رادیوپل

🎶 آهنگ ماندگار #دالِکه

🎙استاد فرج علیپور

تقدیم به همه مادران سرزمینم❤️

📻 راديوپل👇
https://telegram.me/joinchat/BHDIKkCzN3dFa9SqTeIYqg

#دالکه

✍ #نورمحمد_محمدى_نژاد / راديوپل

زِمین و زِمو . . . . گُلِی چیت نارَه
هِ لوخَنِه دِت . . . . وِ ری بِهـــارَه

تِشنِه زِلالیت. . . . او مُلکِ جــونِم
مَه و اَفتاوی. . . . دِه آسِمـــونِم

دامونِت اِگُل. . . . باغِ بِهِشـــــتَه
کِردَه سَرمَسِم. . . دِل سیم نِهِشته

هِ دِه اَزَل وِ . . . . عِشقِت اسیرِم
بی تـودِکُلِ . . . . دُنیا دِلگــــیرِم

وِخِر گُلوَنی . . . . رَنــگِ وارَنگِت
چَنِی حُفتیمَه . . . . شویا وا دَنگِت

سِتینِ حـونَم . . . . آرومِ جــــونِم
دِلخوشیم تونی . . . .دِ دودِمــونِم

وَقتــی نینِمِت . . . . غُـکِر و پیرِم
کاشکِی بــَمونی. . . .تامِـه بمیرِم

قُــوَّتِ دَس و . . . . آزِ پا مِنــــی
مِ جِفـــا کِنِم . . . . تـــو وِفا کِنی

شَمِ جونت سُخت . . .عُمرِی وِدورِم
بو وِروشِنــی . . . .شو اول قورِم


📻 راديوپل👇
https://telegram.me/joinchat/BHDIKkCzN3dFa9SqTeIYqg

🎶 آهنگ ماندگار #دالِکه

🎙استاد فرج علیپور

تقدیم به همه مادران سرزمینم❤️

📻 راديوپل👇
https://telegram.me/joinchat/BHDIKkCzN3dFa9SqTeIYqg

⚡️ سروده اى در وصف #مادر

✍ نورمحمد محمدى نژاد / دبير سرويس ادبى راديوپل

#دالکه

🌀 ای ستین حون ومــونم #دالکه
ای فرشته آسمــونم #دالکه

🌀 سوزو بغض تِرْکِسَه دِطاقِ دل
بغلــــت آروم جونم #دالکه

🌀 بی قراریا مِن و شوگارتَنــگ
ماه گاواره جـــُمونم #دالکه

🌀 زخم بازیگوشی ودی وِسـِخو
مَلــــهَمِ دردِ گـرونم #دالکه

🌀 شوِ تاریکی وِلات کــور و کِلیز
چهل چراغ آشیـــــونم #دالکه

🌀 دِ غریوی و رَهِ دیــرو دراز
چش وِرَه دِل نگـرونم #دالـکه

🌀روز تنگ و شوزنگ و ماه وسال
پَلاَمار هرزمـــــونم #دالکه

🌀 بی تو هیچ جا نی قرارِ وِ دلم
رَتِنت تَش زَ دِ جونـم #دالکه

🌀 توکه نیسی برگ و بارم رِختِسه
تَلِ حُشکِ دارِســـونم ، #دالکه

〰〰〰〰〰〰〰〰
📻 راديوپل👇👇
https://telegram.me/joinchat/BHDIKkCzN3dFa9SqTeIYqg