جهاد القوافي

مجاراة بعنوان (حصار تحالف العدوان يقتل الشعب اليمني )

البدع للشاعر #عاقل_بن_صبر

شعب اليمن إعصار كاسر للعواصف والحصار
وحسبنا الجبار مهما صار وإليه المصير…!!

والنصـــــر للأنصار في درب الإباء والإنتصار
إذ زاغت الأبصار والله المؤيد والنصير…!!

#ضيف_الله_سلمان

بقوة القهار بانرتص في اعظم مسار..
وحلف الاستكبار ماله من مسيرتنا مُجير..

حاقت به الاخطار في بر اليمن قبل البحار.
وقد بدأ ينهار في (مارب) وفي جبهة (عسير)..

#فتى_همدان

وتحالف الاشرار مهما جار حتما في انهيار
بالعزم والاصرار والانصار بانوصل عسير .

يا بن صبر وش صار في شعلان قلي بختصار
بشاير الاخبار في جبهات مارب يا خبير

#مهدي_أحمد_مفلح

المعنوية نار تشعل والعزيمة نار نار
واحنا على الكفار مثل الموت واليوم العسير

با نكمل المشوار لاما يصبحو مثل الغبار
والنصر للاخيار يترسخ على الحد الكبير

#الحمزة_المغربي

الـثـار يا اهل الثأر واجبنا نردّ الاعتبار
والعار كلّ العـار للقاعد فيَ الذلّة أسير

حلم التحالف طار والابطال من كمّن مسار
تجتاح ليل نهـار والبـاري بنصرتنا قدير..!!

#الشاعر_راجح_عامر

والله بالأمطار قد أنعم وبانجني الثمار
في أرضنا أحرار ناكل من خُضَرْها والشعير

والنفط بالحفار نحفر له ونوصل للقرار
ونبيع بالدولار للعالم وبايغنى الفقير

#الشاعر_أحمد_الغبسي

ياخطة الكفار يانهج المجازر والدمار
حاصر وشب النار عمر الظلم والباطل قصير

باالواحد القهار راهنا على كسر الحصار
ولَّا فقد الاقدار محتومه على راس الحقير

#الشاعر_يحيى_الوحيشي

العار ثم العار يغشى وجه من يجلس نهار..
ويدور الاعذار ذي تبقيه في داره اسير..

المعنوية نار وحنا الاغنياء بالانتصار..
والمعتدي منهار وإحصاره دليل إنه فقير..

#الشاعر_الياس_المقدشي

صمت النشاما عار عن مشروع احلاف الغبار
حصار واستهتار تحت اشراف لامريكـ ا السفير

لابد يا الثوار نشعلها على الباغي شرار
وذي غزى بالنار بايحرق ويصلى في السعير

#عبدالرحمن_احمد_المنيعي

على خطى الكرار با نمضي ونصرخ بالشعار
والمعتدي منهار والشعب الابي معلن نفير

اعصار واستنفار في وجه العميل المستعار
والداعشي مكار من يوم الولايه والغدير

#أسامة_الجنداري

بسم الله الجبار كبّرنا وصحنا بالشعار
نطلق بلا طيّار بأيدينا وتيسير القدير

دام المسيّر طار باتُفتح مغاليق الحصار
والنفط يشعل نار، والميناء، وشُرفات الأمير

#الشاعر_صالح_حسين

يامرحبا مادك حلف العهر قاصف والفقار
ماحن بالستي شديد الباس واحرق ذو النظير

مهما حصاره طال في ظلم الدياجي والنهار
والارض شبت نار واتلاقى المناقض والنظير

#ابواسماعيل_الجابري

يصير مهما صار عيش الذل عند الحُر عــار
شعب اليمن احرار ما يخضع لظالم أو أجير

نواصل المــشوار لن نـحيا بذله وإنكــسار
والنار تلقى نار والأعداء لهم سوء المصير

#عـمـاد_الـعمـلسـي

لله كل الحمد ذي خلئ التحالف في انهيار
وزاد فينا اصرار في دعس الحمير ابنا الحمير

اليوم لاعاصم لكم من بأسنا لاوين فار
بانلحقك حتئ ولو قدلك جناحات وتطير

#عبدالواسع_صايل_الغولي

اذا المسيّر طار با يكسر قواهم الحصار
ومن شبيب النار نذيق الخصم يومً مستطير...

للواحد القهّار توجهنا وحددنا المسار...
جهاد واستنفار ضد المرتزق وابن النظير...

#الشاعر_عايد_الخيل

لو صار مهما صار شلو حروفي با أختصار
الصبر في الانصار مثل الجبل ذاك الكبير.

ولا ضاق هو إعصار وراسه.شرر تقدح بنار
ماتوقفه اســــوار ولا حصون قصر الامير

#فائز_الحمزي

لو نأكل الأشجار والأحجار دونك يالشعار
وحلف الإستكبار أمسى اليوم بالرمق الأخير

سيل العرم جرار وبعد السد طوق كل دار
حول المجمع صار ومن باع الوطن ماله مُجير

#ابوقطوان_القطواني

شعارنا الكبار والص رخه علمنا والشعار
والم وت للاشرار ومري كاء وسلمان النضير

والنصر للاحرار والعزه لشعبي فاالعيار
والمعتدي منهار بذن الله بايوقع اسيرر

#زيد_الخراشي

نفير واستنفار باستمرار لاكمال المسار
بايمان واصرار النفير العام ياقوم النفير

بانوقف استمار عدوان التحالف والحصار
بالواحد القهار يخسى مجلس اموات الضمير

# الشاعر_ابواحمد_العسولي

شعب اليمن قد ثار ياحلف العماله والبوار
في طاعة الجبار اعلن شعب الآحرار النفير

مع علي الكرار والاطهار نصرخ بالشعار
هيهات للكفار يخضع شعبنا مهما يصير

#الشاعر_أبوريدان_الجبري

ياذي قصفت الدار واغلقت الموانئ والمطار
خروجنا انذار بعده بايكون اسوء مصير

لاتحسب الاحرار باتخضع وتركع بالحصار
بالعكس ماهماصار باتصبح صواريخ ياحقير

#عبدالعزيز_الغرباني

مهما تمادوا فالحصار فالنصر وعدي باختصار
بالحسم نختم ذا المسار نفير ياشعبي نفير

مافادنا كثر الحوار لابد من خوض الغمار
بجيشنا الجرار بانعالج الوضع الخطير

#الشاعرة_فاطمة_القمادي

حلم التحالف طار قل للحلف ليش الإنتظار
دام الله الجبار والله المهيمن والقدير

ياقرن الاستكبار. شعب الحريه أصدر قرار
من بار