☀ منبريّون حسينيّون ☀

╌ـ╌ـ───═﷽═───ـ╌ـ╌

🔶 #صفر_1446هـ
🔸 #الأربعين
🔶 #بحر_طويل

يمهدينه  فدتـك  الــروح
               أقلـدك سيـدي الدمعــات

و أقلدك ونّتــك والنــوح
               و لجدك  بعض  خطوات

╌ـ╌ـ────═❁═────ـ╌ـ╌

اسِألك  سيدي  و مـولاي
               وآنـــه اتجــرّع الحســرة

سجّلنــي  مــــن  الــزوّار
               بحق  ضلع  امك  الزهرة

تـزور  بأربعيــن  احسين
               يقينــاً تهــمــل  العبــــرة

يمنعنـي الظــرف تدريــه
               حرمني  زْيارة  السـادات

آه يامولاي آه يا مولاي آه يا مولاي آه

╌ـ╌ـ────═❁═────ـ╌ـ╌

ادري دمعـــتــك مــن دم
               وانت ابحضرة المظلــوم

واحسنّك حنيت ضلــوع
               و بعينـك نحــر مرســوم

عيونك  غارت  امن الهم
               ومـــاذاقت ليــالِ النــوم

تتــذكّــر سبــي عمْتــــك
               و رجعتها مـن الشـامـات

آه يا مولاي آه يا مولاي آه يا مولاي آه

╌ـ╌ـ────═❁═────ـ╌ـ╌

✍ #الشاعرة_زينب_الخفاجي
🤲 #اللهم_صل_على_محمد_وآله

@elkhafaji110

💫 #محرم_1446هـ
#بحر_طويل_لسان_حال_العليلة

راحت لمــــة الاحبــــاب
              راحت  كعــدتي  ويـــاك

ومن يندك يبويه البــاب
              اكــوم ونيّتــي اتلكــــاك

ـــــــــــــ ✿༺✿༻✿ ـــــــــــــ

كل  معنى  لحياتي  راح
              وما ظل كل هنه بعمـري

كالــوا  يالولــي  ذبحوك
              يــاليت انــذبــح نحــري

صدرك  بالسهام  انصاب
              ريت  اسهامك  ابصدري

نايم  بالشمس  مطـروح
              اريــدن  للطـف  اتعنّــاك

ـــــــــــــ ✿༺✿༻✿ ـــــــــــــ

اريد  اوكف  واظلّل  لك
              مـن  حـر الشمس بويــه

واجيبن  ماي اقطّــر لك
              يا عطشــان  الاميـــــــة

يــم راســك واســولفلك
              و اشـاكف   ليك  بيديـه

بدال  اعضامك  اتكسّــر
              مـن خيل العــده تدنــاك

ـــــــــــــ ✿༺✿༻✿ ـــــــــــــ

📝 #الشاعرة_زينب_الخفاجي
🌿 #اللهم_صل_على_محمد_وآله

@elkhafaji110

لمولاي القاسم عليه السلام

#بحر_طويل #زنجيل

امفارگ وانحب اعله الراح وصوتي بالخيم يفتر
يا جسّام يا جيدوم يالنشمي علي الاكبر
......................................
اعله طولي ابّينهم واجف وعلى خدودي الدمع جاعد
موت ابن الاخو يچتل وگطعه امن الگلب فاجد
ويلذع بالدليل اهواي فراگ الولد والوالد

آيفراگ شباني
وحدي بضيمي خلاني
انطفت انوار صيواني
وچلچل حزني عالدلّال والدلّال يتفطّر
......................................
يتفطّر بده گلبي و بعد هالنايبه شحچي
على كل حال راح الزين وعگب فرگاه اضل ابچي
انهدم ركني وحيلي انهد ولرب العلى اشچي

اون ولدمعتي مامش
بشحم عيني علي عايش
ومثله بالبشر مامش
بدهر الشوم ابد هيهات چالاكبر بعد يحظر
......................................
ولا يحظر مثل جسّام الدهر وياه ما انصف
جمال ابن الزچي المظلوم بهيّ الطلعه يتوصّف
چوچب دري وجهَ چان مثله ما نجد بالطف

طاح الما يصح مثله
وگضه نحبه ابن رمله
ومتوسّد على الرمله
جمال ابن الحسن وسفه طوله اعله الثره اتطشر
......................................
جسّام وعلي الاكبر عافو گلبي بعويله
ابن چشّاف كل كربه چيف الكربه تلفيله!
وأَنه الواگف ابّين اثنين بسببهم گلّت الحيله

العسچر كشّر انيابه
وتتشمّت الذيابه
شيسوّي الفاجد احبابه
امدوهن ما بگالي حيل وبعين الشماته اعثر
......................................
امدوهن حاير وطبّن رمله وليله للصيوان
كل وحده اعله ابنها اتصيح اوگف يجمل الشبّان
گوم وشوف تكليفك انهض حورب الطغيان

وام چلثوم اجت ليهم
وزينب تنحب اعليهم
تحشمهم بأساميهم
يا جسّام يالاكبر گومو خافن الخدّر


(يا جسام يالاكبر)
محمد اياد السعد

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON