جهاد القوافي

مجاراة الـ13 من شهر رمضان بعنوان ((سؤال ورساله الى المرتزق))

البدايه مع / #ابو_حسين_الراعي

يا عبد صهيون ما هي آخر اخبارك ..
هل فادك الحِلف وإلّا رد لك صنعاء ؟!

عميل, خاين, غبي, مطعون في دارك
ومرتزق باتجيك الخاتمه شنعا .

#ابو_شامخ

اليوم يامرتزق ليش انطفت نارك...
والحلف خابت ضنونك فيه والمسعا

خاين لارضك تعيش مدفون في عارك..
خاين وطن ينحرم من ماه والمرعا..

مااحسبتها صح بفعالك وبشوارك.
واليوم تتذوقون المر والنقعا

#محمد_حزام_متاش

من منطلق سورة الرحمن وتبارك
وآل عمران وآيات الهدى جمعا

نحذر المرتزق عاساه يتدارك
ويترك الحرب بين الليث والافعى

#عماد_النهاري

يا المرتزق قل لابن سلمان لا بارك
بنفطه الله ولا بارك بكم جمعا

ومن سكت عن جرايمكم فقد شارك
بها معاكم وحنّا بالردود اوعى

#عبدالغني_ضبعان

بعت الوطن والشرف والعز في جارك
وبعت عرضك بدرهم لليهود جمعا

اين المفر يوم ما احد يقبل اعذارك
يـوم انطـق اللـه جهنـم إنهـا جوعا

#ابو_جوده

يا عبد الامريك بعت اديارك وعارك
مالك مكانه ولا لك قدر او وضعا

والله ما ينفعك كذبك ولا اعذارك
وصابرك من حذاء الغازي شبع صفعا

#ابوحليم_عبدالكريم_الصماط

ياخادم امريك،وين اغويت مشوارك؟
هل نفعك العاصفه، واحلافها جمعا؟

البهذله والهزيمه لك ولاشراااارك
والخزي، والويل،والاعدام من بقعا

#مجاهد_في_سبيل_الله

يا بائــــع الدين والمله مع عارك
نهايتك قتل ماحد ينفعك نفعا

مابا يجيرك من الانصار زنّارك
ولا يفيدك رواتبهم ولا المرعا

باقي لنا امتار توصلنا الى دارك
وبعدها باتشوف الصــفع والصرعا

#محمد_يحيى_القحم

ياويله الويل من حالف ومن شارك
عبيد الامريك واهل المملكه الهنعا

جيش اليمن هد والعدوان يتعارك
والنصر قادم وحلف ابليس يتفنعا

#الكاسر_الحيمي

لاعــذر للكــل لــاعــد تلــقــي اعــذارك
خبتوا وخــاب الــامــل والحــزم والمسعى

بعت المقــدس وجــيت اليــوم بزنارك
من اجل ترضي قوى في حقنا طمعا

اهوى الى نار حمراء وما حــدا جارك
مــن نــار ربــي الــذي تدعا لها دعا

لنك بترضى بمن قد عاب فــي عارك
وشال حــقــك وافســد كــل شــي صُنعا

لننت دانق رضيــت الظــلم فــي دارك
لنــنت خــايــن عــليــك الــعــار والطبعا

الــويــــــل يــامــزتــق مــخــتــم لمشوارك
وحنا بــرب الســمــاء بــانــقــتل الافعى

#ابوالكرارالنجري

ألم نقلك بان الغزو قتالك
ولجل يجعل يمنا كلهم صرعى

خابت ضنونك وهانت سيئ اعملك
و انت سلعه لاجل التفرقه تسعى

#ابو_معتز_مبارك_العفيري

يا ابو حسين الف حيا بك وبإضهارك
يا مرحبا الراعي البارز فيَ القنعاء

قدعبدصهيون في كل الحروب شارك
ولاوصل لا طرف ياحيداخوك منعاء

#صخر23

من يبتعد عن هدى الله ماهي اعذارك
يبشر بعيشه رديئه خاسيه دوعا

الله يالمرتزق ارخصت في دارك
وبعت عرضك ونفسك والثمن ربُعا

#محمد_خصروف

لا ضاق حالك رجعت وعشت في دارك
وان شِأت تجلس معاهم واصل المسعاء

وابشر بدانه تٌقطّك وقت افطارك
وتشل روحك جهنم قبل تتبعاء

#أحمد_أمين_المساوى

لا بك حميه ولا غيره على عارك
حذا للمريك تخسئ صورتك شنعى

حاربت ربعك رضئ لبليس بأجارك
لا شفت جده ولا عاد باتشوف صنعاء

#آسيا_الأهدل

صنعاء بعيده عليك وطالت أسفارك
واحنا وصلنا لمارب حرب في صحراء

نقسم يمين ياسعودلانلحق أوكارك
لو تتجه للقمر أو كوكب الزهراء

هل مافعلته قليل...؟جهز لاقرارك
من دم أطفالنا باتذرف الدمعاء

للبيت الأبيض تنفذ كامل أدوارك
تنفث سمومك وحقدك أيها الأفعى

ماينفعك في الأخيرصهيون وأحبارك
سقوط مآرب بدا في الطلعه الحمراء

خنت الجوار ياسعود فرطت في جارك
واليوم يدك ياخبيث جزاءها قطعا

#نمري_عبدالله_مطر

يا مرتزق قل لهادي اخر اشوارك
تودي بنا اليوم لاما ننتقل بقعى

معنى المسيّر يدقدق كامل اسوارك
واغلب رجالك تهاوت ياغبي صرعى

#مجاهد

ياخادم ابليس،هل ينفعك دولارك
من بعد ما توقع انته داخل الصرعئ

ما ينفعك والقسم أهلك ولا جارك
في يوم تلقئ اوليائك كلهم هلاعا

واسألك عن من تطاول يستحي عارك
كيف ارتضيته من اول يوم يا خضـعاء

#ابو_علي_الجبلي

مطعون خايب ووسط المعركه بأرك!؟
وذا البدايه وعاد الاخره شنعاء؟

بل عاد يفنأء! معية؟ كل من شارك؟
في قتل شعبي ويفنئ قبل مانفناء.

#أبو_شامخ_السالمي

العار والخزي يا شعبي لمن خانك
وباع نفسه لسلمان حينوه أعما

عايهينه الله يا شعب الذي هانك
وسار خدام لابن سلمان سع سلما

#أبو_عاصم_الرقيمي

قد بعت عرضك وارضك لعنبو عارك
وعشت بالمال عيشه واطيه خنعاء

قُل للملك يلعن اموالك ودولارك
وعود بين اخوتك ذي منع ابوك منعاء

#أبو_سلوي_الزاهري

مابا نهيك لا ليلك ولا نهارك
وكل يوم وانت لفراد جيشكم تنعا

ياقرن شيطان با نسحبك بنخارك
إلى اليمامه نجيك وبعيد عليك صنعاء

#أبو_سجاد

يامرتزق يا منافق لعنبو عارك
بعت الشرف والكرامة مامعك حضاء

وايش البلاءذي نزل بك ماهي اعذارك
وايش عادبعدالكرامةوالشرف ترضاء

للمجاراه عن ( المتغيرات الحاصله في حرب السعوديه على اليمن وانقلاب موازيين المعركه من وضع الدفاع الى وضع الهجوم لصالح اليمن وما وراء ذلك؟! )

البدايه مع / #ابو_حسين_الراعي

‏جار المنــافق برضنا واستدعى
لقتالنا بالامس كمّــــن واشي

واحنا نقلنا المعـركه من صنعاء
لأبها رياض المملكه ع الماشي

#ابو_مقتحم

ياصاحبي جيش المنافق صرعا
والبعض هارب ما يواجهناشي

والقوه الصاروخيه بالجمعا
تاكل وتنهش وسط كبد الحاشي

#اخت_شهداء_البكالي

بانكسره بالردع تلو الردعا
ونذوقه من بغمة الرشاشي

جاييك بالصماد قاصف جمعا
لابد من ردعات ياعفاشي

#فيصل_جحاف

قل للسعودي ذي حشد واستدعى
لخط صنعاء قد وصل او ماشي?

له سبعة اعوام قد عيونه ملعى
لاشاف صنعاء و لاركب ع الماشي

#عبدالباري_قاضي

جارت علينا كل دوله عوجا
مُنذ البدايه واليمن تتحاشي

واليوم مِن ويل اليمن با تُجزى
لاْسنادها اْصِلاحي مع العفاشي

#ابو_جوده

من اليمـــــن لا ليبيا لا درعا
كم اجراموا كم افسدوا الاوباشي

واليوم يحصد من ثمار الزرعا
ما صدرة بقروش جاه بــلاشـي

#ابو_سيف

هي دعوت المظلوم ذي هي تسعى
با تنتصر دعواتهم كشكاشي

قد الخليجين منا صرعاء
انصار ربي ما بنخاشا خاشي

#زرقاء_اليمامه

جاءت على غزو اليماني عرجا
سادس سنه راحت وحازت لاشي

واليوم نادت يا عرب تترجا
من بعد ما عجزت معي تتماشي

للمشاركه @Abo_hoseen