🐑 رسم قربونی در پیشتر
🐑 پیشترها
#عید_قربون اینجوری بییه:
اونایی که وضع مالی وشون خار بییه،
اتا گَت گسفن نر رِه گیتنِه، اول صُب پیش از چایی بخِردن قربونی کِردِنه. دعا خون اِیاردِنه، دعا رِه خونِسا قربونیه سَر ره وِرینه. اسآ لاش ره وَردِنه خِنه. کله‌پاچه دِعا خونِه بیه، وه گیته وَرده. صاحاب قربونی شه سَهمه گیتا، الباقی رِه بین هفت تا مستحق میون تقسیم کِرده.
اونتایی که ونه وضع خله خار نییه ۲۰نفری یا کمتر یا ویشتر، اتا دِمس یا تِشکِ شریک بینه ، وره قربونی کِردِنه. هر چند نفر به اندازه اتا دَس یا اتا لینگ یا اتا راسه شریک بینه. اونوقت شه میون به پیلی که دانّه تقسیم کردنه وَردِنه شه سِره. وِشون هم به هفت خنه‌وار تبرّک دانّه.
القصه
قربونی‌وَر هیچکس بی قربونی نییه.
الان این رسم کنار بُورده یا کم‌رنگ بییه.
✍ #علی_مهدی‌نیا_فیروزجایی📸 #نرگس@daronkolaaa
