Daronkolaaa درونکلا

کَر بَزومه کیسه ره بار هاکِردمه

دِعا بر شه پی‌یِر و مار هاکِردمه

بَروتِمه شِه یَک ساله زَمِتّه

تِصَدِّقه شه جانِ یار هاکِردمه


✍ #هادی_اکبری

@daronkolaaa
#کانال_تلگرامی_درونکلا

📸 (تصویر آقای هادی اکبری شاعر تبری‌سرا)

بمومی خون هدامی اینتی بَوّه؟
مله جوون هدامی اینتی بَوّه؟

چه اَمه تَنه تَشّه او نَزنّی؟
اَمه غرصه‌ی کَشّه لو نَزنّی؟

چه وِنه تشنائی مه جانّه بَیره
قحطی بییِه مه خوزستانه بَیره

خِده جهنمه چال بَیّه خوزستان
مَلکمیتّه حلال بَیّه خوزستان

اَمه ارمونه برمه گیرنه اینجه
اَمه چش خونّه سِرمه گیرنه اینجه

می دَیّیِن تشنائه وِره هلاکه
دَسّه چال او اینجه مه خراکه

چه چی وِسّه امه دردِ نَوینّی؟
امه رنگ روی زردِ نَوینّی

کی وِنه اَمه خون تِمونّه هاده؟
اَمه او و هوا و نونّه هاده

بَوِردِنی بَخِردِنی چه چیسه؟
نَهوتِنی بَمردِنی چه چیسه؟

کوریک گیرِنّی چش شه وا نَکِنّی
شی پیش کشه اِماره جا نَکِنّی

پیغوم پَسغوم می کار ره حل نَکنده
میزه دارنه کمر ره وَل نَکنده

بِئین به دادِ خوزستان بَرِسین
وِنه از خون شهیدان بترسین

😔😔😔
✍ #هادی_اکبری

@daronkolaaa
#کانال_تلگرامی_درونکلا

تره دهیار بَتِنه یار بَواشی

شه مَله ی دِلِ قرار بواشی

اونگِدِر که مله تینار بهییه

وِنه تیناریِ برار بواشی


✍ #هادی_اکبری

@daronkolaaa

۱۴ تیر روز #دهیاری بر دهیاران عزیز بخصوص دهیاران زحمتکش درونکلای بزرگ، مبارک

💐💐💐💐👏👏👏👏
#کانال_تلگرامی_درونکلا

عاشقی، هر کی هر کیِ کار نیِه

کولِکِ دار که ویشه ی دار نیِه

عاشق وِنه شعر بَوِّه، شاعر بوئِه

هر کی لالایی بَخونده، مار نیِه


✍ #هادی_اکبری
📸 #کانال_تلگرامی_درونکلا

@daronkolaaa

🎼🎥 «نشاکر بموئه، دلور نموئه»

با شعر و صدای
#هادی_اکبری

@daronkolaaa

ته مره مشق و املا یاد بِدائی

مِره قرآنِ وِللّه یاد بدائی

نِخواسّی مه سَرِ کِلا ره بَیری

مره آیِ با کِلا یاد بدائی

✍ #هادی_اکبری

@daronkolaaa

🎥 فیلمی از سالهای گذشته،
#مدرسه_شهید_چمران درونکلا غربی

"ببینید تا خاطراتتون زنده بشه" 😍😍

@daronkolaaa

می دل خوانه بهاره وارش بوئِم

ارمونیِ چپون و گالش بوئِم

اونجه که دل تنگِ تی خونِش بونه

زار بَزنِم لله ی نالش بوئِم


✍ #هادی_اکبری
📸 #کانال_تلگرامی_درونکلا

@daronkolaaa

سه خط طِلا، تی یادِگاره مشتی

تِره حلال شیرِ تی ماره مشتی

کی تونده که ورسکِ پل بِسازه؟

اینتی هِنر فقط تی کاره مشتی


✍ #هادی_اکبری

@daronkolaaa
#کانال_تلگرامی_درونکلا

رفق کوئی که دل تنگ ته بَیمه
مره ونگ هدائی ونگ ته بَیمه

ته که بوردی می دل قرار نهیته
بوین مره که همرنگ ته بَیمه
🖤🖤

✍ #هادی_اکبری

@daronkolaaa
#کانال_تلگرامی_درونکلا

کجه بوردی می زاری ره نَویندی

می دلِ بیقراری ره نَویندی

نَدوندی که ننا دِق کِنده میرنه

شی ننای تیناری ره نَویندی

🖤🖤
✍ #هادی_اکبری

@daronkolaaa
#کانال_تلگرامی_درونکلا

استفاده از کلمه #خش در شعر با سه معنای متفاوت: 😍😍😍


مه دِل خانه بَوِّم ته پیِره خِش

اجازه بئیرم هادِم ته رِه خِش

ته مار شکر هاکنه جانِ خدا ره

خِشالی بکنه بییِه وِره خِش
😊☺️☺️😍😍

✍ #هادی_اکبری

@daronkolaaa
#کانال_تلگرامی_درونکلا

ته اون وِشنا بِتیمه دور بگردم

ته اون اِفتابه دیمه دور بگردم

تنه خسه داشتی خوندِسی قرآن

ته الف و لام و میم دور بگردم


✍ #هادی_اکبری

@daronkolaaa
#کانال_تلگرامی_درونکلا

بی معرفت مره نفرین چه کِندی؟

اِتی بی بال و بی سرین چه کِندی؟

عاشقی دین و ایمون نِشناسِنه

مره کافر مره بی دین چه کِندی؟


✍ #هادی_اکبری

@daronkolaaa
#کانال_تلگرامی_درونکلا

ته که بوردی هِوای وا بَمِرده

مه لله چی مه لله وا بَمِرده

سیو بَیّه می اقبال و می دَیِّن

اِسپه جِمه تَنِ قِوا بَمِرده

✍ #هادی_اکبری

🥀🥀🥀🥀🥀

🥀 چهار سال پیش در چنین روزی، یعنی ۱۹ آذر ۹۵، #رجب_سماکوش مرد شماره یک درونکلا، معروف به رجب پهلوون، از پیش ما پر کشید. 🥀


🌹روحش شاد، یادش جاودان🌹


@daronkolaaa
#کانال_تلگرامی_درونکلا

🌸 تقدیم به مازِرونی کیجائون 🌸

❤️❤️❤️❤️❤️❤️
@daronkolaaa
#ساروی_کیجا

اَتا یار بَیتِمه ساری به اون دیم
اِسبه سَرِ روئه ماهه وِنه دیم

اَگه صد کَش مِره نَوینه دِلخواه
چِشِ اَصری بونه وارِشِ تیم تیم


#جویباری_کیجا

شِه یاره بِلاره جویباری هَسّه
هِنِرِ بارِ مارِ واری هَسّه

تیناری تیناری نشا نِشِنه
مِزیرِ مرد مونّه کاری هَسّه


#سوادکوهی_کیجا

سوادکوهی کیجا مَمرِزِ چِلّه
نامه ره دِمبدا اون وره پِلّه

صَفه به صَفه ره خوندِمبه دلور
الهی تی بلا بَنده می دِلّه


#قائمشهری_کیجا

قائمشهری کیجا اَرمونِ می دل
تِره که نَوینِم تنگ گیرنه می دل

اَگه دور و وَر ره لیلی بَهیره
هیشکی ره غَیرِ تِه نِخوانه می دل


#بابلی_کیجا

دل خوانه بابلی می نومزه بَوّه
گلِ ونوشه ی هر روزه بَوّه

اون گِدِر که شومبه قبرِ میونه
می نماز و قرآن و روزه بَوّه


#امیرکلایی_کیجا

مِه نومزه ی سِره امیر کلائه
چادر به سر شونه بِلِن بالائه

رقم رقم شه دس اَلِنگو دارنه
تا لینگِ گِردنه مَشتِ طلائه

@daronkolaaa
#بابلکناری_کیجا 😍😍😍

بورِم بابلکناری یار بَهیرِم
وَچونِسّه خِجیرِ مار بَهیرِم

هِنیشیم بال به گِردِن تا صوائی
وِنه وَر دَواشِم قِرار بَهیرِم

@daronkolaaa
#آملی_کیجا

آمِلِ پِلِ سَر گِذِر هاکِنِم
آمِلی کیجاره نَظِر هاکِنِم

اَگه خِدا بِخواد پَعییز امسال
شِه نومزه شاهیه محضر هاکِنِم


#محمودآبادی_کیجا

بورِم محمودآباد دِلوَر بَهیرِم
نا دلور بلکه تاجِ سر بَهیرِم

دِتایی راه بوریم دِریوی کنار
ذوق هاکِنِم خِشالی پَر بَهیرِم


#نوری_کیجا

نوری کیجا تِره خاهون بَهیمه
تی وِسّه بی سر و سامون بَهیمه

مِره بَوِردِنه نوشهرِ پاسگاه
اسیرِ دَسّه نامردون بَهیمه


#مازرونی_کیجا

مازِرونِ کیجا هِنِر باره
زِمسٌون دِله فصل بهاره

وِره داری نا وِشنائی تا تِشنا
تی خالی سفره ی شوم و نهاره

❤️❤️❤️❤️❤️❤️
✍ #هادی_اکبری

@daronkolaaa
#کانال_تلگرامی_درونکلا

تِه که دَنی سیزده شو ره کورِمبه؟

لالِک بَیره چِشِ خو ره کورِمبه؟

تِه که دَنی سیو بختِ ریکامه

لالِ مار بَزِنه چو ره کورِمبه؟


✍ #هادی_اکبری
📸 #کانال_تلگرامی_درونکلا

@daronkolaaa

زَمونه مِره بَیته وَل هاکِرده

عسل بیمه آ بَیته تَل هاکِرده

اَتّا قَد داشتمه دارِ بِلِندی

بِلنِد دار ره بَیته کَل هاکِرده


✍ #هادی_اکبری
📸 #کانال_تلگرامی_درونکلا

@daronkolaaa

دل خوانه مدرسه بورِم کلاسِ مُبصِر بَواشِم

صَتّا کتاب بَخوندِما تا اِسّایِ شعر بَواشِم

وِشنا بِتیم صِوی سَری اول صف اِس هاکِنم

ته مه وِسّه بَخوندیا ته شعره جا سِر بواشِم


✍ #هادی_اکبری

@daronkolaaa
#کانال_تلگرامی_درونکلا

کلوش نال بن تره ونگ کِنده، کوئی؟

تی خاطر چَتِر ره رنگ کِنده، کوئی؟

چه پیدا نی وِره سِروش دَکِته

شی دِلِ جا دَره جنگ کِنده، کوئی؟


✍ #هادی_اکبری
📸 خانم #نرگس

@daronkolaaa

کیا سلطان مگه مُعجِز نِما نی؟

مگه ته آسِمونِ رونِما نی؟

چه می اِقبال وِنه تِتی نیاره؟

مگه اِفتابِ سوی اونِما نی؟


✍ #هادی_اکبری
📸 #سمیرا_کیایی

@daronkolaaa