#مشاركة_من_صديقة_القناة #أم_أحمد▪️ #وفاة_أم_البنين_ع ▪️ #نعي ▪️ حوار بين السيدة
أم البنين والسيدة زينب "عليهما السلام"
أم الـبـنـيـن اتـصـيـح يـا زيـنـب تـعـالـي
خبريني دون حسين وش سوت اعيالي
اشسوت اولادي الأربـعـه بـالـغـاضـريـه
بـذلـوا مـهـج وارواح لـجـل ابن الزچيه
لو لا يـزيـنـب خـلـو حـسـيـن الـشـفـيـه
وحـده غـريـب ابـكـربـلـه ردي سـؤالـي
گولي يـبـنت الـمـرتـضى ياخيرة الناس
راسـي ارفعه لو اظـل امْـنَـكِّـسَـه الراس
اول سؤال اشسوى راعي الجود عباس
بيض لـي وجهي لـو كسف عباس حالي
يـا هـو مـن الأولاد ويـه حـسـيـن گَصَّرْ
شنهي فعايل عون شنهو اسوات جعفر
او لـيـكـون عبدالله عن الـمـيـدان حَدَّرْ
ليكون ضـاعـت سـهـرتـي طـول الليالي
صاحت الحوره والدمع عالوجنه مدرار
مـا گـصـروا بـالـغـاضـريـه بـذلـوا أعمار
راحوا ذَبِحْ فوگ الـشـريـعـه والفلك دار
وانه بـگـيـت امـحـيـره مـن غـيـر والي
مـا گـصـر الـعـبـاس بالطف زلـزل الگاع
صـك الـكـتـيـبـه بالكتيبه والـخـبـر ذاع
بـالـحـومـه عــزرائــيــل لــلأرواح نـزاع
يَـمْ الـگـمـر لا بـاس خَـلِّـي الراس عالي
لاچـن نزل أمر القضى او گطعوا يمينه
وگطعوا شماله ونبهض حامي الضعينه
والـسـهـم صكَّه وانعمت يـا حيف عينه
اوفضخوا جبينه بالعمد يا وسفى تالي
شـگـي على المظلوم جـيـبـچ يَمِّ لبنين
بالحومه ظل محتار يِصْفِگْ راح ليدين
بـيـن الـعـدا مـفـرود لا ناصر ولا امعين
خـر عـالـثـرى اورد الـمـهـر للخيم خالي
چبده امـفـطـر بالعطش يشتعل لاهوب
والگلب ثلثين إنجسم بالسهم مصيوب
واسمع ونينه وانـدعـي يـا صـبـر أيوب
اتربع على صـدره الشمر واندهش بالي
داسه بـنـعـالـه اومـاجـت السبع الْعَلِيَّه
ابسيفه فَصَلْ راس الولي واغمي عَلَيَّه
فَتَّحِتْ عيني اوشفته فـوگ السمهريه
مثل الـبـدر مـرفـوع وِيـلَـوِّحْ إگـبـالـي
هِجْمَوا علينا الگوم واتمالكني الخوف
وبدورنا فوگ الثرى بالمعركه اخسوف
سلبوا حرمنا اوصرنا نتستر بالچفوف
عـزي فـگـدتـه ابـكـربـلـه بـعـد الغوالي
بعـد الـمَـعَـزَّه والعشيره اشبول عدنان
مسبيه فـوگ النوگ أطلع لرض كوفان
واعـظـم مصيبه دَخْلِتِي بالشام ديوان
مـلـيـان بِـالـشِّـمَّـاتْ ويلي إعـلـه دَلالِي
ــــــــــــــ ❁ تمت ❁ ـــــــــــــــ
✍🏻 عبد الله الفقير: السيد موسى السلمان الأحسائي
ـــــــــــــــــــــــــــــــــــــــــــــــــــ
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون
☀@MINBARIYOON ـــــــــــــــــــــــــــــــــــــــــــــــــــ
☀ منبريّون يتواصلون
☀ https://t.me/joinchat/AGWwjjzFRmjUTNci5jQRfA