كاسبر_مان

عندما تلجأ اليك امرأة مت من اجلها فـ المرأة لا تلجأ الئ لأعظم رجل

(انتم تحت حمايتي فوق أي ارض وتحت أي سماء )

الهدف من نشر هكذا فيديوات علمود نوصل الكم نصيحه وموعظه وعلمود متوكعون بأغلاط غيركم

#قصتها قبل متزوج عدها علاقه بشخص تحت مسمئ الحب
وجانت علاقه كلش شريفه مجرد جان بينهم تبادل صور
ورا فتره البنيه نخطبت وصار عدها اطفال
رجع حبيبها القديم دز طلبات لكل اصدقائها وكرايبها وخله صورها شخصيه بالحساب وجان لطف الله انو ميخلي زوجها يشوف الصور والا جان تطلكت من زمان
الحمد لله كدرت اساعدها رغم اتاخرت عليها كلش هواي بسبب الضغط العندي (تم حذف كل حساباته وفرمته جهازه )

#النصيحه اول نصيحه
بسم الله الرحمن الرحيم
((إنا كلشيئ خلقناه بقدر))

وقال النبي محمد (ص)
(إن الله قدر مقادير الخلائق قبل أن يخلق السموات بخمسين ألف سنة وعرشه على الماء )

اني وانتي نتفق انو قبل ماتنولدين وتجين للدنيه الله سبحانه وتعالئ كاتبلج فلان يصير زوجج فـ ماكو داعي تنعجبين بفلان وتحبين فلان وتدزين صورج لـ فلان وتسوين شغلات علمود ترضين فلان لان باعتقادج فلان حيصير زوجج
ابتعدو عن شي اسمه الحب وبقيه الكلام انتو تعرفو

#الموعظه
سواء جنتي مزوجه او بعدج بنيه وعندج علاقه بشخص بعد الانفصال ابتعدي عن حياته وحذفي كلشي يعرفه حساباتج وارقامج وكلشي لتخلين بينج وبينه خط رجعه وصلت الفكره ?

كلمة هكـ..ر تعني #الوقوف ضد الظلم
#وليس_الى_جانبه

#استمتع_بلمشاهدة_عزيزي

((انتن تحت حمايتي فوق أي ارض وتحت أي سماء ))

طليق يهدد طليقته بصورها بدافع الانتقام
بعد ماهاجر الى تركيا كال بعد محد يكدرلي خل انتقم
طك فش نشر الصور عل تيك توك
ماطول عليكم السالفه قسم بالله خليت جهازه يدخن
#الموعظه
اكثر من مرة نبهت من تنفصلين عن زوجج لا تخلين صورج حرز بموبايله 😒

#كاسبر_مان

عندما #تلجأ_اليك_امرأ متّ من اجلها
فـــ المرأ لا تلجأ الى #لأعظم_رجل

(انتن تحت حمايتي فوق أي أرض وتحت أي سماء)

قال النبي محمد صلى الله عليه واله وسلم
(اني احرج عليكم حق الضعيفين اليتيم والمرأ)

#قصة_البنيه
ضحك عليها سحا.ر بحجة اسويلج عمل ودزيلي 250 الف
بعد مادزتله كام يساومها اذا تردين اسويلج العمل تعاي للبيت
البنيه تواصلت وياي وكدرت اوصل للمبتز وكدرت اكسر ظهره لان هيج ناس عايشين عل حرام ميجون بالعين والاغاتي
#الموعظه
بكل فيديو انزله الهدف منه ايصال النصيحه والتوعيه وعلمود متوكعون بأغلاط غيركم
(ومن الغباء أن تعثر بالحجر مرتين )
ركزز وياي صديقي
راح احجيلكم عن عمليات التقفيص اللي حليناها فـ مانريدك توكع بنفس الغلط اللي وكعو بي قبلك

1-بيجات السحر والشعوذه ابتعدو عنها 100 متر
وابو المثل يكول لا طفل بنذر ولا رجل بسحر

2-اللي يدورون مروجات علنت ويكلج انشريلي وروجيلي بلكروبات وراس شهر انطيج نسبه ترا مجرد يجي راس الشهر يضربج بلوك درجئ اولئ شغلهم يبيعون منتوجاتهم براسج

3-بيجات اللي تبيع ملابس من توصين علا طلبيه افحصي الطلب زين لان يراويج ثلج ويبيعلج ماي

4-بيجات اليعرضون اجهزه ايفونات بسعر رخيص ومن تراسلهم يكلولك لازم تدفع عربون رصيد 25$ علمود من تجي الطلبيه من الخارج نحجزلك فلا تثق صديقي

5-اللي يبيعون ورق مزور يعرض الشدة ب10 اوراق دير بالك تثق بيهم لان هواي قضايا اجتني بخصوصهم

6-من تشوف بيج ضارب تمويل لحاله انسانيه دير بالك تتبرع لبو البيج روح شوف الحاله بنفسك واتبرع لان اعرف ناس عايشين علا هيج سالفه

7-تعال اعينك ب10 اوراق ابتعد عنهم كلش

8-اذا عندك سياره وتريد تنطيها السايق لا تسويله وكاله ولا سنويه لان ثاني يوم يبيعها واذا بيك زود طلعها منه

9-من تجيك رساله علواتس وتكلك ربحت سياره من شيخ زايد وشيخ ناقص ودزلنا عموله أو دزلنا فلوس الكمرك دير بالك تصير شاطر وتحول الهم خوش صديقي

10-هنا لازم تركزين كلش لان هلحاله تكررت عليه 50 مره
اذا توضفتي بشركه اهليه ويجيج مدير الشركه وكلج ابصمي علا هاي الاوراق دير بالج تبصمين بدون متقرين شنو هاي الاوراق لان هاي الاوراق عباره عن كمبياله مضمونها انو انتي ساحبه قرض من الشركه والقرض الله اليعلم كم مليون ورا فتره يبتزج المدير لو تنطيني الشسمه (جسمـ.ج) لو اشتكي عليج

11-هنا هم ركز عزيزي الشاب اذا تريد تهاجر (تهر.يب )
دير بالك تثق بذوله الينشرون اهر..بك لفلان دوله بكذا سعر بس دزلنا عموله بالاول ترا الله وكيلك تصير قطتك حلال

12-ذهباتج لا تنطيهن لحبيبج بحجة يرهنهن وفترا ويرجعهن ترا تخصلين عمرج لتلبسين برازيلي

13-اذا عندك خادمه بلبيت لا تشمر فلوسك وين مجان ولتخليها تعرف رمز القاصه ترا ثاني يوم تلكاها حاجزه علا اول طياره

14-اذا انته سايق تكسي وصعد وياك رجل وزوجته وزوجته اشرتلك عل رقم دير بالك تشمر رقمك الها ترا تنكمش بالجرم المشهود وهذا اتفاق بينها وبين رجلها اساسا هواي عوائل عايشين علا هيج سالفه

15-انته مندوب بشركة تنصيب فلاتر ماي من تدك الباب علا بيت ومتلكا بي رجال وصاحبه البيت تكلك تفضل طب دير بالك تصير عنتر بن شداد وتطب ترا تشك زيجهـ.ا وتصيح وتعال جيب الفصل ورد الفصل

16- اما قنوات التبيع اسئله وزاريه وبيع حسابات وغيرها ميحتاج احجيلكم عنها عباره عن تقفيص

ويستخدمون حيله شاطره يكلك اذا ماتثق تعال لعنوان مكتبنه وينطونك عنوان بتلفات الدنيه بحيث يريد يكلك اني ثقه وهذا عنواني تعال اشتري وجه لوجه

تعبت من الكتابه
كل هاي التفاصيل الذكرتها فوك وصلتني سابقا وعملت علا حلها 💚

#كاسبر_مان

عندما تلجأ اليك امرأ مت من اجلها
فـ المرأ لا تلجئ الئ لأعظم رجل

لفي راسج ونامي


القصه بنيه جانت تحب شخص
نخطبت لغير شخص

الجان يحبها عنده صورها ويريد يدزهن لخطيبها

يعني ما ازوجج وماخلي غيري يزوجج

هيج نماذج مال حرك


#الموعظه دائما اكولها
من تنخطبين ماكو داعي تنشرين بحسابج وتسوين تاك لخطيبج
لان حبيبج ياذيج
الافضل من اتركين شخص اختفي من حياته غيري حسابج وارقامج
💚💚