🌷هديةً للأموات 🌷

يمكن شوية طويلة السالفة بس تهم كل بنية
فيا عزيزتي البنية .. أيا كان مكانج .. شكلج ... ملتج ... ديانتج ... ثقافتج ... مستواج ... المادي ... الاجتماعي ...
ايا كانت شخصيتج ووضعج وحيااتج وظروفج
رسالتي الج حترافقج طول حياتج اذا فتحتي گلبج وعقلج سوه وقريتيها صح ...
الى كل بنية تعبت على نفسها ودرست ... حته لو سنة لو سنتين
الى كل بنية باوعت على روحها بالمراية وشافت شي حلو بيها
الى كل بنية حفظت قصيدة ... مقولة ... او نص ...
الى كل بنية وكفت وصلت بگلب خاشع وشافت روحها نظيفة ونقية وهي واگفة كدام ربها
تذكري شي حطي باذنج ترچية
الله خلقج انثى ... شي نازك وراقي ومرغوب ...
مهما كان عمرج لو حالتج
مهما كان وضعج بالبيت
مهما كان ظرفج وحياتج
حته لو احد من اهلج مأذيج حته لو اكو تفكك اسري
حته لو جنتي بله أسرة
حته لو كل البنات التعرفيهم هيج سوو
حته لو كل الشباب تركض وراج
ماكو شي بالدنيا كلهه يستاهل
تخلين نفسج فرصة #لعب لواحد ما تعب لحظة وفكر بعرضه قبل ما يلعب ببنات الناس
ولا وگف لحظة وفكر بخواته لو امة لو بناته بالمستقبل
قبل لا يوعد وحده بشي وهو غرضه شي ثاني
لا تتهاونين بنفسج
ولتصدگين ...
غير اليجي يدگ بابج ...
مو الي يگلج #ناوي ادگ الباب
عيشي غالية ... حيل غالية
والي يگلج شايفة روحج معقدة حقنة گوليله ونصين ...
اذا الاخلاق والاعتزاز بكيانج يخليج معقدة تعقدي
وج صدگيني خلي يتعبلج ويضوگ المر لحد ميوصلج
لان التعب هذا حيخلي يتذكر طول عمره شگد تعب لحد ما حصلج
التعب حيخليج غالية هسه وبعدين
التعب حيظل محفور براسه لحد ميشوف احفاده منج
وهم راح يسولفلهم ويگلهم
( جدتكم خذتهه بطلعان الروح )

مو ياهو اليجي ودگ گلبج تحبي

تعرفين ليش?
لان الاختيار الاول مو تجربة
والجرح الاول مو تجربة
الجرح هذا مراح ينزف بگلبج
حينزف بعيونج ويعميج عن الزين من يجي
حتشوفين الكل بنفس النظرة

حيخرب شخصيتج ويجوز تصيرين مثله
حتروح البرائة والطيبة والفطارية
ويجوز العلاقة الفاشلة هاي حتعرفج على بناات فاشلات
يعلموج درب فاشل تنسين بي الجرح
وحتعرفين واحد وره واحد وره واحد
ويخرب گلبج وتموت روحج وتنام ذيج البنية الجانت نيتهه #حب

نصيحتي الج دوري بداخلج عن الحب
اهتمي بنفسج وحبيها
بدل متدورين واحد تسولفين وياه
لزمي ورقة وقلم وسولفي
كتبي
رسمي
طرزي
خيطي
شخبطي
اشتغلي
اتفرجي مسلسلات وقصص وقصايد
اقري روايات وكتب وكبري عقلج احسن متكبرين كلبج بالهم والتعب والقهر
من تضوجين لتعلگين اغاني لطم وبجي وتدلغمين وتبجين طلعي ملسلسل يضحك فلم يضحك
يمعوده طلعي كارتون جنتي تحبي من جنتي صغيرة
ساعتهه حيصغر بعينج همج
لو اعلمج على درب ظل لازم روحي عمري كله
گعدي سولفي وياه ...
منوه ? الله
وج ربج .... شگد حنين
ابد ميمل شگد متحجين صدگيني
ولو شوية ركزتي وصفنتي وخشعتي
حتلگينه يجاوبج
يمكن بآية ويمكن بصورة ويمكن بموقف
والله مره شفت الدنيا ضاكت عليه
اختنگت بالشارع وباوعت گتله ربي ليش هلگد ضايج مني ودتشيلني بهالاذية
شفت فقير ومشيتله انطيتة صدقة
اول كلمة گالها
(#الله_يحبج)
ساعتها اقسم بالله گلبي نط من مكانه
وعيني لوما لزمتهه جان بجت
عليكم الله
كلمة الله يحبج هاي مو احلى من مليون احبج من واحد ميعرف صلاة العصر من المغرب شوكت !!!
.
.
#خليج عزيزة خية
مداتفلسف براسكم ... بس والله الي تحط الله مرجعهه بكل صغيرة وجبيرة
ميشيلهه وجع ولا ساعة بعمرهه

#محمد_رياض

#ّّسِـيِّدٍتٌـيِِّّ_يأّﺰهّـرأّأّءِّّ