قصائد لجميع الشعراء ملحنه

#جديد_محرم_1440
#للشاعرة_ام_رائد_زوين
#نزله_لليوم_الثامن

✿〰✿〰✿〰✿〰✿〰✿〰✿

ياجسام نطفه ضي عيوني
ياجسام ضهري نحنه ثكلوني

شلون اهون هالمصاب
مطروح اشوفك عالتراب

ياجسام خابت يبني ضنوني

✿〰✿〰✿〰✿〰✿〰✿〰✿

ياجسام كالو الليله زفتك
ياجسام بالخيمه علكو شمعتك
يوليدي دموم صارت حنتك

خاني يبني الدهر
راح تعبي والسهر

ياجسام دونك ريت ذبحوني

✿〰✿〰✿〰✿〰✿〰✿〰✿

أه ويلاه يمحروم الهوه
بحالي يبني اسوة نينوه
يالشباب عليك دلالي نجوه

كوم ياشبل الهواشم
لاتضل عالرمل نايم

يبني شلون لوعنك يمشوني

✿〰✿〰✿〰✿〰✿〰✿〰✿

يا جسام ضلمه صارت دنيتي
والدموع تشرح يبني حالتي
بغيابك شلون اهون مصيبتي

انت كل امالي
غيابك صعب يالغالي

ياجسام اهل الرده فجعوني

✿〰✿〰✿〰✿〰✿〰✿〰✿

بيك فجعوني يسباح الكلب
نكسر خاطري والمدمع يصب
عليك خلوني اونن ونتحب

اصيح بصوت يوليدي
ماي وتبده من ايدي

عليك يبني كامو يواسوني

✿〰✿〰✿〰✿〰✿〰✿〰✿

بقلم الشاعره
ام رائد زوين

#جديد_محرم_1440
#للشاعرة_ام_رائد_زوين

✿〰✿〰✿〰✿〰✿〰✿〰✿

#قصيده_مقدمه_لليوم_السادس
لانصار الحسين ع

الخدم بدفترج يازهره سجليهه

ويه الواحد وسبعين حشريهه

✿〰✿〰✿〰✿〰✿〰✿〰✿

يزهره الحبو حسينج عالفطره
سجليهم وي الشافه وذهل فكره
وصاح حسين جنني وفتح صدره
ونزل للحومه عاري الروح فاديهه

✿〰✿〰✿〰✿〰✿〰✿〰✿

الخضب شيبه وحاجبه بعصابته شاله
حبيب السر كلب زينب بفعاله
ترهب صولته لوصال تترادم الخياله
سيفه روسهم كام يحصد بيهه

✿〰✿〰✿〰✿〰✿〰✿〰✿

لجل نصرت حسين ارواحهم هانت
ويه جفوف المنايه الغيره تلاوت
دماهم عالسيوف بكربله نتصرت
الانصار طه يتلي اساميهه

✿〰✿〰✿〰✿〰✿〰✿〰✿
حسين بجف حبيب سلم الرايه
اخذ دروس من الحكمه والغايه
مثل انصاره ماكو انصار وفايه
انصار حسين لازم نقتدي بيهه

✿〰✿〰✿〰✿〰✿〰✿〰✿

حب حسين عذري جنن انصاره
بي عابس وجون نذهلت افكاره
النصراني وهب ابصر بنواره
وصاح الروح لبن الزهره اضحيهه

✿〰✿〰✿〰✿〰✿〰✿〰✿

بقلم العلويه🖌
الشاعره ام رائد زوين📓

#جديد_محرم_1440
#للشاعرة_ام_رائد_زوين
#قصيده_مقدمه_لليوم_السابع

✿〰✿〰✿〰✿〰✿〰✿〰✿

لزينب وكفيلها العبا س ع


وينك يكفال الخدر وينك يرجواي

الطفال فتاهه الضمه منتظره الماي

✿〰✿〰✿〰✿〰✿〰✿〰✿

عباس شنهو العطلك يم الشريعه
عضيدك كصد للكوم عباس برضيعه
خافن يرد مذبوح صعبه هالفجيعه
بسرعه عود ياشبل حيدر يملفاي

✿〰✿〰✿〰✿〰✿〰✿〰✿

باب الخيم منتظرتك حرم وطفال
لاطول الغيبه عليك تكدر الحال
زينب بقت متوجله والدمع همال
وينك ياضنوت علي لاتشده الراي

✿〰✿〰✿〰✿〰✿〰✿〰✿

صوتك بعد ماينسمع ياراعي الجود
خافن يخويه للخيم عباس متعود
ها خويه جفينك طاحن من الزنود
عباس خويه لورحت تسبيني عداي

✿〰✿〰✿〰✿〰✿〰✿〰✿

لدربك ياعباس خويه انظاري شبحت
ونار الحزن عليك بالدلال شجرت
تنظام زينب لون وحدهه ضلت
ماضن ترضه ياكفيلي انت بهاي

✿〰✿〰✿〰✿〰✿〰✿〰✿

تدري زينب تنولي خلافك يعباس
المحد شاف خيالهه تهضمهه الارجاس
بالصوط بعدك تنظرب يارفعت الراس
انت دكيت الصدر وكلتلهه بحماي

✿〰✿〰✿〰✿〰✿〰✿〰✿

بقلم الشاعره🖌
ام رائد زوين📓

#جديد محرم 1440 هـ (قصيدة متعددة الاوزان)
.
يعــــباس أنت بقياسـات البــشـر ما تـنــقاس
يعــــباس كل مفصل بجسمك بطوله ونبــراس
جيش انجمع بيك منهــو اليـلاويك
يعباس

/1
أصعب عباره ابكربله شفناهه
احتار الفكر ياسيدي ابمعناهه
.
خير العمل بيك ارتجل ياباالفضل
أنت عسكري
.
ذهل فكري كلام احسـين بيا مظــمون انظـــرله
صرت بعيون أبو الاكـبر جيــــشه بكـــربله كله
.
الـمعنى يابو الـموزمه عنــــدك كرامات
كل مفصــــل بجســمك مقــاتل بالملمات
عيونك غــدن وحي السـمه ويرتلن آيات
چفوفك بعد غـير الحــرب عدهن مهمات
.
يمغوار يحسب إلك جيش العده ألـف أحــــساب
يمغوار يدري بوجـــودك صعــــبه خيمه تنصاب
وينه اليــــلاگيـك منهو اليـــلاويك
يعباس
.
.............................................
.
/2
عيونك حچن يبو الفضل بالطفوف
اتحاورن ياسيدي ابلايه احروف
.
اتوادعن وتعانقن وتقاسمن
جبهة الحرب
.
وحده اتعاين اعيالك تحـرس خيــمة الخدر
وأخره بالحـرب وياك تصد وتراقب العسكر
.
بالخـزره وحده اتعاونك تخـطف بـالارواح
وحده تراقب بلشـــمر اليــا كتر راح
مـن حـــرمله تعنى السهم شـايله ذباح
تصـدت اله عين الحـرب منها النظر طاح

بالبتار تحصدهم أبعينك سهم حرت ابهاي
بالبتار طشــــرت الـ 30 الـــف يـامـــولاي
گلبك يدليك منهو اليلاويك
يعباس
.
................................................
.
/3
كل چف ألك ياسيدي مرجع دين
استنبطن فن الحرب من اسنين
.
چف يمنتك وچف يسرتك من غيرتك
طلبن الأذن
نزلن للحرب مولاي رفن بالسـمه رايه
يعــرفوهن اذا بــرزن ينقشن عالترب آيه
.
هتفت ألك سوح الحرب يبن الـميامين
برق وعصف كل سطره بوجوه الملاعين
چفوفك جزن عابس شفـتهن بالسوادين
اتگطــعن فوگ التــراب النصـــرة احسين
.
يعنوان اليفگد اخو وسط الحرب شيظل بي
يعنوان چف يســـرتك اليمنــتك دم تفدي
حيدر مُربيك منهو اليلاويك
يعباس
.
...........................................
.
/4
فكرك يحاور بالگلب يالوفاي
ماترجع إلا بجربتك جايب ماي
.
من قررت. متأخرت. فوراً رحت
تگصد النهر
.
فكرك جندي بالميدان... يعرف بالذي ايضده
لازم للشريعه ايفوت.. وجيش اهل الرده يرده
.
گلبك يگلك زينب اتنادي ينوماس
عبد الله مات من العطش احظر يعباس
بعدك رقيه من الهظم محنية الراس
وحسين اخوك ابلا اخو وتحاوطه ارجاس
.
يزلزال..بعمرك بعد ماظل الي غير اليوم
يزلزال .. حط الفرات ابجربتك يجيدوم
اتمنى الا گيك.. منهو اليلاويك
يعباس
.
............................................
.
/5
شايل على طاسك بطل مامعروف
لساهه تحچي ابهيبته هالطفوف
.
لامو بشر ولا من حجر. بأول نظر
شفت ريشتك
.
على طاسك شلت ريشه .. بيها اسرار مخفيه
بس بين طرف منها... منهم ما بقوا 100
.
نادى المنادي بكربله واسمك هتف بي
كافل خدر زينب نزل منهو اليلاگي
بين طرف من ريشته ياهو اليلاوي
بريشه وسهم خزره وعزم جمعنه يفني
.
يستار ... مغضب تچوي ابوجنتك الدموع
يستار ... لمظة فقارك سيدي اطيح اضلوع
100 هلا بيك. منهو اليلاويك
يعباس
.
..................................
.
/6
جسمك تگطع عالترب من شفته
لآخر مهمه بكربله وزعته
.
كل غايتك. ترف رايتك. ودم جربتك
يكتب النصر
.
راسك بالسبايه ايروح ... وسهم العين بلدم در
حتى الناس تنظرله ... ومحد ينظر الخدر
.
اليمنى من درب السبي تجمع بالاشواك
خافن يتيمه تعثر وبالصدفه تلگاك
واليسرى دفنت سيدي كل گطره لدماك
لا تنهظم أختك اذا شافت بقاياك
.
يمحبوب... نحرك تحير عالترب وين ايروح
يمحبوب ... شافت بعد زينب وريدك مذبوح
هتفت بساميك.... منهو اليلاويك
يعباس
.
.
تمت ولله الحمد
لا تنسوني ووالدي من فضل دعائكم المبارك
.
حسن الموالي الفاطمي
.
القصيدة محرمة على رواديد ال DJ
.
2018/6/12

الاوزان .... ميمر+ 4/3 الحدي منفصل + وزن مركب من (فاعلن مفا)
+ بحر

#جديد_محرم_1440
#للشاعرة_ام_رائد زوين

✿〰✿〰✿〰✿〰✿〰✿〰✿

#قصيده_رئيسيه_لليوم_السادس
عن اولاد مسلم ع

وين ادور وين ادور
وانه شادهني الونين

وين ادور وين ادور
والفكر يم الحسين

والله حيره تحيرت
بين نارين صرت

وين ادور وين ادور

✿〰✿〰✿〰✿〰✿〰✿〰✿
مدري ادور عاليتامه بيا كتر
ديره غربه وليلي بلايه كمر
شلون اطلع والدرب ادري خطر

وينك يابو الغيره/ زينب خلافك بحيره

وين ادور وين ادور

✿〰✿〰✿〰✿〰✿〰✿〰✿

اطفال من الخوف فرو ماشفتهم
وين صارو ياكتر مندل دربهم
من يدورلي اليتامه الضيعتهم

بعد ليه مايردون/ شلون بفراك الزغيرون

وين ادور وين ادور

✿〰✿〰✿〰✿〰✿〰✿〰✿

أه ياناري وعذابي ولوعتي
بامري محتاره ومحنه محنتي
علوطيه كلهه نومه ا خوتي

مني عباس عتذر_ غمضت عينه عالنهر

وين ادور وين ادور

✿〰✿〰✿〰✿〰✿〰✿〰✿

أه خاوتني المصايب من زغر
اعليه مرن الرزايه شكثر
شلك اعليه كافي يادهر

كضه عمري بالحزن_ ليلي ونهاري اون

وين ادور وين ادور

✿〰✿〰✿〰✿〰✿〰✿〰✿

ناصبه عباتي مخيم لليتامه
وعالغبره تون اسمع النشامه
ياعلي الليل جلجل بظلامه

للغري توجهت / دركني ياحيدر صحت

وين ادور وين ادور

✿〰✿〰✿〰✿〰✿〰✿〰✿

بقلم العلويه 🖌
الشاعره ام رائد زوين📓

#جديد_محرم_1440
#للشاعرة_ام_رائد_زوين
#هوسات_لسفير_الحسين ع

✿〰✿〰✿〰✿〰✿〰✿

هله بوالد حميده المايطخ الراس ...
مراجل حيدره اوغيرة ابو النوماس ...
نزل للحومه وحده اسوه بالرجاس ...
ماهاب المنايه اوداعت العباس ...

((-- بصولاته بجه الفرسان ---))

✿〰✿〰✿〰✿〰✿〰✿

سفير حسين تشهدله ارض كوفان ...
جن حيدر علي صولاته بالميدان ...
مرعوبه تفر لوشافته العدوان ...
ماطخ هامة لهم عظيم الشان ...

((-- يحد سيفه بركاب اعداه --))

✿〰✿〰✿〰✿〰✿〰✿

من حيدر علي مسلم يشد عزمه ...
منهو الي يصله اويقترب يمه ...
كفو يدري مسلم دزه ابو اليمه...
خلاها على جيوش العده ظلمه ...

((-- والطاحت محد يحصاها --))

✿〰✿〰✿〰✿〰✿〰✿

من الخوف كامت الزلم تهوه ...
سفير حسين تدري بيهم اسوه ...
ابو طاهر شجاع اوسيرته حلوه ...
صاحب غيره مايحتاجله نخوه ...

((-- ملك الموت يصول اوياه --))


✿〰✿〰✿〰✿〰✿〰✿

خادمة الحسين ع

الشاعرة ام رائد زوين 📝

#جديد_محرم_1440
#للشاعرة_ام_رائد_زوين

✿〰✿〰✿〰✿〰✿〰✿〰✿

#فزاعيه_للطفل_عبدالله ع


عله التربان نايم ياضوه عيوني
شكبرك يعبد الله وبيك ثكلوني

✿〰✿〰✿〰✿〰✿〰✿〰✿

عالتربان يبني وسدو خدك
يعبد الله فارغ المهد منك
مذبوح بسهم يوليدي شكبرك
بسهم نحرك يعبدالله فجعوني

✿〰✿〰✿〰✿〰✿〰✿〰✿

هد حيلي مصابك أه يالغالي
بسهم النحر صوبو دلالي
يوليدي عليك مغيره احوالي
اون عليك ليل نهار خلوني

✿〰✿〰✿〰✿〰✿〰✿〰✿

يعبد الله بعدك شيهدي الروح
صفت اهات وحزان والم وجروح
ادري مايرد الراح بعد النوح
منك ايست وخابت اضنوني

✿〰✿〰✿〰✿〰✿〰✿〰✿

يبني ايست وخابت الامال
ذهلت عقلي وشدهت البال
مابطل الونه ودمعي الهمال
اوشل ماي راسي لاتلوموني

✿〰✿〰✿〰✿〰✿〰✿〰✿

بقلم الشاعره ام رائد زوين


:::::::::
#قصائد_استشهاد_العباس_ع
@yy555h

كلمات خادم الزهراء ع ملا علي
@MOl_ail

#قصائد_لجميع_الشعراء_ملحنه
https://t.center/aaaaaaaaayy