کانال عمومی درشهر ماکلوان کانالی برای همه تالشان

#تالشی

دلم دَرِه نیه جا
نِزونم از چه پیش آ
اشته ای پا شو عزیز
نشا بشو ایله پا

ور واره مشته مشته
وری وران دکشته
چه مونه که زمستون
چمه خاشی کو نشته

اشته سری سیا مو
نره راسه منه رو
چمه بختی تیته اون
کرا سیا کری کو

آروم بشن شوونه
نامرده ام زمونه
نکی ویگره یکوی
چَمه ناجان نشونه

زنجیر گینه زبونی
لای‌لای نشای بخونی
خیفه ترا کوکوله
پاییز پی لال بمونی


انار انار خون آبه
دنیا دیل آسون آبه
چَمه زمون خنده نه
هنی تبر جون آبه

تاشه پرومه چالی
چاکنه اشته بالی
اسه که پرپر آبی
پِنه گل گله شالی

سیا دمرده دنیا
بغضی ویبرده دریا
رخونه خاله توله
تاریکه آبه اشته را

ایلایی ام کلارو
تِشه و تتل جیره‌سو
مَویگره چمه پا
دس پیگره امه کو

پاییز ۱۴۰۱

#معصومه_اپروز
#تالشی_چارپاره
#تالشی_پَلَوی
#تالشی_غزل
#تالشی_آزاگله
#تالشی_شعر
#چوئه_گشه
#هرای

❤

@masoleroodkan
꧁꧂‎‌♥️♥️꧁꧂
☃️موسله روخون☃️
🌺🌺🌺🌺🌺