منتظر صالح الكعبي

#انا_لله_وانا_اليه_راجعون

قل للشامتين بنا افيقوا
سيلقى الشامتون كما لقينا

#القتل_لنا_عادة
#وكرامتنا_من_الله_الشهادة

حزنك حزن اول مصيبة
عنوانة زينب ياغريبة
يارسول الله محمد

....
يأول حزن عد فاطمة يالحزنك شكبرة
من عندك ويبدي الجرح عد فاطمة الزهرة
وبقوتة الباب ويندفع وسط الضلع كسرة
يحركون باب الله بحطب وفوك الكسر سطرة

وكل محب فارك حبيبة
عنوانة زينب ياغريبة

....

جرح ام حسن ماينتهي ظل كل وكت يكبر
حيدر اخوك وصاحبك بالمسجد ويطبر
جبد الحسن بالسم كظة ياوسفة يتوذر
وعالنهر يوكعلك كمر دامي بلا منحر

عالمشرعة جثتة سليبة
عنوانة زينب ياغريبة
...

حزنك بداية كربلة وسوالف الماي
مصايب الطف ماينحجن ياسيدي هواي
حسينك صريع ومنذبح ضامي بلة فياي
وزينب وحيدة بلا أخوة ومتيها الرأي

صارت وحيدة بنص كتيبة
عنوانة زينب ياغريبة

...

ذبح وسلب حركت خيم وبزينب شلون
الماشافها واحد قبل شافتها العيون
ركضت شكد بكربلة وبيها يشتمون
وبسوطة يفتر النذل ويطك المتون

تركض وهاي أكبر عجيبة
عنوانة زينب ياغريبة

...

موتك بداية كربلة وينتهي بالشام
دارت علة زينب وسف ياويلي الايام
زينب غريبه بيا وكت تمشي وي ظلام
تلكوها بطبول وفرح وزادوها الالام

والجرح ما فادة طبيبة
عنوانة زينب ياغريبة

منتظر صالح الكعبي

مجتوفة عالنوك ...مروني بالسوك
عودي انكسر...من القهر
وشحجيلك اني شبية

....

بالحلم شفتك بس ردت ... احجيلك اني شبية
ذبلت اغصاني من التعب... وبيهن حفر رجلية
شتحمل وشصبر بعد ... وكل حيل لا ما بية
بداعت سوالفنة القبل ... ارجع يبوية علية

ارجعلي يحسين...ختشوفك العين
بالكي ترد ...طال البعد
واشتاكلك  يومية

....

الشام ما يرحم ابد ... وشسوة بوية بينة
باب وكفونة شكثر ... يضحكون بوية علينة
وجوهنا من الشمس ... تكشرت من يحمينة
هم تدري يابوية بعد... خدامة راد سكينة

تمرجل يزيد...خدامة الة يريد
طالبها الة ... المدللة
سكنة ترة مسبية

...

فوكانة موجود الشمر ... شلون بس كلي نام
من حظنك السوط النذل ...دارتنة وسفة الايام
بطبول وأفراح ورقص ... استقبلوني اهل الشام
يهوسون جي مسبي الظعن...يابوية كلش ظلام

الشام فرحان  .... وكل احنة نسوان
ارجع اللي ...يابوي علي
وشوف الحبل بيدية

....

أطفالهم يمي اجت ... ونسوان بية تمشتن
كللي ثوبج بي حرك ...وبقوة يابوية ضحكن
جابن تراجي من ذهب .. كللي شوفي من اجن
ماعندج انتي ظل ابو ... وصاحن بصوت وهلهلن

مدللتك اليوم ... والينها الكوم
ذبلت بعد .... بس الجسد
ومن القهر محنية

....

شحجيلك هواي الحجي ... وهواي بية اللي صار
من السطح شفت الزلم...ذبو علينة مي حار
تقبلها زينب تنشتم ... وتقبلها زينب تحتار
الما شافها واحد قبل... يشمروها بوية بحجار

حجار وعلة الراس... ماترحم الناس
كل الحجي ... ما ينحجي
وانشتمت العلوية

....
السوك شراية حجي ...سمعت الحجي الما ينكال
نسوان الحسين الاجن... ومجتفيهن بحبال
معقوله زينب هالاجت...وحدها وبلا كفال
بنص الزلم اني عثرت...وشاهد رقية بيا حال

ما ظلي كل حيل ...وهالخلص ليل
فوك النحر...موتي بقهر
ونتلاقة بالمنية

....
منتظر صالح الكعبي

يقول جار الإمام علي جاورت دار على ٤٠ سنه ولم اعرف بعلي عندها بنت اسمها زينب فتعجب الجار بسبي زينب وقال

كل عمري المظه...جاري المرتظه
جاورته شكثر.. وبطول العمر
وما سامع بزينب
__****____

حيدر جاورته بكل عمري
بكل ذريت أولاده اني ادري
بس ما سامع زينب عنده
لا خطرت هالقصه بفكري

تره هواي... مجاوره سنين العشتها
تره هواي.. وبته ما لحظه شفتها

لا ما سمعت بيوم... الها اني طاري
رغم اني من اسنين.... والدها جاري

زينب يا تره....ظنوه حيدره
سابيها الشمر.... وبطول العمر
 
__****____

زينب هاي الما موصوفه
فوك الهزل شو مجتوفه
الماشايفها مره بعمري
شافتها كل اهل الكوفه

هظيمه... حرمه ويشوفها وادم
هظيمه..ماكو شي بالظعن سالم

اليعرفها بس حسين... شافوها هالناس
جاوين ذاك الجان.... كافلها عباس

ما صارت قبل... زينب عالهزل
وبشمس الظهر.. َوبطول العمر

__****____

وادم متجمعه الشوفتها
وطبت هيه بروس اخوتها
وادم مترحم نظرتها
شافوها والكل عرفتها

اويلاه ... كلها فرحانه وتنادي
اويلاه.. عالهزل عتره الهادي

وحدها تمشي اليوم... ويلي عليها
ماعدها اخوه شلون... مجتوفه اديها.

ماظلها اخو... سابيها العدو
راحت لليسر.. وبطول العمر

_****____

سوو موقف بي اذوهم
جابو ماي وما انطوهم
أطفال الحره عطشانه
تنحب بس عل مي خلوهم

العطش اه... ذبل اورود المدينه
العطش اه... كل طفل عالي ونينه

زينب مدينه ماي...بس وسفه عطشت
من كثر طك الصوط... الحره تعبت

من يعطش طفل... ابداً مو سهل
كسروها كسر... وبطول العمر

_****____

زينب ياهو اليوم يردها
ويحاسب ذاك اللي يظدها
كل حرمه لديرتها ردت
بس زينب ظلت وحدها

ولا تصير... الظعن شو عالي نحيبه
ولا تصير...وبت علي صارت غريبه

بغربه أصبحت هاليوم.. الحره هايه
وبكربله آثار ... فوك العبايه

مابين الزلم... زينب تنشتم
بس ظلت ستر.. وبطول العمر

_****____

كالو باجر خل ناخذهن
من هاي الكوفه نطلعهن
للشام نوديهن كوه
وخلينه هواي نعذبهن

العدو صاح... يله زينب طلعوها
العدو صاح.. وعالمتن حيل اظربوها

سمعت الحره الشام.... وصبت دمعها
معناها طبت سوك... تغير وظعها

للشام بغصب... وباصعب درب
مشوها الفجر... وبطول العمر

_****____

منتظر صالح الكعبي

(زين العابدين. ع.)

عالم معلم جني عباس
إني انا السجاد ياناس
ظهر بظهر..... جني الكمر

__****_____

أتوارثيت من الكمر أجمل صفات
بعصر ظلمه عيونه جانن ظاويات
أتعلمت من عده أجمل شي يكون
اتوارثينه احنه حتى المعجزات

بعمي أشبه حته الاحساس
أسمه الكمر مكتوب قرطاس
ماي ونهر..... جني الكمر

__****_____

بالعلم والحلم ماكو النه مثيل
علمي متوارثه من عمي الكفيل
احنه اسسنه العلم هذا اكيد
لهاي ما يحتاج لا فهم ودليل

بس وجه عمي جان ظاوي
عالم يصدر بل فتاوي
بيوم الخطر..... جني الكمر

__****_____

أشجع الشجعان جان من الصغر
ولذلك بالحرايب لا يكر ولايفر
العده لو طيفه مرهم بالحلم
يخلي كل اعيونهم  تبجي وحمر

ومن دمع عينه الليله هالخط
اه اعله زينب خطها عالشط
ثمر وشجر..... جني الكمر

__****_____


هيبه جان الكمر أبذيج الخيام
وشحلاته بيمنته ذاك الحسام
وبيده فصل عصتي هوه قبل
ورجفت الوادم لمن دخلت الشام

عوجيتي أمأسسها كافل
كاتب عليها يا بوفاظل
كلها بسهر.... جني الكمر

__****_____

للحوائج عمي جان أكبر دوه
صح علاجه من الحسن جان كهوه
و الطيور البل سمه كامت تجي
ماي منه تريد وتريد إلهوه

مانرد احنه ابد الحاير
وبابنه ميخيب الزاير
من أجل الخطر..... جني الكمر

__****_____

كلبي من عباسنه كلشي امتلك
وكلبي وي نهجه بقه ثابت سلك
جنت طالب اني يم عمي الكمر
ودرساني كلشي لبعلم الفلك


دوم احنه جنه سوه نكعد
وعيونه لعيوني تره تصد
وهذا الخبر.... جني الكمر

__****_____
منتظر صالح الكعبي

ياروحي موتي وارتاحي من الشفتة بهاي العين
أنة الما مرتاح بعمري من ذبحوا كدامي حسين

....

العليل الما بقالي حيل ..أنذبحن كلهن احلامي
أنة الذبحوا هلة بفد يوم.. يروحي هناك كدامي
شفتة اني اخوية يلوج ..صريع مخضب وضامي
وابن عمي يموت هناك ...يويلي بحنتة دامي

وشفت الكافل عمنة الهيبة طايح ماعندة الجفين
أنة الما مرتاح بعمري من ذبحوا كدامي حسين

....
شفت عبدالله ينحب جان.. من كثر العطش والهم
خذاه بس من خذاه شلون.. يشرب ماي بس يحلم
رجع للخيمة بس شلون ... من نحرة يصب الدم
عبدالله ترف نحرة ... يوسفة شلون يتألم

ست اشهر عمرة ويتلوع وياروحي بي لو تدرين
أنة الما مرتاح بعمري من ذبحوا كدامي حسين

....

شفت حسين ابوي هناك .. شلون يطيح من مهرة
صدرة اللي يلم الخير ... شمر كاعد علة صدرة
يروحي من الكفة شفتيه ... من كطعوا آلة نحرة
ومن هدت عليه الخيل ...ثكيلة ورضتة العشرة

طشر جسمة بدوس الحافر واصل وين
أنة الما مرتاح بعمري من ذبحوا كدامي حسين

....

يروحي شكد تجويتي ... من حركوا خيمنة بنار
حيرة وشنهي من حيرة...يوسفة الوحدي واحتار
اطفي خيامي مدري اركض ... مدري احمي يتامة ازغار
بوجهي النار بكفاي أعداي ... حيرة هناك وين اندار

نركض بين النار ونعثر وأطفال العندي ثمانين
أنة الما مرتاح بعمري من ذبحوا كدامي حسين
....

يروحي ارتاحي ياروحي ... وبحسين التقي بسرعة
هاي الدنية بس هموم ... عمر يخلص بجي ودمعة
شوفي حسين هسة شبي ... الراح بكربلة ضلعة
صوتة البي صباح الخير ... هسة نرجع نسمعة

بأجر يم حسين وندري ياروحي لا متحيرين
أنة الما مرتاح بعمري من ذبحوا كدامي حسين
....

منتظر صالح الكعبي

(زين العابدين ع)


أمن تغسل علي لا تلجم ظلوعه
الصياط أعله المتن الهسه مطبوعه

__****_____

من تصب الماي لاجسمه يميل
جروحه ما نشفت بقت لسه تسيل
الشافه بالطف والدك لا موقليل
جروحه بالكونين هم مسموعه

__****_____

جان يتنفس علي بس الحزن
مجرح من الصوط ليهسه المتن
من جروح المتن باقي بس يون
أمتونه لآخر نفس موجوعه

__****_____

ايده من نار الخيم بيها حروك
الحزن لآل البيت لا لا ما يلوك
الأذت السجاد طبتهم السوك
حزن كظاه العمر ولوعه

__****_____

شاهد برجليه آثار الجمر
من طلع من خيمته أويه ام الخدر
وجان حاديهم بعد عزهم شمر
والحراسة هناك هم ممنوعه

__****_____

لاتظب الجفن ويلي بقوتك
جروح من السمه كلها نادتك
من تغسل كفكف انت بدمعتك
وخلي لحده يشبه الموسوعه

__****_____

منتظر صالح الكعبي

علي السجاد بدموعة... يودع كل هلة وناسة
شاب ولاكن بعاشور ... شاب من الحزن راسة

....
باخر لحظة من عمرة ... يسولف كلشي صار وياه
يوم الطف ولا لحظة ... نسيتة ولاني راح انساه
يعينة الله علي السجاد ... كلشي شاهد بعيناه
اه ياحالتة حالة
من دم دمعة من سالة
الذبحوا والدة كبالة
ياصبر اليفيد وياه ... وشنهو أليجري بحساسة

....

عيني شلون تغفة يكول... وصور بالذاكرة تعرض
شفت الخيل اني هناك ... بجسم حسين من ترض
وشفت عمتي العقيلة هناك... بين خيولهم تركض

وشنو صاير ببو أليمة
تفرهد كلشي البجسمة
وفاض اعلة الترب دمة

صدرة اللي يلم الخير ... وسفة جم فرس داسة

...
جنت شاب بعمر عشرين... وشفت راسي بهظم شيب
من شفت العدوا يصيحون ... طلعت بت علي زينب
من هاي المصايب اه ... ظهري بكربلة حدب

من بخيامي وجت نار
اطفيمن هظيمة احتار
ماصار بقبلنة الصار

بسبي نمشي بضعن مهيوب ... وضعنة عدوا حراسة

....

يكلهم من تدفنوني ... واه يا حالتي حالة
اذكروا حسين لمن ظل ...عاري ومحد الشالة
لا دفنوه مثل الناس ... ومحد شفتة يبرالة

بيدي شلون لميتة
بحصيرة جسمة خليتة
التراب شلون هليتة

طحن مطحون جسمة هناك ... لعبت فوكة فراسة

....
خلص كل هذا الموادع ... وصار الملتقة بحسين
الما مرتاح ابد فد يوم ... بهيدة خل يغمض العين
الضل بس جسد هذا اليوم ... الطلعت روحة من سنين

كل اهلة يودعونة
يتلوع يشوفنة
وبعد ساعة يشيعونة

شاب ولاكن بعاشور ... شاب من الحزن راسة
...
منتظر صالح الكعبي

خايفة وظاع الحيل ... واركض بين الخيل

بوية يحسين

.....
جنت بوية مدللة ... منين اجتني كربلة
وهيج بيها اتعذب
حركو الخيمة علي...والحرك جواها ادي
وكمت اني احشم زينب

ياعمة الحكيني صحت نار الخيم وصلتني
والشمر ظل بقوته من أيدي كام يعتني

والشمر  ما يرحم ... كلالي ابوج تهشم
بوية يحسين

....
وردة بس عودي ذبل ... واني ادورلي اعل حل
ما بين نار وهمي
اركض واعثر كمت ... حيرة جا وين التفت
وكلها عرفت با سمي

بس انت تعرفني قبل هسة البشر عرفتني
ملح السوالف والحجي المن بعد عايفني

يالماخذ وياك الروح...ارجعلي خنبطل نوح
بوية يحسين

....


بوية التراجي ال بل أذن...جراها من عندي نذل
وبقوتة جراهن حيل
شحجي الحجي لا مو زين ... ارجعلي بابا يحسين
كلش اخاف من الخيل

صم ايدة يابوية شفت وبقوتة ظل يسطرني
ورمت عيني من السطر وبالسوط ظل يطكني

موتدري ترفة الامتون ... واعداك لا ميرحمون
بوية يحسين

....

يامحلي ايامي قبل...حاجيني هسة انت عدل
لو ما ترد حاجيني
مدللتك بين الزلم ... كلساع كامت تنشتم
وظيم وقهر عاميني

ياخير جنة بكل صبح يلمنة حظن ذاك الخير
عجبة غبت عني بعد وبنيتك بسرعة تحير

حظنك ولا منة اكو ... شكد حنين وبي دفو
بوية يحسين

.....

يا واهسي وضحكت امس.. يمخجل عيون الشمس
يا جلمة الله بالخير
والخير وياك انذبح... عش الفرح طك وانجرح
ماندري هيج احنة يصير

متعوبه ما أكدر بعد والليل اجة شيحملة
سب وشتم ظيم وقهر وقصتي بعد مو سهلة

ارجعلي بوية اترجاك ... وخليني اموتن وياك
بوية يحسين

....
منتظر صالح الكعبي

مشبوحة عيني اعلة الباب ...بالجن يجون احبابي

....
راحوا احبابي وكلبي حيل أتعذب
وحدي صفيت بحجرتي بس انحب
مشتاكة أصيح بصوت عمة زينب

عمتي الحنينة ام الطيب ... بالكت تداوي صوابي

....

عالباب عيني كلي شيقنع العين
واهلي مشوا عن عيني ما اعرف وين
بحسين تقنع لجن شيرجع حسين

من البجي بهاي الدار ...نكعت عتبت بابي

....

راح انتظر وابقة انتظر واتنطر
ميعوف اختة ادري بيه الأكبر
يرجع اللي وبالكن يعود ويحظر

وياخذني يرجع وياه .... حظرت حتة ثيابي

....

من اهلي ماكو بالوصف من الناس
مشتاكة عيني تشوف ريشة عباس
عمي الكفيل الكلة رقة وإحساس

لمن اشوفة احجي وياه...واشكيلة كل اعتابي

....
مل الصبر والصبر هم مل مني
ياوني لتبطل ابد ياوني
ماينمحي ولمموت باقي حزني

بصوت أصيح اعلة الراح... ومحد يرد اجوابي
...
عمي الأهل والراح اعيش الوحدي
بس الدمع والكون أصبح ضدي
لو ما رجعتوا انتظر للمهدي

من يظهر المهدي نصيح ... ياخذني يم غيابي


...
منتظر صالح الكعبي

كعديه ...ل فاطمه العليله

لسان حال العليله

لمن مشيتو أظلم البيت
زادت اوجاعي الوحدي ظليت
كل لحظه ما فاركتو بالي....مشتاكه الكم يالغوالي

__****____

من مشه ذاكه ظعنكم...الحزن سير عليه
زادت العله اعله كلبي...طفله يا أهلي شبديه
شعجب هيج انتم جفيتو...عني ما كلتو خطيه
لمن مشه ذاك الظعن
أظلم صفه كل الوطن
وجروحي اليه سيرن...وسيرت كل الاذيه

وياكم امشي شكد تمنيت
اخذوني بويه بدمعي ناديت
يالابد ما كلتو تعالي...مشتاكه الكم يالغوالي

__****____

مو عليله جنت أني...الفركه خلتني عليله
جان كل الحيل بيه..وهيج صرت اني نحيله
والهظم من مر عليه...حرت منهو الاشتكيله

منهو البقالي اني منو
لا ام بقتلي ولا ابو
لا أخت ظل ولا أخو...وحته مايمي العقيله

مشتاكه اني وشوكي طافح
وشاب الكلب من النوايح
وعيوني عالخد تلالي...مشتاكه الكم يالغوالي

__****____

بالدمع أسأل الباري...والضعن يهلي شيرده
هواي مشتاكه اني يهلي...الذاك اخوي الجنه ورده
لذاك عبدالله حبيبي...مشتاكه اهزن ذاك مهده

عبدالله شيرجعه الي
وشيرجع الاكبر علي
مشتاكه الكم ياهلي...والحزن كلبي يضده

شخبار اخوتي طمنوني
بس بعد لا ما يجوني
غالي الاخو ياناس غالي...مشتاكه الكم يالغوالي

__****____

المشو احبابه عنه...ما ينام اليل طبعه
ينحني ظهره بمشيته...وبيده لازم يبقه ظلعه
ولمن اشتاك الخواتي...من دمه تنزل الدمعه

عافني كلهن ومشن
وبحالي والله ما درن
ياهلي حالي بالمحن...الراح من عندي شيرجعه

مشتاكه اكعد وي رقيه
وبجفوفها تلزم اديه
ما ترد ليه اعرفت تالي...مشتاكه الكم يالغوالي

__****____

عمي ياعباس والله ...شكثر مشتاكه اني احضنك
شكثر مشتاكه الجفوفك.. فدوه بس طمني عنك
وياحسين شلونك انت...بويه وشخبار حظنك

يابويه شخبارك بعد
لتكلي داسوه الجسد
مو كافي هل كلبي انمرد...كون يمي واشمنك

ياللي عفتني بحزني وحدي
راح انتظر جيت المهدي
للمهدي راح اشكي اني حالي...مشتاكه الكم يالغوالي

__****____

منتظر صالح الكعبي

بعد أن وصل خبر استشهاد مسلم ابن عقيل وقفت مولاتنا حميده فقالت

عطشانه ومدري أبجي المن...وكلهن يابويه التمن
موتك وجروح البيه...وباجر امشي مسبيه 

__****____

متأمله جنت الكاك ... بويه وتكعد انت وياي
واحجيلك عله اللي صار...ثلث أيام ماكو الماي
شبكني حسين بالخيمه...وتيه مني كل الرأي

عمي الغالي...عاين حالي..يمسح بيده ..ظل براسي
بحسره ننحب..وصاحت زينب...مسلم طايح..ياعباسي

بعدك ما يهدأ بالي...مجروحه ويهظم حالي
أنحب مدري اليا هيه...وباجر امشي مسبيه

__****____

عزه ردت اني اسويلك...وابجيلك حزن وانحب
بس العطش نساني...وحالي بفركتك يصعب
نسيتك من وكع عباس.. كمت ابجي اني وي زينب

عمي الهيبه...الماي يجيبه...لاجن مارد... شفته واكع
وزينب صاحت..خويه وناحت..لمن شافت..وحده راجع

عباس بلا جفينه...ونابت ياسهم بعينه
طايح راعي الحنيه...وباجر امشي مسبيه

__****____

ريتك بويه حالي تشوف...من وجت علينه النار
وين نروح بس نسوان...واحنه أطفال حيل ازغار
نركض كمنه بالصحره...وكلشي البينه بويه احتار

النار موجره...ودست الجمره..من كمت اركض..دست اني الشوك
وسط الهيمه...واني ايتيمه...اركض ظليت...ولاحتني حروك

حيره وكلما اني افتر...أتلكه بوجهي العسكر
وتعاين كلها اعليه...وباجر امشي مسبيه

__****____

وي رقيه جنت اركض...وتاهت مني من وكعت
اعاين الها من بعيد...التراجي منها أنسلبت
الشمر بيها ولا يرحم...تلوع من الألم ظلت

بلا ترجيه...ظلت هيه...ومن المتنين...ظل يجري دم
الما يسوه...طكها بقوه..وتدري شسوه..الما يرحم

يا بابا تصيح بلهفه...ام جفوف شكد ترفه
ضليت ابجي وي رقيه...وباجر امشي مسبيه

__****____

ردتك من أجاني الليل...حرنه أنبات بس جاوين
لا انت العليه ترد...ولا سالم بقالي حسين
ولا خيمه اللي بيها نبات...يبويه شلون اغمض العين

لتظن ارتاح...بطرت المصباح...حظرولي احبال..ونوك الهزل
وباجر ماشين..وماندري الوين..ديره لديره...شكد اتحمل

منهو يصعدني اعله النوك..وباجر دخلتنه اعله السوك
تريد الوالد لبنيه..وباجر امشي مسبيه

__****____

سالم كلت اني الكاك...بالكوفه لمن اوصل
وتشبكني من اشوفك غاد..وتعدل بيدك المحمل
بس من القصر شمروك...شلون اتخيل المقتل

من يمروني...تصد عيوني...لطيحت طولك...احلم وحدي
اشكي همومي...واه ياحالي..وكل عثراتي.. لذاك المهدي

ياخذ ثاري من يظهر...ويم كبرك ينصب منبر
لحالك وجروح البيه...وباجر امشي مسبيه

__****____
منتظر صالح الكعبي

عندما برز العباس الى سوح الوغى كان لسان حال السيده رقيه مع سكينه..ع.

بدفترج كتبي يسكنه...بالطفوف شسوه عمنه
خطوه خطوه ابدي بيها...وبالكتابه رتبيها

__****____

اكتبي بدفترج ونقله للناس
خنكلهم شسوه هنانه عباس
يسكنه هذا عمنه رفعه الراس

بسم رب ابو فاضل سجلي بالدفتر
شتشوفين سجلي كبالج المنظر
فصل الصيف من مي كصته يحتر
كبال الخيمه وشمحلاته لو يفتر

بالخيم نمشي اعله زوده...وشحلاته بمتنه جوده
والأطفال اليسليها...بالكتابه رتبيها

__****____

يسكنه انتي كتبي وركز بهاي
عمنه بخوته هواي وفاي
لابونه ما يكله اله مولاي

بوفائه ما شفت واحد وفي مثله
يرتاح اليعاين يختي الشكله
سهل عنده الصعب والصعب يندله
راس العانده يسحكه ويذله

درس بالخوه اشوفه...الجنه اشوفنها بجفوفه
لغز يختي شكثر بيها...وبالكتابه رتبيها

__****____

اذا يسألوني عمي منهو ربعه
السيف ولامته وخوذته ودرعه
يفر الكون كله بفر أصبعه


اشجع واحد العباس اكتبي هنا
مايعرف الخوف الكمر من شفنا
راح بمشيه من طلع منانا
يظحك بالحرب عباس شاهدنا

يموت الشاهد خياله...والله يافنه الدناله
وهالعباره شاركيها...وبالكتابه رتبيها

__****____

بخط جبير اكتبي عالشجاعه
الموت بكربله صاير جماعه
الجثث خلاها هسه جن بظاعه

خل نحسب يسكنه هالظحايه شكد
واحد عمنه بس فوك الألف ينعد
من سيفه تره ما سلم اي احد
اريدن كلشي يختي كون يتقيد

الموت صاير جمله هسه..وابوفاظل بعده نفسه
بحيله بعده من يجيها...وبالكتابه رتبيها

__****____

خنعد الشرد من جف يمينه
اللبد منه يرصده بطرف عينه
تصير الهزه اذا يعرك جبينه

الشرد من طوله يتلاكه بخياله
يالمدوخ السمه عمنه بجماله
هلال ومن يهل اله بكماله
لذالك بالحرب محد دناله

بالحرب ويصيح زينب...اله اسوي الحرب ملعب
زينب وسلم عليها...وبالكتابه رتبيها

__****____

منه شما طلبنه يجيبه النه
بعطره من نشم ريحه اهلنه
مي يجيب راح النه يسكنه


يجيب الماي النه عمي ميقصر
مثل ما بالزلم بالحرب يطشر
خيره بالخيم جن رحمه من يمطر
ويم ماي الفرات بروسها يشمر

وعالنهر تارك اشاره....لابو صالح ذو الفقاره
الرايه ابو صالح يجيها....وبالكتابه رتبيها

__****____

منتظر صالح الكعبي

كعديه..

مدرسه وتخرج أجيال ...هاي الخدامه
خدامك كلهم انصار...بمدرستك يابو الاحرار
هيبه وكرامه

__****____

مدرسه هاي الخدامه ...وبيها ملتزمين كلنه
والله صدك ما خسرنه...بيها احنه من دخلنه
وشرط بالهالخدمه لازم...كون صافي يظل كلبنه

مدرستك احسن مدرسه
من الله هيه مأسسه
والزهره بيها حارسه...وهيه بالخدمه تلمنه

الزهره التلم الخدام...كلها بسلامه
اليخدم بيها المغوار...بمدرستك يابو الاحرار

__****____

مو حجي السان هيه ...الثقافه تصير لازم
الخدمه هيه اصل الثقافه...والمثقف هوه خادم
والله لو ما هالخدامه.. ما تظل لليوم سالم

المجلس حياتي ودنيتي
وبثوب الاسود كشختي
وبالخدمه تكبر هيبتي...بنيتي بس حسين عالم

بالخدمه تثقيف الناس ...موش بكلامه
وعندك معروفه الاسرار...بمدرستك يابو الاحرار

__****____

بكل مدارس عدنه عاده.. تكشخ بلبس المرتب
واني من أطين اكشخ ... وياحلاتي بطيني وانحب
والجزع بالخدمه يحله...لطم ودموع اعله زينب

للي فهم والما فهم
اليسألني اكله اي نعم
طالب بمدرست الخدم...وبالخدامه تشوف الاعجب

وبحبك  تفوز الناس...بيوم القيامه
الخادم ميمسه النار...بمدرستك يابو الاحرار

__****____

لا تمد للدنيا جفك...خلي وي حسين ايدك
بس خدمتك لابو اليمه ...بالكبر هيه التفيدك
باجر ينور الظلامه...تلتزم ويا يريدك

باجر ينور حفرتك
وهوه اليظوي وحشتك
الخدمه هيه الرفعتك...وبالظوه ينترس جيدك

متوذر انشوفه هناك...حمره العمامه
ونشوف بحاله اللي صار...بمدرستك يابو الاحرار

__****____

الينجح بهالخدمه زلمه...ينول نظره من الزجيه
اليرسب بهالخدمه واكع...يبقه نادم للمنايه
بدفتر الخدام اسمه...الينجح يحطوله ميه

خذت أمتياز بخدمتك
يالغركتني بنعمتك
شكرا الك ولرحمتك...وشكرا لبتك رقيه

بغربيلك اليوكع وين...يعيش الندامه
خدامك كلهم شطار...بمدرستك يابو الاحرار

__****____

بدراسه دروس كثره ... نبدي بيها بدرس الاول
عدنه دستور بعشكنه...بالزياره يصير اجمل
وبعد ما يخلص دمعنه....وبعد ما هالدرس يكمل

وكلها تحظر للطم
تتهدل بشد الحزم
وتبين اهنانه الزلم

للطم يله أتحظرو...وراح اكلكم قيام


__****____


منتظر صالح الكعبي

كعديه ( ام البنين)

هاي البشاره دزها عباس
ولدج ارفعي بيهم الراس
كل احنه يم الكمر.... لحسين صرنه الظهر
__****____
انتي وصيتي ييمه... قبل ما يطلع ظعنه
بالحسين وزينب انتي... شكثر وصيتينه يامنه
وبوصيتج احنه حتما... والله يايمه التزمنه
اقري الرساله بدمعتج
وحي الله يمه غيرتج
للموت تصدح سيرتج... حسين هل ساكن كلبنه

الكون يمه بولدج احتار
واحدنه يحمل كومه اسرار
من عدنه وين المفر... لحسين صرنه الظهر..

__****_____

الرجل ثلثينه اعله خاله... واحنه ثلثينه اعله اخونه
احنه دسنه عالخوال.. ورحنه حيينه ابن ابونه
احنه الحيرنه وادم... همه ابد ما حيرونه

الكون بولادج صفن
اي والحسن وأم الحسن
لحسين اسسنه وطن... وبخدمتج ياحنونه

وحسين من يندب باسمنه
كباله ندك يمه كلنه
وحسين بينه افتخر.... لحسين صرنه الظهر

__****_____

بالخيم هوسنه هوسه... كلنه عد عينج يزينب
احنه ولد ام البنين... الماكو شي عد حدنه يصعب
يمه من عدنه طلبتي... واحنه لبيناه المطلب

خل كلبج بسر يبتشر
للحره صرنه احنه ستر
يسحك عله خشم الشمر .... للحرب واحدنه لو طب

بالاربعه ولدج ميامين
افتخري بينه يم الابنين
واحدنه ابد منكسر... لحسين صرنه الظهر

__****_____

درسانه عالشجاعه... من الزغر يايمه حيدر
للنجف هالجيش شارد... من دخلها اليوم جعفر
وعون من سمعو باسمه... كلها صاحت خلي نحذر

وعبدالله ماقصر ابد
عالجيش شفته من صعد
كلهم ييمه عالوعد... محد المنهم تعذر


كلهم فده لحسين راحو
عذرينه لو قصرنه صاحو
داسو كلهم عالخطر... لحسين صرنه الظهر

__****_____

حشمتني سكينه يمه... بخدمتج صحت الحبيبه
كلشي ما يصعب عليه... لو بدي زمزم اجيبه
رحت للحومه اعله وعدج... وريشتي تعادل كتيبه

تدرين يمه بكربله
صاحولي شيخ المرجله
ذليت شمر وحرمله... والبقه كبالي مصيبه

من عندي شردت كل الازلام
والشرده وصلت يمه للشام
والجيش مني انكسر... لحسين صرنه الظهر

__****_____

الماي من ايدي شمرته.. شلون كبل حسين اشربه
يانفس بعد الحسين.. شلون اشرب قبله صعبه
عالنهر طاحت جفوفي... والسهم صوب الجربه

والراس انصاب بعمد
والسهم بعيوني ركد
وحسين اجاني ومحني رد
وزينب يويلي ام الخدر... بعدي تمشي وي غربه

__****_____
منتظر صالح الكعبي

يا صاحب الزماني...يا صاحب الزماني.... يبن الزهراء

__****____

مذنب وارد ابتدي... وياك اسولف سيدي
(نادماً)(مذلول) يالمهدي ونخيتك
أخطأ اهواي واجي... بمجلسك اشبع بجي
مدنك الهامه يابوصالح اجيتك

هذا حالي... بمجلسك تائب اجيت
كلي تقصير اعتنيت
وياك بدموعي بديت... هذا حالي

هذا حالي ... ناسي الي صاحب امر
من أعمالي منكسر
حته اتوبن ينتضر... هذا حالي


تائب اجيت اقبلني... مذنب وعالي وني... يبن الزهراء
__****____

كلبي بذنوبي امتله... وانت كلبك كربله
ما اهم بيك وصبح همك عليه
ساعه اتوبن نوب ارد.. هواي عنك ابتعد
ذنبي يجرحك جرح يبن الزجيه

ياهظيمه... شكبره ذنبي مو سهل
بناسي بالي منشغل
عن الغيبه ما امل.... ياهظيمه

ياهظيمه....ذنبي صايرلك ملح
هواي مني تنجرح
وانت حلمك منذبح... ياهظيمه
اسمحلي ارد اكلك... بعد اني ما أخذلك... يبن الزهراء
__****____

فوك كسراتك كسر.... ذنبي صايرلك جمر
شتذكر شتنسه وشنو مره اعله بالك
كلها ايامك حزن... تجرحك كلمه(وأن)
كل مسيه الفاجعه تمر بخيالك

شتذكر انت... بقوته عالزهـره اندفع
وخدها ذاك من انصفع
ودمها عالحايط طبع... شتذكر انت

شتذكر انت... حكها اخذوه بغصب
لبيتها دخلو غرب
تولو الزهره ظرب...شتذكر انت

وبخدها ويلي سطره...عيونك عليها حمره .. يبن الزهراء

__****____

شتذكر شتنسه شيمر... بالك بوكت الضهر
وانت وحدك تنحب والله اليعينك
تعرض بالك صور... حسين طاح اعله الظهر
ذبحت حسين وصورها تشوف عينك

كل مسيه... تذكر بنار والم
طفل وانصاب بسهم
شكثر عبدالله انهظم... بالغاظريه

كل مسيه... العاشر بالك يمر
تشوفه طاح من المهر
بحاله شمسوي الشمر... بالغاظريه

وصدره تشوفه صاير. .. موضع عشر حوافر...يبن الزهراء

__****____

بيت فاطم والخيم...خلن بكلبك الم
بحالك شسوه حبيبي ظهر عاشر
وحين هجمو عالحرم... حيلك هنانه نهدم
وبغربتك باقي تنعه عاللي صاير

بعينك تشوف... خد رقيه ينسطر
جر تراجيها الشمر
هواي سحكت عالجمر... بعينك تشوف

بعينك تشوف... شكد رقيه مدلله
وعذبتها كربله
شكد ظربها حرمله... بيعنك تشوف

يالمنجرح شعورك...عجل عله ظهورك...يبن الزهراء
__****____

اليسر اخ اليسر... يعصر بكلبك عصر
شلونه حالك سيدي من تذكر الشام
عمتك فوك الهزل... استقبلوها بالطبل
من السطوح حجار وتولوها الايتام

تذكر السوك .... عمتك بين الزلم
شبعت احجار وشتم
بهاي حيلك ينهدم... من تعثر النوك

تذكر السوك...بيه عثرت جم مره
من المتن دمها جره
والعقيله حايره... من تعثر النوك


يمته وتجيها يمته... طول صبرها وكته... يبن الزهراء

__****____
منتظر صالح الكعبي

وين .. مشيتو .. وجفيتو . يالاحباب
......
يا احبابي شلون بيه .. جفيتوني شعجب
خذتو كل الراحه مني .. وتركتولي التعب
بالي حاسبكم تجوني .. هجركم ما حسب

دموعي .. عليكم تجري ... يسلوة عمري
ارجعو .. نفذ كل صبري .. كسرتو ظهري
ودليلي اتعذّب .. شمع ذاب
.......
شصار بيه لمن رحتو... ياذيني البعد
يال مشيتو بلايه رجعه... بعد يا جرح اشد
عيني مشبوحه اعله بابي... منو منكم يرد

نحيبي... بفكدكم يكثر... واون واتحسر
اونن...بونيني اتصبر.. دليلي اتفطر
عمتني الفركه.. والغياب
.........
راحت العشره شيردهه .. گضت عشرة عُمُر
صارت امنيتي بفگدكم .. انامن بالگبر
ليش گمت اتحسر آني .. اشم منكم عطر

عطركم .. يريّح روحي .. ويضمد جروحي
بعدكم .. اصيح بنوحي .. يروحي روحي
بقيتي اعليمن .. للاتعاب
.........
كلبي ما فارك ذكركم... ينوح ومنجرح
كمت حته بنومي انحب... واونن للصبح
ما حسبت احساب فركه... وجرح فوكه ملح

ذكركم... ولا فاركني....وحزن رافكني
واصيحن.. البعد جارحني .. شكثر هاظمني
دموعي بخدي... بل اعتاب
............
يكتل فراگ الحبايب .. صدگ يكتل كتل
چن جبل ضيمه اعله گلبي .. ابد ما ينحمل
رحتو والآلام اجتني .. وتشتت يا شمل

شملنه .. تشتت ثاري .. ومصيبه اخباري
هظيمه .. بقه اظلم داري .. متخمد ناري
بعد شيردكم .. يغياب

....

راح تبقه عيوني تربي .. واظل انطر خبر
لو عليه ما رجعتو .. اتاني المنتظر
وانه من هسه لظهوره .. گمت أدعي بقهر

واتاني .. بقيت الوحدي .. دموعي بخدي
مشيتو .. وامل ما عندي .. بقالي المهدي
يعوض عنكم .. يالاحباب
.........


علي عبدالله المفرجي
منتظر صالح الكعبي

منهو كلكم زينب الجتفوها
هيه جتفتهم ولا كدروها
واويلاه... وازينباه

__****____

الله خصاها يعالم باليسر
تامر وتنهي وبيديها كل امر
بالحجي داست عله راس الشمر
جنها حيدر بالشكل شافوها

__****____

مريه هيه لاجن تعادل الزلم
بجت الماباجي ابد بس يبتسم
منو كلكم باليسر شبعت شتم
زينب الما يوم ابد شتموها

__****____

تعجبت كل العساكر حايره
ما تهم للجيش ابد هاي المره
بزود حيدر تمشي ظنوه حيدره
الابوها حيدر شيلكوها

__****___

صعدت اعله الدنيه لا مو عالهزل
جتفت كل العساكر بالحبلَ
وحرمله من خوفه أصبح منذهل
ما تهاب اكبر زلم عرفوها


__****____

خطبت اعله الجيش بس صار العجب
انت ابنمن اني بت شيخ العرب
بله وظحلي نسبكم يا نسب
ترجف القاده لمن سمعوها

__****____

بس ذكرنه يادعي كالت يديم
الله شاهد هوه وحده والعليم
هيه زينب صدق الله العظيم
كل ملائكت السمه يعظموها

__****____

منتظر صالح الكعبي