#سۆرانی"با نهورۆزی ئهمساڵ بكهینه نهورۆزی پشتیوانی له كۆڵبهران"
خهریكه له چوارشهممهسووری و نهورۆز نزیك دهبینهوه و ههر لێكدانهوهیهكمان لهم كولتووره كۆنهی كوردهواری ههبێت، بهڵام له چوار دهیهی ڕابردوودا له ناوچه جۆراوجۆرهكانی كوردستان له ئێران بوونهته هێمای شادی و خۆشی و هاوپشتی و یهكێتی خهڵكی كرێكار و زهحمهتكێش و ئازادیخواز و وهك دهرفهتێكیش بۆ خۆڕاگری له بهرامبهر سیاسهتی سهركوتكارانه و دواكهوتووانهی كۆماری ئیسلامی ئێراندا بهكار هاتوون. ههرچهند كۆماری ئیسلامی ههموو ساڵێك دهیههوێت پێش به بهڕێوهچوونی مهراسیمه سهربهخۆكانی نهورۆز و چوارشهممه سووری بگرێت، بهڵام كۆمهڵانی خهڵك نهورۆزی دڵخوازی خۆیان بهشێوهیهكی بهرین و به جلوبهرگی ئاڵوواڵا و ههڵپهڕكێ و گۆرانی و تێئاتر و سروود بهڕێوه بردووه.
خهڵكی كوردستان نهوروزی پاریان به مهبهستی پشتیوانی له بهرخودانی قارهمانانهی خهڵكی عهفرین له بهرامبهر هێرشی دهوڵهت و ئهرتهشی توركیه، وهك "نهورۆزی بهرخودان" ناودێر كرد و به وهڕێخستنی كۆڕ و كۆمهڵی بهرینی جهماوهری له زۆربهی شار و ئاواییهكانی كوردستان، جارێكی دیكه باوهڕیان به هێزی یهكگرتووی خۆیان هێنا و بهكردهوه نیشانیان دا. غافڵگیربوونی هێز و دامودهزگا سهركوتكهرهكانی كۆماری ئیسلامی له بهرامبهر كۆبوونهوه بهرینه جهماوهریهكان و هاوپشتی خهڵكی كوردستان، جارێكی تر نیشانی دا كه چ هێز و وزهیهكی هیوابهخش له كۆمهڵگای زیندوو و سهربزێوی كوردستان دایه بۆ بهگژداچوونهوهی ئهو دهسهڵاته دواكهوتووانهیه.
ئێستا له ئاكامی داسهپاندنی سیاسهته زیانبارە ئابووری و كۆمهڵایهتییهكانی دهسهڵاتداران به سهر كوردستاندا و نهبوونی ههلی كاركردن، چهندسهد ههزار كهس له دانیشتوانی كوردستان ههر له ئیلامهوه بگره تا دهگاته ورمێ، ڕوویان له كاری پڕمهترسی كۆڵبهری كردووه. له نێو كۆڵبهراندا لاوانی خوێندهوار، هونهرمهند و وهرزشكاری ناودار، كهسانی ههڵكهوته له بواری زانستییهوه، منداڵان و تازهلاوان و تهنانهت بهساڵاچووانی سهرووی حهفتا ساڵیش دهبیندرێن كه ههركامهیان به پێی توانایی خۆیان كۆڵی ٥۰ تا ۱۱۰ كیلۆیی له كۆڵ دهنێن و له سهرما و گهرمادا چهندین كیلۆمیتر به شاخ و ههڵدێر و بهنێو مهیدانی مین دا دهیگوێزنهوه.
له ساڵێكدا كه له یازده مانگی یهكهمیدا به هۆی تهقهی ڕاستهوخۆی هێزه چهكدارهكانی ڕژیم و تهقینهوهی مین و ههڵدێران له بهرزاییهكان و گیرۆدهبوون له بهفر و سهرمادا ۷۹ كهس گیانیان له دهست داوه و ۱٥۷ كهسیش بریندار بوون و كۆڵبهریش بۆته گهورهترین گرفتی كۆمهڵگای كوردستان، ئێمه خوازیاری ئهوهین نهورۆزی ئهمساڵ ببێته "نهورۆزی پشتیوانی له كۆڵبهران".
ئهمساڵیش به مهبهستی گۆڕانی هاوسهنگی هێز، نهورۆز و چوارشهممه سووری ئهو دهرفهته لهبارهن كه زیاتر له ههر كاتوساتێكی تر بایهخێكی خهباتكارانهش بهخۆیانهوه دهگرن. بێگومان خهڵكی كوردستان ئهمساڵیش لهم دهرفهتانه بۆ شادی و خۆشی و یهكێتی و یهكگرتووی و بردنهسهرێی ورهی خۆڕاگرانهی مێژوویی خۆیان و ههروهها بۆ پشتیوانی له كۆڵبهران و ئیدانهكردنی كوشت و كوشتاری ئهوان كهڵك وهردهگرن.
ههربۆیه جێی خۆیهتی كه نهورۆزی ئهمساڵ واته ساڵێك كه زۆرترین كۆڵبهر به هۆی سیاسهتهكانی كۆماری ئیسلامیهوه گیانیان له دهست داوه، به هێنانه ئارای ئهم داخوازیانهی خوارهوه بكهینه "نهورۆزی پشتیوانی له كۆڵبهران":
◾️كۆتایی هێنان به كۆڵبهری و دابینكردنی پیشهی گونجاو بۆ ههموو كۆڵبهران.
◾️دانی بیمهی بێكاری به كۆڵبهران تا كاتێك دهستیان به كارێكی گونجاو ڕادهگات.
◾️قهرهبوو كردنهوهی بنهماڵهی كۆڵبهرانی گیانبهختكردوو و ئهو كۆلبهرانهش كه بریندار بوون.
ئێمه داوا له ههموو ئهنجومهنهكان، ڕێكخراوه مهدهنیهكانی ناوخۆی وڵات و لایهنگرانی بزووتنهوهی شۆڕشگێڕانهی كوردستان، حیزب و ڕێكخراوه سیاسیهكانی ئۆپۆزیسیۆن (سهرهڕای ههر تێڕوانینێكیان بۆ نهورۆز) دهكهین پشتیوانیی خۆیان لهم بیرۆكهیه دهرببڕن و لهم ڕۆژانهدا با یهكێك له تهوهرهكانی چالاكییهكانیان پشتیوانی له كۆڵبهران و بنهماڵهكانیان و داخوازیهكانیان بێت.
#کۆڵبەر_نیوز #kolbarnews@kolbarnews