الرجال ضباط ومنتسبين بحيث عدها استعداد اذا مانطيتيها فلوس تجيب الضباط وتجي لبيت اهلج وتسويلج فضيحه غسل ولبس
احجيلكم عن اساليب ام مهدي
مثلا اذا راسلتها وحده منفصله من زوجها وطلبت من ام مهدي انو تسويلها عمل في سبيل ترجع لطليقها
ام مهدي تستخدم وياها اسلوبين (ركز وياي فدوه اروحلك )
الاسلوب الاول اذا البنيه من نفس محافظه ام مهدي ف تطلب منها صور وتفتح وياها كامره وتطلب منها تحجي شتريد من عمل واكيد البنيه راح تكول اريد فلان عمل لفلان ابن فلان وبهاي الاثناء ام مهدي تسجل فيديو اما تبتزها بي اما تكلها دزيلي فلوس للعمل
اذا البنيه بيها مجال تنقط فـ امهدي رح تبقه تقط بيها الئ ان تكعدها عل حديده واذا مابيها مجال تنقط واذا فلست او رفضت تدفع فلوس فـ راح ام مهدي تبتزها بالفيديو وايضا تخوفها تكلها اجي لهلج انتي خسرتيني كذا مليون اشتريت بيهن غراض للعمل مالتج واذا متنطيني الفلوس اجي لهلج واسمعهم بصماتج ومحادثاتج
الاسلوب الثاني
اذا البنيه استمرت وي ام مهدي وبقت تضخ الها فلوس فـ ام مهدي تكلها شغلتج مستعصيه اله عمل سفلـ.ي (العمل السفلـ.ي هوه عمل محارم وممارسه الجنـ.س)
اذا وافقت البنيه بهذا العمل راح تخليها تتواصل وي الضباط اليتعاملون وياها وتروحلهم للبيت في سبيل يمارسون وياها وطبعا اليمارسون وياها اكثر من خمس اشخاص
اما اذا رفضت هذا العمل فـ راح تبدي عملية الابتزاز
هذا والكثير من امثال ام مهدي اللي غزن مواقع التواصل في ضل غياب القانون
حاليا مانكدر نكشفلكم عن صورهم وارقامهم وعن الادله اللي توصلت الها لأن اكثر من بنيه قامن دعوه عليها ومنتضرين الاجرائات القانون
#كاسبر_مان
