شعری زیبا با گویش
#ممسنی شهرستان رستم استان فارس تقدیم به شما همتباران عزیز
🍃🌸🍃(داغ نه ور بيد )
@lorhayetehranاي كه مث او قد و بالات سفيداري ني
وه ملوسي تيلت ، چشمه او داري ني
درد دل دارم و درمون دلم تی دلته
آخو مجنون دلم کشته ی لیلی دلته
کشته مرده قد و بالات دل دروه درم
بسکه ای رهیل پییم دوکلآبی کمرم
کمرم بهرس و بار غمت افتا وه دلم
زیه پشتیر تییت ساچمه صد جا وه دلم
نفسی سی مو نویسایه که سر راس کنم
طوم انگور تیی کالت احساس کنم
نفست ، سايه ي مشت بنيويه ، نفسم
جگرم گل زه وه تشنه ی مره ،تا، وت برسم
مره ویسا که بنم سر زر سايت يه دمون
سر لوم اوميه جونم خوته زيتر برسون
برسون وم دو گلپ لو كه وه تشني مردم
ديدي آَخَر چه بلي بر سر خوم آوردم
ديدي آخر من جونم تش بي ديد نهي
من گوشه ي جگرم داغ نه ور بيد نهي
لويلم خشكه و جونم سر لوم اوميه ده
آخو چن شويه كه لويل تو وه خوم اوميه ده
آخو چن شويه خيال تو امونم نييه
ايبرم تا سر لو چشمه و جونم نييه
ايبرم تا وه خيال تو كلو نات آبم
آخرش خین وه دل ای همه سرسات آبم
@lorhayetehranییقه سرسا مکو عمری ده نویسایه گلم
نهل تا تشنه نميرم كه گناه داره گلم
ار گله ی کردمه ایخواسم وه دایم برسی
دلم ایخواس وه گردن تو نبو خین کسی
تو وه دایم نرسی دادمه تی کی بزنم
خفه وابیدمه فریادمه تی کی بزنم
تو نبی کی بگره دهسمه راسم بکنه
کو رفیقی که وه ایدرد خلاصم بکنه
کر و کور و شل و پاتال جه حالیش ایبو
کور وه تش برق تیی کال چه حالیش ایبو
تو نبی شک مکو زنده ی مو وه یک ویریچه
زندگیمی تو و بی عشقف تو زنده ی هیچه
وُکه جوش ایزنه من جونم مو هر لحظه تونی
به خدا بهزه تو نیدم به خدا بهزه تو نی
وه خدا خواسمه من عشق تو پا پس نزنم
صد کچک من سرمآبو خومه واپس نکشم
خومه واپس نکشم تا نفسم پس نروه
تا تیم تی تیل هرکس و ناکس نروه
تا که شش دنگ حواسم همه جا بند تو
بو قافیه شعر دلم میخک نابند توبو
ورکنم میخک هرشعرمه بی تال پلت
لویل خشکمه بهلم دم دریی تیلت
مثل کرته ی وه بج افتاسه ترک خرده دلم
ای مو قربون تو ورگرد که ورگرده دلم
چی کناری که وله ی صد کچک ابو من سرش
دل زخمی مو سرایکیچه یه وردا بورش
قرد ایدل که اسیر پلت ابیده بدون
زخمی تیزی مرزنگلت ابیده بدون
دل زخمی مونه سیلش بکو تیپا مزنش
وه یو واپس قد هر بی سر و بی پا مزنش
...
#مجید_نگین_تاجی/1389/ه.ش/مصیری
🍃🌸🍃با ما همراه باشید در
👇👇#کانال_رسمی_لرتباران_تهران_نشین👇👇https://telegram.me/joinchat/BwuNyTvBPjeDjhd1KmHhwQ