برقِ کُومی معجزه دِ تیاتَه؟!
اراده کُو ، که لیوَه خاکِ پاتَه
عشق، صِلادارِ مِنَه روز و شُو
فِرمُو بَرِش بیمَه دِ هر جا وِ دُو
اَر نَفسِ گرمی دِ جونِم مَنَه
نیفَه امیدی وِ نِشُونِم مَنَه
"بیت وَش"ِ لیوَه سَری شاعرم
دِ آسمونِ دلِ خُم می پِرم
دَنگِ دُهل سی مِه دِراُوما وِ دَر
پِر میزِنه چُوپیِ خوش بال و پَر
شادیِ دنیا دِ سَرم کُو بیئَه
ساقیِ ایی کهنه شِراو خُو بیئَه
دلخوشَه جونِم وِ پِلامارِ تو
تَک زَمَه وِ ،سا خَسِ دیوارِ تو
دِ هر چی آیآ ، خدایی بَکُو
فکری سی دَرمُونِ جِگایی بَکُو
سِراغِتِه دِ ناکجا گَشتِمَه
بعدِ تو هفتم دِ گِرو هَشتِمَه
و...
#داود_سالاری_حسنوند#بومی_سرود#انجمن_شعر_خرم_آباد@sheroadabk@JayeDenj