چه سخته
چه سخته لشِ سرد مردی زرِ برف بو
اسیر دنا بو وُ پشت سرش حرف بو
چه سخته که او قافله دَس "فولاد" بو
ولی بین بَردَل دنا ناله بی داد بو
چه سخته بدونی که یارت اسیر دنا وابیه
چه تهله بدونی پناهت یه شو بی پنا وابیه
دِ شو وو دِ روز بی خور ایل پشت دنا
یه ایلی جمابیده چی سیل پشت دنا
سینه یل سقده دارن چشم انتظارن همه
تن خوا کو دنا خوت زوون وا کو ده
دو روزه که جاتون ولا وابیه
هزار ساله اما یه خاتون ولا وابیه!!!
توالی کموتر اسیر قفس وابیه
سقده من سینه مرگِ نفس وابیه
سِقدَه من سینه یَل هر دَمون ایرِکِه
یه چن روزه گورو و "بیدی" دنا ایپِکِه
باید بسونه تقاس ای گپه کی و کی ؟؟؟
ونو هم وهوش همه ایره په کی و کی؟؟؟
کسی فکر قوم لر از روز اول نبی
وگرنه تَلِ غصه ایطو سر مَل نبی
اگر جون ای قوم دلخین ارزون نبی
خه ایطو و کنج تیل زخم بارون نبی
یه بُمکو تلف وابیه تا بدونن همه
که بالَی "دنا" داره یاسوج رَه...
بدونن که یاسوج ای مملکت کوچنه؟
یه عمره کسی وش نپرسیده دردت چنه
#وحید_آرامشیان@sherlori