تالشَه شعر:
رمهَ پا
مولومی سَر خیالم رمهَ پایهَ.
دیلمْ جانی کو بَرشه
از هم سوایَه.
چَکیستهَ لاری شی خشکهَ خونی سر.
چِممْ ناجهَ بدیل دائیم برایهَ
اَسْرگم قَزْری شی وارع میجهَ سر.
چْمْع حال و هوا تارمهَ هوایهَ
پوچهَ دنیا کسی مع غم نییَردهَ
دَیاقم کس نییهَ یارْم خدایهَ
مرا پیلّا بیمهَ ویشهَ کو تنخا
هَشی نَنهَ زونیم سیمورغی دایهَ
رَفِقم سقهَ دار ، هَمواجْم اَربا
اولس خوا و مْرا ، باسکَم برایهَ.
دیلم تنگهَ ئورو گیریهَ هوا را.
گیلونی کو همهَ فیکرْم کفایَه.
نِشام پْردهِ بوشوم آلالهَ پِشتهَ
اَلالهَ چیهِ را دستْم کتایهَ
چمن درد دیلی وام هرکسی را
منهَ وا
از قَدَر یا
از قضایهَ
#تالشيم_از@TALESHLAND💚