#التبرع ما الا يكون عندك
#قروووش #عايزة اتكلم معاكم واعرفكم بثقافة التبرع بالدم وكيف انك ممكن تنقذ ٣ اشخاص ( دم و صفائح وبلازما) بحاجة بسيطة وهي قزازة دم زكاة لجسمك وصحة ليك وشفاء وعافية لغيرك
♥️طيب
#متين تقدر تتبرع بدمك
اذا عمرك فوق ١٨ سنة لحدي ٦٠سنة
وما بتعاني من مرض مزمن
#فترة التبرع
كل٣ شهور على الاقل للرجال و ٤ شهور على الاقل للاناث
وعلى فكرة التبرع ما بس للاولاد كمان البنات ممكن يتبرعن بدمهن وما حا تجيهن عوجة ان شاء الله
😇💚#اماكن التبرع
بنوك الدم
حملات التبرع الدم
#لمن تمشي بتسحب استمارة في اسئلة لازم تجاوب عليها بكل مصداقية
بعد كدة بتمشي للدكتور يشوف الورقة ويقيس ليك الضغط
اذا ظابط طوالي بتمشي بعد كدة تعمل فحص الهيموقلوبين وفحص الفصيلة
اخر حاجة بتمشي صالة سحب الدم
#القزازة بتتملي في فترة من ٤ ل ١٠ دقائق بس انت ما تتوتر
#فكر في انك بتعمل في حاجة عظيمة وبس
✋💚 بعد السحب ارتاح ١٠ دقائق واشرب عصير او ماذا
💚#دمك بنقص حولي ٧% بس وخلايا
دمك بتتعوض وتتجدد من تاني يوم الموضوع بسيييط جدا وفيه اجر عظيييم كونك تنقذ روح ربنا قال (ومن احياها فكأنما احيا الناس جميعا) صدق الله العظيم
💚في حاجة اسمها تبرع
#بالصفائح ودي بتتعمل بجهاز اسمو التريما بسحب منك صفائح من غير ما يأخدو منك دم والجهاز دا موجود في معمل استاك في الخرطوم شارع القصر
#التبرع بالصفائح الحوجة ليه اكتر وبحتاج الشخص لاكتر من ١٠ وحدات ودائما بتكون في الحالات الطارئة زي النزيف الداخلي ومرضى السرطان ربنا يشفيهم
#اتبرع وشوف حا ترتاح كيف
#نفسيا و
#جسديا#نقطة دم
#تساوي حياة
#د النيل سعيدالنيل
