يا مهجة السنينِ أمـاه كلــمـيـني ............. اني ما احمل تطول نوموتچ يمه شيصبرني راح بموتتچ مرّه مثل الموت تذبح سكتتچ حته لو بس كلمه وحده امروتچ بسطرة الجبينِ أماه كلميني ................... مثل چفچ يمه بارد بيتي صار ومثل بابچ يمه بعدچ گلبي نار يا نهر روحي بدونچ گلبي حار هذا موتج ذبل ابروحي الخضار ما عاد تَندُبيني أمـاه كلــمـيـني ................... بيتي اضلم بعدچ ومابي ضوه بيتي دون انفاسچ اولا بي هوه الشفاء يمه بدعائچ مو دوه حلم ترجع يمه كعدتنه سوه بالدمع والحنينِ أمـاه كلــمـيـني ................... يمه انه حسين عد راسچ تره المنكسر ضهره عليچ وخاطره خايفه روحي تره ومتمرمره سكتتچ يا يمه وحشة مگبره هذا انا حُسيني أمـاه كلــمـيـني ................... يمه مو من عادتج يمچ أون وانتي متمسحيلي دمعات الجفن كون اموت اعليچ مو مالت حزن والحنين ايموت تاليّ من يحن تبكي عليكِ عيني أمـاه كلــمـيـني ................... يا حبيبة روحي ردتچ للطفوف اتصبريني بموت مگطوع الچفوف ردت من تنسل عليّ يمه السيوف انتي اخر شي قبل ما اموت اشوف بالنحر والجنينِ أمـاه كلــمـيـني ................... عباس هابيل الزينبي #الليالي_الفاطميه1446