اتا بنده خدا تعریف کرده:
کلاس سوم ابتدایی که دئیمه اتا روز تعلیمات دینی داشتمی موضوع شم در مورد پیغمبر بیه که ندومبه این درس شمه یاد دره یا نا:
همونتا داستان که گنه، پیغمبر اتا روز دیه نماز خوندسه که امام حسن با امام حسین بوردنه ونه دوش، بازی هاکردن که باعث بیه پیغمیر شه سجده ره طولانی هاکرده تا وشون ناراحت نوون...و بقیه داستان دوندنی دیگه...
زنگ آخر بخرده اما بیئمومی سره، بدیمی که پیئر دره نماز خوندنه...
آقا إما ره هم خیال برسیه، همین که پیئر بورده سجده، من بپرسمه ونه کلنگ دوش...پیئر هم نکرده نامردی، نماز ره بشکندیه، شق بهشته مه گوشه بن چک و با لو بزو مه سره دله و دق بزو مه کش پلی ره...مره سه متر اونورتر دم بدا
بعد باته که:
زلف کفن! مگه مریضی ته؟ مه دماغ نزدیک بیه بشکه، من ندومبه مدرسه دله شما ره چچی یاد دنه که إنی سره، إینتی وحشی بونی؟ مه چش پلی جه رد بواش تا تره لینگه لو نکردمه! در بور!
ارسالی از;ادمین
#روشن_شاد_باشي@roshanabadnews
