جانِ سجروِ او مه مارِ شیره
مه کچیکِ دل سجروی اسیره
سجرو تو گهروئی دل شیرِخواره
لالا بخون که دل بر تو نخواره
لالا بخّون ته بخّون خو بورم خو
انگار نِنا مه گهره ره دنه تو
ته لمّر لمّر مه پیرِ ماره
بهشت مونّه دایم لاله زاره
ته پیر مه مارِ لینگ ماله
این خیابون ….. ماه و ساله
ته شی الیم و خجیروی قربون
ممرز چشمه و گنّیوی قربون
ته چار ازّار و سمی سنگِ قربون
ته کیجابور و کِرِ سنگِ قربون
ته تپّه تپّه مشک و مرواریه
انگاری بهشتِ نهرِ واریه
جان سجرو نومه لیلی دورون
سونِ مجنون بهیمه ته غزلخون
سجرو دریو بواش کلّاک هاکن تو
پلیدی ره شه لمّر پاک هاکن تو
#مازندران #روستای_آری#بندپی_شرقی #آرامش #طبیعت_زیبا #زندگی_شاد #جنگل #آبشار➖➖➖➖➖➖➖➖➖➖➖➖➖#کانال_تلگرامی_روستای_آری https://t.me/joinchat/AAAAAD2fYtdXNGyCbdY-kw➖➖➖➖➖➖➖➖➖➖➖➖➖
