☀ منبريّون حسينيّون ☀

#قصيدة_ليلة الوداع ليلة العاشر بين السيدة زينب عليها السلام واحبابها


ليل الوداع اشسوة بينة شيبنة من اتوادعينة
واحد يودع الثاني شيبني حال اخواني
=============================
من اصــــعب ايام العمر ليلة وداع العاشر
ابخيمة الچبيرة اتجمعوا احبابي والكل حاضر
صار الحچي چلمة ودمع والجفن ضل مساهر
كل لحضة احسنها بسنة شاب الگلب والناضر
يا زينب ايصيحون كلهم احباب الگلب لا ما املهم
دلالي ضل يعاني شيبني حال اخواني
============================
فگد الولد يدمي الگلب ياعمة اوصي بأمي
واسيها من يلفي الخبر جسام طايح مدمي
امي الحنينة ام الوفة حنيها عمة بدمي
حلمي اموتن وي هلي وباچر أحقق حلمي
للخيمة باچر ما يزفوون باچر شهيد وتجري العيون
بعمي الابو وصاني شيبني حال اخواني
==========================
شمعت شبابي لو طفت عمة وتغمض عيني
يعينچ علي يا ام الصبر لو وصل صوت ونيني
مگطع اجي فوكَ المتن وخلفي الابو ايناديني
بعدك على الدنيا العفا مصابك علي ماذيني
تناديني امي ياضوة العين ويتجمعن كل النساويين
امگطع وصل تلگاني شيبني حال اخواني
==========================
اعله الخال ثلثين الولد كل الخلكَ تدريها
العباس خالي ومن اهد الحومة العب بيها
عون انة ابنچ بت علي ربات ايدچ تعرفيها
وي خالي باچر مقتلي روحي لخوالي افديها
وداعچ ييمة باچر ادموع گلبچ علية ايلوج مفجوع
موت الشرف ناداني شيبني حال اخواني
===========================
ميت على لساني الحچي بالگوة احچي حچاية
صح بالمعارك چن اسد لاچن حنين هواية
من هسة ميت من بدت زينب تودع الراية
تمشين من بعدي بيسر لا كافل ولا حماية
عنچ يزينب امشي بالجود مگطوعة من عباسچ ازنود
ويمچ رقية اتاني شيبني حال اخواني
=============================
ما مر على گلبي مثل لحضة وداعي لزينب
گامت صور باچر تمر فوكَ الهزل تتـــسلب
شميني واشتم ريحتچ ياخوية اجيت ابمطلب
صدري من اودعچ للحرب للخيل يصبح ملعب
باچر الخيل ابصدري ادوس واعله الرماح امعلگة الروس
حالچ يزيد احزاني شيبني حال اخواني
===========================
أسالكم الدعاء رائد الاسدي




ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#قصيدة_ليلة_الوحشة
لسان حال السيدة زينب ع تخاطب جسد الحسين ع

شتاگيتلك. بعــد الـــــوداع ابلحظات
حنيــــتلك. بس عطّــــــلنّي الخيمات
خوية جيتك بعد ما طفيتها
و اليتامة الضـــايعة لمّيتها
شتاگيتلك
ـــــــــــــــــــــــــــــــــــــــــــــــــــ
امن التلة نظرتك لمـــــــن اتنـازع
امن التلة اشوفــك للخـــيم راكع
امن التلة عيني لذبحــك اتــباوع

شما اناديلك چنــــــت و انته طريح
توگف و ترجع عله اســهامك تطيح
و چن اسمعك ردي لخيـامچ تصيح

رجعيلهن. عندچ ابنـــــــــيات ازغار
حاميلهن. مـن الحـــــــــوافر و النار
و انه خويه احچايتك سويتها
و اليــــتامة الضـــــايعة لميتها
شتاگيتلك
ـــــــــــــــــــــــــــــــــــــــــــــــــــ
رجعتلهن بناتـــك بيه مــــا بيه
رجعتلهن. عليك اضلوعي محنية
رجعتلهن رَجْعَت وحدة مسبية

للخيم رديت مـــا اعـــــــرف شگول
و يَمَّك اسمع گامــــــت ادگ الطبول
خوية داست فوگك و جتنه الخيول

لاخيامك. دمك وصل ويه الخيل
و ايتامك. شيلمها لــو صـار الليل
رغم تعبي خيـلهم رديتها
و اليتامة الضايعة لميتها
شتاگيتلك
ـــــــــــــــــــــــــــــــــــــــــــــــــــ
ورة أطفالك. ركضت ابكـل اراضي البَّر
ورة أطفالك. و ارد فحطــانة للخَــــــدَّر
ورة أطفالك. صرت سالــــــوفة للعسكر

حرمة بالخمسين عمري شرد اصير
و الركض ينــرادله حيــــــــل الزغير
اشتكي لعباسنه و كل كل ساع ادير

أذتـــــنــي أركض تعــاينلي ارجال
دم متــــني. من السياط اسود سال
ابچف عفافي اعيونهم سديتها
و اليتامة الضـــــــايعة لميـتها
شتاگيتلك
ـــــــــــــــــــــــــــــــــــــــــــــــــــ
أوصلت يمك. امن الدخـــــان مخنوگة
أوصلت يمك. چني خيــــــمة محروگة
أوصلت يمك. لگيتك جثة مسحــــوگة

شباقي منك هسه مـــن وين التگيك
وينه صدرك خوية اريد اشبگ عليك
هذا يا ظــــالم گطـــــــع خنصر اديك

شيكــــابر. گلبي الينظـــــرك ذابل
بالحــــافر. صدرك لظهــــرك نازل
دمعتي فوگ الجرح صبيتها
و اليتـامة الضـــايعة لميتها
اشتاگيتلك
ـــــــــــــــــــــــــــــــــــــــــــــــــــ
راح ارجع. و اردلك و انه عالناگة
راح ارجع. و اگلك خويه مشتاگة
راح ارجع. بعــدها ابراسك اتلاگة

نمشي باچر باليـــــــسر درب الطويل
خويه و اعله الناگة خل رمحك يميل
و اعله دم امتوني دمعاتك تسيل

ليلـــية. نگعد سوه خويه انوح
مسبية. و اتعاتبــــلها ابمذبوح
ونِّتي لدرب السبي ضميتها
و اليتامة الضـــايعة لميتها
شتاگيتلك
ـــــــــــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#قصيدة_ليلة_العاشر
كأني بمولاتي فاطمة ع ظهيرة العاشر عندما حَظَرت عنده جسم الحسين ع خاطبت (الحافر )و قالت له

يـحافر لا تسحـــگه
گلب زينــب تحرگه
جرح فوگ الجــــرح بيه
كِفــــــــاية لا تـــــــــأذّيه
گلب زينب تحرگه
ـــــــــــــــــــــــــــــــــــــــــــــ
حبيبي احسين هــذا الغارگ ابـــدمه
و عله اعياله و حَريمه طاحن اخيَمّه
ما ظل جندي منهم ما رفس جسـمه
و انتــــــه لا تــدوسه و عايـــن الأمّه

أجيت و گلبي دامي
عله اوليـدي احــامي
و امـــــــن الحَـــر اغطّيه
كِفـــــــــاية لا تـــــــــأذّيه
گلب زينب تحرگه
ـــــــــــــــــــــــــــــــــــــــــــــ
عفت گبري و اجيت الطم عليه و انعه
و الَمّلم جثّته ال عالغبـــــــرة متـوزعة
يحافر عوفه گتــلك كــــــــافي لتلوعه
و خل انهض و ادور بالرمــــــل صبعه

اريد ارويـــله گــلبه
و ماي العين اشربه
و نزيف الـــــــدم اداويه
كِفــــــــاية لا تـــــــــأذيه
گلــــب زينب تحرگه
ـــــــــــــــــــــــــــــــــــــــــــــ
ضلع واحد كتلني ابساعة العـــــــــصرة
شحاله و كل ضلوعه احسين متكــسرة
وَصّي الخـــيل لــــــو وصلـــتله ختعُبْرْه
و تعال اضلوعي رضْها و لا ترض صدره

دشوفه شلونه حاله
و عليَّ دوس ابـداله
ضنـــــوتي و آنه أفديه
كِفـــايـة لا تـــــــــأذيــه
گلب زينب تحرگه
ـــــــــــــــــــــــــــــــــــــــــــــ
چان ابمنحره جــــــــدّه النبي يبــوسه
خـــاف الله يحـــــــافر لا تجي ادوسه
نبـل و ارمــــاح جثَّة أبني متـــــروسه
و من طــگ العصي دم صبّن اعكوسه

رمـــل ماكلــــــها عينه
و حجر خاسف جبينه
و سهـــم بالچبــدة راميه
كِفـــــــــاية لا تــــأذّيـــــه
كلب زينــــــب تحرگه
ــــــــــــــــــــــــــــــــــــــــــــ
عله وجهه وگع مــن كثــــرت اصوابه
و عليه ملتمّه دايــــــر نـــــاس سلابه
سلبوا جُبِّته و صـــرواله و اثـــــــيابه
عاري و انستــــــر وجه الله باخضابه

رمل فـــــات لوريده
و ضايع خنصر ايده
حرت و شلــــــون الاگيه
كِفـــــــــاية لا تـــــــــأذّيه
گلب زينب تحرگه
ــــــــــــــــــــــــــــــــــــــــــــ
بدخان الخيـــــــــم انفـــاسه مخنوگة
و عله ابنياته روحـــه ابنـــار محروگة
بخنجر و ابرمح خاصــرته مشگـــوگة
و مـــن راســـه العمامة ويلي مبيوگة

يحــزون ابرگبـــته
و يأَشَّر چـان لأخته
خاف اتظـــل تتـــــــــانيه
كِفـــــــــاية لا تـــــــــأذيه
گلب زينب تحرگه
ــــــــــــــــــــــــــــــــــــــــــــ
الحمدلله
#علي_حسين_الكناني


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON