😢 #کارگر✍ نورمحمد محمدی نژاد/ دبیر سرویس ادبی رادیوپل
بیکاری چنو آو کــــــــــرد دِ لیزِم
که هــــفت آســــــمون زا وِبیزِم
هرجا ری کنـــــم شیشِ مــــغارِه
کَــــس دِ اِیه دنیا هـــــوامِن ناره
عُمرِکَم صرف بــــــــی دِکارِگِری
روزونه هــــــــاروم ری وِ بدتِری
سه شیفت کارکـــردم دِشهریاغِریو
سی قِرونِه پیل کــــــه بنیم دِ جیو
بی قرار دادو بـــــــــی حقِ بیمه
هِی دِ جِوونی پیروکـــــــور ویمه
سِی شانس مِن و چـــــرخِ بدکِنِشت
روزِی بیست دفعه وِم گــوتِن فِنِشت
دی جِگر گوشه بــــــــی و دُچارِم
وا اوضاع سخت ونامعلوم کـــــارِم
آو دِ زیر والام وا نـــــون و توشه
چهل قطعه عکس دم حاسن واپوشه
سوءِ پیشینه هم بــــــــردم سیشو
خم واخم گوتم دی هیچ نـــی چیشو
گوتم کارشو کـــــــل حساو کِتاوه
ثابت وی آخـــــــــر فقط یه خواوه
📻 @RadioPollبَســــکه تیرکَشــین مُهریاکَه کِتِم
جونم رسیدی و نــــــــوک این پِتِم
شو وِ روز دلم د غـــصه مَشت وی
دوازَه ما بیسِم دِگِــــرو هَشت وی
مه دِ ظِن سرم نــــویم سیـــگاری
گیردن وِم که تـــــــو اعتیاد داری
دونِسن که مـــــــه دورون کُریمه
یه سره هـــی شیفت ، چنو بُریمه
چــــــی ئِه نَمَنــــی دیه دِ مُردِنِم
تِستِ مُرفین هــــــم دَه گِل بُردِنِم
کارگِر وی که عیــــــال و داداش
مِلچه نکــــــــردن عیدی و پاداش
وا دِریغا نیه کــِـــه پَل وِش بیاری
کـــــــارِگــِــر بیده وِه خَنِه زاری
کارِ وِت کــِــنَن خوت بیایی وِ مال
حق وحـــــقوقت بَکـِـــــنی حِلال
📻 @RadioPoll