کۆبانی چرای گەشی عەفرین و هێمای تەسلیم نەبوونە
سەردەمی زوو دەسەڵاتدار و رژیمەکان بۆ راوورووت و خواردنی دەسرەنجی خەڵکی وڵاتێک، قشون کێشیان دەکردە سەر ئەو هەرێم و نیشتمانە و داگیریان دەکرد...
بەدوای تێکروخانی ئەستووندەکی تاوڵی کلونالیزمی ئوروپایی و ئەمریکایی و ژاپۆنیەکان لە ئاخری سەدەی هەژدە و سەرەتای نۆزدەوە، ستراتژی گۆڕا.
داگیرکەری راستەوخۆ جێگای دا بە دانانی حکومەتی جاش/بەکریگیراو شێوە. دەوڵەتی گوماشتە بەکورتی. ئێستا سەرمایەدار و هاومەرام و هاوبەرژەوەندیە سیاسی و نیزامیەکانیان بە شێوەی دوو فاکتۆ٫ دەوڵەتی خۆجیی ناسەربەخۆی دژ بە گەلی خۆ وە هاوکات نۆکەری بێگانە و داگیرکەر، نەقش و ئەرکی دەسەڵاتە ئیستعماریە کۆنەکەی خراوەتە ئەستۆ.
زل هێزەکان ئەمجارەش وەکوو رابردوو وەختێک بۆ پارە و سەرمایەی زیاتر دزین و سەریەکنان کەوتنە مڵومۆ، هەمدیسان ناوەندی رۆژهەڵات و زیاتریش کوردستانیان وەک قوربانی تاوانەکانی خۆیان دیاری کرد و تاعونی داعشی ئیسلامیان بە هاوکاری رژیمە فاشیستەکانی کەنداو، تورکیە و ئێران بەردایە گیان و ژینگەی خەڵکی شەکەت و زامداری ئێراق و کوردستان و سوریە.
بەڵام کۆبانی وەکوو نێزە چەقیە دڵی ئەو پیلانە چەپەڵ و نائینسانیە، و نەیهێشت مێژوو بە رەواڵی پێشوو بگەڕێتەوە. وەختێک داعشی زنجیر بۆ شلکراو لە ئەو پەڕی دڕندەییدا دەستی بە سەر هەر شوێنینکدا دەگرت، قەتڵ و تەجاوەز و تاڵانی وەکوو دیاری دەبر و پاشان وێرانە و سووتمانی لە پاش خۆی بەجێدەهێشت و کەس پێشی نەدەگرت، دنیا تاسا و ترس وەکوو پەردەی رەشی شەو خۆفی خستە جیهانەوە، کۆبانی ئاوساری کرد.
ژن و پیاوی ئازا و ئارمانخوازی یەکسانی باوەڕ بوونە دیواری پۆڵایینی دەوری شار و هەر شەڕوانێک نەخشی قەڵای شارێکی سەدەکانی پێشووی دەگێڕا. دژمن بە تانک و توێتا و تاوانبارترین بەشەرەکانیەوە سەنگەری وا ئاگرین و زەبری وا کوشەندەی نەبینیوو. لێکدالێکد سەری دەدرا بە شوورەی شاخی باڵا و باوەڕ و فیشەکی ئاخرین هیوا و ئەستێرەکانی بەرگریکاری کۆبانێدا.
کۆبانێ دڵ رەشترین جەلادەکانی سەردەمی ئەعلای تەمەدنی نیزامی دەسەڵاتداری دنیای لە خۆڵ و دوکەڵدا خنکاند و فووی بە فتیلەی ئەو جەنگە کەسیفە نوێیەی گاز و نەوت و هێژمونی سیاسی/نیزامیەی شەڕدۆستانی دنیا لەو مەڵبەندەداکرد. مستی کۆبانێ وای نەخشەرێژانی دابەشکردنی خاوەرمیانە گێژ کرد، بوو بە ستارتی کۆتایی هێنان بە داعشی سوارە تویتای ژاپۆنی و زرێپۆشی ئاڵمانی. هەر وەها بوو بە هەڵوەشێنەرەوەی نەخشە نوێکەی زلهێزەکان و قوڵە دیکتاتۆرە فاسیدەکانی ئەو ناوە بۆ تاڵان کردنی ناوچەکە بە سانایی.
کۆبانی بە وەستانەوەی بوو بە خۆشەویست ترین و بریندارترین شاری سەرکەوتوو بە سەر داگیرکەران لە مێژووی هاوچەرخدا.
با بە هاورێی کۆبانی تێبکۆشین بۆ رزگار کردنی عەفرین و ناوچە داگیرکراوەکانی تری رۆژاوا و باکووری سووریە.
سەری رێز دەنەوێنین بۆ پارێزەرانی دڵ ئاگرینی کۆبانی و باڵای پڕ ئازاری ئەو شارە پڕ ئیفتیخارە.
#ئارێس_زارعی@Kolbarnews۱ی نوامبری ۲۰۱٨