#رسم_روزگار_دنیا_مجازی🌴ها چن شعر بوم والله دهی بار
🌴چی که نکرده
رسم روزگار
🌴نه برار پرسه د حال برار
🌴نه هم عاشقیه سوزیه و پایار
🌴عشق یا هی دوره دوامی نارن
🌴یکی صد رفیق د گوشی دارن
🌴عشق یا هی دوره تا ابد نیسن
🌴زور که بزنه تا یه سال هیسن
🌴عشق هم چی گوشی د بدل داره
🌴مگر چه شخصی سر دش دراره
🌴بچه ۱۰ساله هم عاشق بوهه
🌴کسی نتونه دمشه بکوهه
🌴عشق و عاشقی نی بچه بازی
🌴د عشقیا جدید هیچ نیسم راضی
🌴هینو هوسن نه عشق دوام دار
🌴مگر چه عشقیه بسه پایدار
🌴کوریا امروزی که خوم یکشونم
🌴چیا زیادی مه دشو دونم
🌴نه اهل کارن نه هم درس ونه
🌴فقط کاری هان چی ساخت پمه
🌴بعضی دشو هم خو غیرت نارن
🌴 د جاداشو چهارتا نو بیارن
🌴نون مفت هورن ور کولر گازی
🌴د زندگیشو هم نیسن د راضی
🌴دش دهی دنیا دش د مجازی
🌴جدیدا بیه جا دختر بازی
🌴دختر و کوریه گوهه بیا و پی وی
🌴بینم منظورت دیی حرفیا چی وی
🌴سر بحثن واز کرد و حرف درو
🌴مخ کورن زدهه د کرده شرو
🌴اول گوهه سلام دوم اصلت به
🌴فعلا جواب سوال یامن به
🌴کور گوهه ریی چشم اصلم بونم سیت
🌴مه فلونیم اومام و پی ویت
🌴دختر هم موله ها د هی مینه
🌴ایسه ها پرسه که شغلت چینه
🌴کور گوهه مهندس شرکت فلونم
🌴تو بو و زینم پیل و پات بونم
🌴دختر خوشحاله اشک شوق باره
🌴نونه که کور پیل شارژهم ناره
🌴کورن وهی طور د امتحان کرد
🌴گوت داد و بیداد بستم خلاص کرد
🌴کوربدبخت منی والله دیی مینه
🌴گوت وم بو بینم که خطت چینه
🌴دختر د درو گوت نیسم راضی
🌴 فقط وا تو مه کردمه چت بازی
🌴 کور گت عزیزم ریی چش جونم
🌴فقط بو شارژ چی مه سیت بسونم
🌴دختر گوت ایسه که د شرجونی
🌴 شارژ 10تمنی ها سیم بسونی
🌴کور گوت ریی چشم ها روم مغازه
🌴بینم شانس تو ایسه هم وازه
🌴دختر گت باشد فعلا بای دارم
🌴ها افلاین بوم چونکه شارژ نارم
🌴هم کور هم دختر چی دو گرگ پیر
🌴یکترین بونن و نوبت د گیر
🌴چن ساعت گذشت شارژی سیش نوما
🌴دیم گوشی کورکه وا صدا اوما
🌴دختر گت خویی شارژ ن چی کردی
🌴سی ۱۰تمه شارژ خوت بد قول کردی
🌴کور گت عزیزم مه مار دو سرم
🌴سی هر ادمی مه خرج نکنم
🌴دختر گت مه بای د سی همیشه
🌴درخت دوسیتن کنم د ریشه
🌴کور گت کی گته مه وا تو دوسم
🌴وا هی زرنگیت بکنی پوسم
🌴ایسه نصیحت کنم ویی خاطر
🌴شارژ مفت نونیه د پی وی دختر
🌴اخرهی کاریا ارزشی ناره
🌴دلم سی شمو هم غم دباره
🌴بعضی دیی کوریا دمین تلگرام
🌴وا اسم دختر ایفتن و نهام
🌴خوشون بی ارزش کنن وا هی کار
🌴خوشحال یکی بستشو و رگبار
🌴نه غیرت دارن نه هم د ارزش
🌴مرد غیرت دار یه طوره حرفش
🌴اگر که زنیه بفتیه جز زنو
🌴حساو نبویه جزی دیی زمو
🌴هی کارشمو هیچ ارزش ناره
🌴هی کارو باریا
رسم روزگاره
🌴هی شعر هم تموم ساعت چهارنیم
🌴د شو تا الان همش بیدار ویم
🌴ساعت ۴صبح پنجشنبه ۱۸خرداد نوشته شده است
✍شاعر: سید اسماعیل میردریکوند
✍🌴️عوض کردن نام شاعر شرعا حق الناس میباشد
🌴🌴لینک کانال
👇🌴https://telegram.me/joinchat/AAAAAEFjX0R5TrQu8GuWvA@sherlori