#کرده_گاهدو دو
کارهَ دو
گایِن نِشون کو بَه کو!
دِ نِـوَرْن ماست و دو!
کرْدهَ گا اومهَ چَمَه کو!
کا دِرهِ اومَه؟ سوتهَ کو!
چَه چْه نیهَ؟ هیچی بْرا
کَترا آرَسَه سوتهَ کو!
اَناسو چَرَه سیر نا آبه!
خا ویْلکه جیرهَ تونهَ!
اْشْکم مَوا لـْشْکَم بْوا !
مْجْغْـلی سِل و دَریا تونهَ!
ای کیسهَ واش ؟دْ کیسهَ واش؟!
سیرنا آبو بیس کیسهَ واش!
آخری دیلهَ سْمْ دَکَرْه!
هَتهَ مونو دْمْ دَکَرْه!
هَرکی وینهْ فشْته کَرْه!
پیشاخْرهَ شاخ دَکَرْه!
ایلا بیلا چل کیسهَ واش!
کرْدهَ گا اومهَ چَمَه کو!
کا دِرهِ اومَه؟ سوتهَ کو!
چَه چْه نیهَ؟ هیچی بْرا
کترا آرَسَه سوتهَ کو!
بیلا وارث هْنتهَ هَرْه!
معلوم نیهَ کا دَکرْه!
سَر دَکرْه دُم بَکَرْه!
فقط وینم ترْنهَ کَرْه!
خندهَ دارهَ خا بْگرْه!
نِزونو گرهِ گرْنهَ کرْه!
اْشکمی طاغون دَلکه!
بَرَکتی دِ بَرْدَشه!
مَرده لکت شْت نِویدهَ!
اْشْتن اَوَری روبَرْدَشهَ!
نِزونی مَگهَ سوتهَ کو مالهَ!
قـَحطیهَ سالی کیجهَ یهَ!
خَیلی وَختی کرْدهَ گایهَ!
هنتهَ وینی بیجهَ یهَ!
ایوَری پَلو رْشک آکرْدهَ!
ایوَری پَلو گیجهَ یهَ!
هْنتهَ اْشْتن خارْندَشهَ!
چهِ جان هَمَه جیجهَ یهَ!
فقط مَندهَ دَنَ درد و
جْلهَ ریشهَ بیگِـرْه!
سردهَ سولهَ اَی بیگینـهْ!
خونَ جیشهَ بیگِرهْ!
کرْدهَ گا اومهَ چَمَه کو!
کا دِرهِ اومَه؟ سوتهَ کو!
چَه چْه نیهَ؟ هیچی بْرا
کترا آرَسَه سوتهَ کو!
#کرج_آبان_۸۸#رضا_نعمتی_کرفکوهی
