Daronkolaaa درونکلا

‍ خامبه ته مجيكِ سر پَر بَكِشِم

اَتّا خالي خِنِه با دَر بَكِشِم

اِفرا دار مِه قلم، دريو مه جوهر

بدونِ تِه چتی دِلوَر بكشم ...؟


✍ #رويا_اسداللهي

@daronkolaaa

۱۴ تیر ، #روز_ملی_قلم
بر همه اهل قلم ها، دست به قلم ها، دوستداران قلم و بخصوص شاعران مازنی زبان که برای پیشرفت و حفظ فرهنگ مازندران، قلمفرسایی میکنند گرامی باد
❤️❤️❤❤️❤️️❤️❤️🌸🌸🌸🌸🌸🌸🌸

#کانال_تلگرامی_درونکلا

اَمرو مِه دلِّ اَتّا خِش بَوِسّه

مِه جانِ مارِ نِواجِش بَوِسّه

هوا ابری همه جا غَم دَپيته

مِه دِل اَتا پِريك وارِش بَوِسّه


✍ #رويا_اسداللهي
📸 #کانال_تلگرامی_درونکلا

@daronkolaaa

بهار تيساپه لينگ دو به دو كِندِه

عَطر نارنج هواره خِش بو كِنده

هَلي تِتی اِسپه چارقد وِنه سَر

سِرخِ گِل هم شِه جِمِه ره نو كِندِه


✍ #رويا_اسداللهي

@daronkolaaa
#کانال_تلگرامی_درونکلا

تِه دَسِّ چايی چَنده مِزّه دارنه

بلاره دلبرِ سَر غَمزه دارنه

بورِم كوها صحرا ره بَزِنم پا

صد افسوس كه مه خاهون، نومزه دارنه
☺️

✍ #رويا_اسداللهي
📸 #نرگس

@daronkolaaa

بِرو تا تِه گلِ رو ره بَوينم

تِه چش جا اِفتابِ سو ره بَوينم

مه دل اَندِه ته وِسّه تنگ ِ تنگِ

خدا جه خوامبه ته خو ره بَوينم


✍ #رويا_اسداللهي

@daronkolaaa
#کانال_تلگرامی_درونکلا

پنجشنبه نماشون راهداري كمبه
مه دل تنگ هسسه بيقراري كمبه

امبه ته قبره سر گپ زمبه ته جا
مره وامه سر هايته زاري كمبه

✍ #رويا_اسداللهي

🥀🥀🥀🥀🥀🥀🥀

زنده‌یاد #ملانعمت_کلاگر (ملاعمو) 🥀

#فاتحه
#صلوات

@daronkolaaa

گِتی بی ته صوايي ره نخامبه

تشه سر گرمه چايي ره نخامبه

حال و هوایِ عاشقي دارمبه

شمالِ دِ هوايي ره نخامبه


✍ #رويا_اسداللهي
📸 #کانال_تلگرامی_درونکلا

@daronkolaaa

جانه افتاب كنار بور يار در اِنِه

زاغِ چش بور مي دلدار در انه

دَروِنِّه سازه كمبه كولِکّه دي

تسكه كيجا دلِ قرار در انه


✍ #رويا_اسداللهي
📸 #کانال_تلگرامی_درونکلا

@daronkolaaa

ته خرما چش مه دس كار هِدا دلبر

تلا ونگ زَندِه خام بورِم زمين سر

هوكا ره دس بَیرِم دَرِه منه دوش

دِواره روز از نو آ روزي از سر


✍ #رويا_اسداللهي

@daronkolaaa
#کانال_تلگرامی_درونکلا

تِره افتاب بَوينه تو گيرمبه

بَسوته سینه‌یِ جا دو گيرمبه

تَجِمبه من بيابون تا بيابون

شِه ور ، اَتّا پريك آبرو گيرمبه


✍ #رويا_اسداللهي

@daronkolaaa
#کانال_تلگرامی_درونکلا

ابر بومبه تِوِسِّه وارش وارِمبه

کَهو آسمونّه ته چش كارمبه

وَرفا وارش بِواره تا قيامت

ته اون گرمه كَشِه ره خش دارمبه


✍ #رويا_اسداللهي

@daronkolaaa
#کانال_تلگرامی_درونکلا

پاييزه پشت سر ، يلدا در اِنِه

خاره كيجا چه بيصدا در اِنِه

آذر دره شوني؟! خدا ته همرا

كمند گيسه ، مه دلبخا در اِنِه


✍ #رويا_اسداللهي

@daronkolaaa
#کانال_تلگرامی_درونکلا

بَمِرده روزِ برمه ره نخوامبه

چِشِسّه سنگِ سرمه ره نخوامبه

دِ متر اِسپه قَميس هسـّه مه كَفِن

ديگه پيرهنِ تِرمه ره نخوامبه


✍ #رويا_اسداللهي

@daronkolaaa
#کانال_تلگرامی_درونکلا

برو چش بَيتِه كا هاكن دِواره

ده بيس سی چِل گِمبِه با ته اشاره

برو خورده ريكا بَواش مه وِسّه

همون ريكا كَلِكِ سَر سِواره


✍ #رويا_اسداللهي

@daronkolaaa
#کانال_تلگرامی_درونکلا

ته سيو زلفِ من هاكنم شونه

اون مستِ چشِّ هاكنم نشونه

اگه دونم كه ته بونی مه خاهون

دِ تا فحش هاكنم باره زمونه


✍ #رويا_اسداللهي

@daronkolaaa
#کانال_تلگرامی_درونکلا

نماشون تش و کِرسیِ بلاره

صوايي تندرسسیِ بلاره

اونگدر كه تره من كمبه سلام

ته اَتّا كلام مرسیِ بلاره


✍ #رويا_اسداللهي

@daronkolaaa
#کانال_تلگرامی_درونکلا

مِنا پنجشنبه و اتّا نماشون

دِ تا چِش راه دَره مِلكِ مازرون

غَمِ غربِت مِه دلِّ تو بيارده

كِنه جا بَهيرم شِه يارِ نِشون؟


✍ #رويا_اسداللهي
📸 #کانال_تلگرامی_درونکلا

@daronkolaaa

خامبه لال بووشم بيصدا دووشم

كيسه مه دوش، شه تن سيا دپوشم

مله مله چرخ هايرم بوينم يار

ونه بخته شه شيشِ جا بروشم


✍ #رويا_اسداللهي

@daronkolaaa
#کانال_تلگرامی_درونکلا

تيره ما سيزده شو بَیّه دِواره

همه چش مشته سو بیّه دواره

وليكا ، خرمندی و سرخِ انار

غم و غرصه دِرو بیّه دواره


✍ #رويا_اسداللهي


درونکلایی های عزیز
تیره ما سیزده شو موارکا 😍🌸

@daronkolaaa
#کانال_تلگرامی_درونکلا

بزن وارش مه دلِّ تو بَهيته

غَمِ عالم مه چشِ خو بهيته

هَمِش غرصه، هَمِش غرصه، هَمِش غَم

مره نارنجِ واری او بهيته


✍ #رويا_اسداللهي
📸 #کانال_تلگرامی_درونکلا

@daronkolaaa