بزرگان فرهنگ و هنر مازندران

✅مازرون/ شعری از استاد کیوس گوران
▫️بمناسبت ۷ خرداد ۱۳۱۷ زادروز بزرگمرد شعر مازندران
▫️زاده روستای اوریم، سوادکوه، مازندران

اٙی دٙپیتِه عطر ِ مِه مازندرون سِرخ ِ گِل
دل ره غٙش یارنِه نِوای بلبلون مستِ دل

سبز ِ شال وٙندِنه تِسکا شِه کمِر، اِفرای پیش
تِتی‌کاک سٙلوم شُونه خِشکِ چنار ِ چو و چِل

از صِفارود تا هٙراز و تِجِن ِ روشن او
او چه اویی کـٙنـنِهو شربِته، شربت ِ عسِل

وٙنوشه گیـرنِه بِهار ِ بِکـِبو، دل دٙنـشِه
سِرپیشِ سِرخ اِنار وٙندنِه سٙر ره سِرخ جِل

کـٙفتِ کِلّاکِ زِمسّون خِر و خِش بوردِه پِئی
خُردِ چِلّه غٙلـطه بٙیـیِه اِسا پِنِـمِه شِل

توتِراک ِ ورف ِ روز توم بُونه اِفتابِ کـٙشِه
تٙشِ اٙنگِشت شونِه مار، س ِیو بُونِه سِرخِ کـٙتِل

دٙسّ ِ وٙندِمبِه حِنا کِمّـِه شِه تٙن اِسپِه جِمِه
شومبِه تا رنگ بٙکِـنِم عٙیدی وِه مِرغِنِه کِل

هٙشتِه اِزال مِنِه جور، وِرزا هِمِند اورِگ بٙزِه
رِسـِنِه نوبتِ وٙرز و واردِنی، کـٙسو، کـٙمِل

به نِشا اِلمِه شِه دٙشت رِه، کوچِ بار سٙمتِ اُوریم
که اٙگِه دِر بِجُمِندِم، کـٙفِـنِه اسب ره سٙپِل

مازرون سفره پر برکتی و پر بک و بو
آرزو کممه تره باقی بداره ته عمل

@MazandaranBozorgan

#بزرگان_فرهنگ_و_هنر_مازندران
#کیوس_گوران
#مازندران
#شاعر
#شعر_مازندران

✅استاد کیوس گوران اوریمی
▫️زاده: ۷ خرداد ۱۳۱۷
▫️روستای اوریم، سوادکوه، مازندران
▫️شاعر، نویسنده، خواننده و روزنامه‌نگار

کانال بزرگان مازندران:
@MazandaranBozorgan

#بزرگان_فرهنگ_و_هنر_مازندران
#کیوس_گوران
#مازندران
#شاعر
#نویسنده
#خواننده
#روزنامه‌_نگار
#شعر_مازندران
#اوریم

👌 در شناساندن بزرگان فرهنگ و هنر مازندران کوشا باشیم.