#دخول #السبايا... الى الشام.. ووقوفهم
بباب الساعات.....فتحة عزاء. تجليبة...
.
طَبينه الشام.. يايُمه.. طَبينه الشام
بين الظلام .. مشّونه.. بين الظلام
. .ـــــــــــــــــ ❁ ❁ ❁ ـــــــــــــــــ
ييمه ادموعي تركت عالوجه حفره
مشــتاگه احضــنچ وانحب ابعـبره
أنه زينب أعله باب الساعه منتظره
سبيه وصـرنه فـرجه يُمه يالـزهره
.
گلبي محتام بمصابه گلبي محتام
بين الظلام مشونه بين الظلام.
.
.ـــــــــــــــــ ❁ ❁ ❁ ـــــــــــــــــ
.
شخبـرچ عن أخـوي المـرتفـع راسه
طلع من ظهره حـافر يُمه من داسه
تفــرهد ثـوبه يُمـه وي ورد ياسـه
وشـمر بالطـبره گام يفرهد أنفاسه
.
مزروع اسهام بالغبره مزروع اسهام
بين الظلام مشونه بين الظلام
. .ـــــــــــــــــ ❁ ❁ ❁ ـــــــــــــــــ
.
وخـوي الـي بـنبلهم منـذبـح شـوفه
ما قـصر طـوى الميـدان وطـفـوفـه
انصرع ظامي بعينه الدمعه ملهوفه
رفعــو راسـه يَمــي وذبـو أچفــوفه
.
عالغبره أينام يم جوده عالغبره أينام
بين الظلام مشونه بين الظلام
. .ـــــــــــــــــ ❁ ❁ ❁ ـــــــــــــــــ
لـوعات اليـتامـه امنـين ابديها
من الي زجـر بالجمـره يچويها
حَرًگ سكنه وگمنه يُمه نطفيها
رجع بحـجاره عالأيتام يرميها
.
ربي العلام ينظرنه ربي العلام
بين الظلام مشونه بين الظلام
.
.ـــــــــــــــــ ❁ ❁ ❁ ـــــــــــــــــ
باب الســاعه مـنـه روحـي لهـابه
باب الطــاغي ربـي لا عمـر بابه
انفتـح والنار مطرت يُمه بعتابه
بعيــون اليـتـامه طشـو اتـرابه
.
جدم الايتام جرحوها جدم الايتام
بين الظلام مشونه بين الظلام
.
.ـــــــــــــــــ ❁ ❁ ❁ ـــــــــــــــــ
.
بنات الشام بعالي الصـوت شتمنّي
مـن كـل ناحـيه بحـــجار صـابنـي
يعَثـرن ناگـتي يــردن يطـيــحنـي
عـدهن سـوط بـي گـامن يطـگني
.
لا ما تلتام لچمـاتي لا مـا تلتام
بين الظلام مشونه بين الظلام
.
.ـــــــــــــــــ ❁ ❁ ❁ ـــــــــــــــــ
عجـايزهم بلـفظ سبـهن گـصن بيـنه
جـابـن مـاي حـار وطـشّن أعليـنه
يصيحن وين أخوچ النشمي چاوينه
وفـرحـن چـي نبلهم صـايبه أبعيــنه
.
ذبح القمقام يطربهن ذبح القمقام
بين الظلام مشونه بين الظلام
.
.ـــــــــــــــــ ❁ ❁ ❁ ـــــــــــــــــ
.
شام الما شفـتها هسـه شـافتني
آنـه أم الخـدر وعـيون لمـحتني
نعم محفور سوط النايبه بمتني
ولكن بالفصاحه الناس عرفتني
.
يدنگون الهام من احچي يدنگون الهام
بين الظلام مشونه بين الظلام
#تمت.. بفضل ربي وعطاء
اهل البيت عليهم السلام
حسن الموالي الفاطمي
.
.
ــــــــــــــــــــــــــــــــــــــــــــ
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON